ໜ້າຫຼັກ >> ຊີວິດວັດທະນະທໍາ >> ຖ.ວ.ທ ເມືອງໜອງບົກປຶກສາຫາລືກັບພາກສ່ວນກ່ຽວຂ້ອງເພື່ອ​ແຕ່ງ​ຕັ້ງຄະນະ​ຊີ້ນຳ ​ ແລະ ກອງ​ເລຂາ​ຄຸ້ມຄອງ​ຮ້ານ​ອາຫານ, ຮ້ານ​ບັນ​ເທີ​ງ​, ເຮືອນ​ພັກ​ໃນ​ທົ່ວ​ເມືອງ
ຖ.ວ.ທ ເມືອງໜອງບົກປຶກສາຫາລືກັບພາກສ່ວນກ່ຽວຂ້ອງເພື່ອ​ແຕ່ງ​ຕັ້ງຄະນະ​ຊີ້ນຳ ​ ແລະ ກອງ​ເລຂາ​ຄຸ້ມຄອງ​ຮ້ານ​ອາຫານ, ຮ້ານ​ບັນ​ເທີ​ງ​, ເຮືອນ​ພັກ​ໃນ​ທົ່ວ​ເມືອງ
ວັນທີ 07 ມິຖຸນາ 2013 - ເວລາ 11:47:57 ເບິ່ງ 1519 ຄຳເຫັນ 1

 

​      ໃນ​ວັນ​ທີ 21 ພຶດສະພາ 2013 ນີ້ ຢູ່​ທີ​ສະ​ໂມ​ສອນຫ້ອງ​ວ່າການ​ປົກຄອງເມືອງໜອງບົກ​ໄດ້​ຈັດ​​ກອງ​ປະຊຸມວ່າ​ດ້ວຍ​ການ​ແຕ່ງ​ຕັ້ງຄະນະ​ຊີ້ນຳ ​ແລະກອງ​ເລຂາ​ຄຸ້ມຄອງ​ຮ້ານ​ອາຫານຮ້ານ​ບັນ​ເທີ​ງ, ເຮືອນ​ພັກ​ໃນ​ທົ່ວ​ເມືອງຂຶ້ນ​ຢ່າງ​ເປັນ​ທາງ​ການໂດຍ​ພາ​ຍ​ໃຕ້​ການເປັນ​ປະທານຂອງ ​ທ່ານ ບຸນ​ລ້ອມ​ ເມກ​ວິຊຽນ ຄະນະ​ປະຈຳ​ພັກ​ເມືອງ, ປະທານ​ແນວ​ລາວ​ສ້າງ​ຊາດ​ເມືອງ, ທ່ານ ຊົມພູ ສຸກອຸທອນ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງ, ມີບັນດາຫົວໜ້າຫ້ອງການອ້ອມຂ້າງເມືອງ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.

ຈຸດປະສົງ​ຂອງ​ການ​ຈັດຕັ້ງ​ກອງ​ປະຊຸມ​ໃນ​ຄັ້ງ​ນີ້ກໍ່​ເພື່ອ​ ​ຄົ້ນ​ຄວ້າປຶກສາ​ຫາລືກ່ຽວກັບ​ການ​ແຕ່ງ​ຕັ້ງ​ຄະນະ​ຊີ້ນຳ​ແລະ​ ກອງ​ເລຂາ​ໃນ​ການ​ຄຸ້ມ​ຄອງ​ຮ້ານ​ອາຫານ, ​​ຮ້ານ​ບັນ​ເທີງ​ ແລະ ​ເຮືອນ​ພັກ​ໃນ​ທົ່ວ​ເມືອງຈາກ​ນັ້ນ​ກອງ​ປະຊຸມ​ຍັງ​ໄດ້​ປະກອບ​ຄຳ​ຄິດ​ເຫັນ​ເຂົ້າ​ໃສ່​ພາລະ​ບົດບາດ​ການ​ເຄື່ອນ​ໄຫວ​ຂອງ​ຄະນະ​ຊີ້​ນຳແລະ​ກອງ​ເລຂາ​ວ່າ​ດ້ວຍ​ສິດ ​ແລະ ​ໜ້າ​ທີ່ກ່ຽວ​ກັບ​ການ​ຄຸ້ມ​ຄອງ​ຫ້າງ​ຮ້ານ​ທີ່​ດຳ​ເນີນ​ທຸລະ​ກິດ​​ເພື່ອ​ເຂົ້າ​ສູ່ລະບຽບຫຼັກການ ​​ແລະ​ ກົດ​ໝາຍ. ກອງ​ປະຊຸມ​ໄດ້​ດຳ​ເນີນ​ໄປ​ແລະ​ປິດ​ລົງ​ໃນ​ວັນ​ດຽວ​ກັນ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?