ໜ້າຫຼັກ >> ເພື່ອສຸຂະພາບ >> ຄຳມ່ວນພົບຜູ້ຕິດເຊື້ອພະຍາດໄຂ້ຍຸງລາຍຈຳນວນ 496 ລາຍ.
ຄຳມ່ວນພົບຜູ້ຕິດເຊື້ອພະຍາດໄຂ້ຍຸງລາຍຈຳນວນ 496 ລາຍ.
ວັນທີ 06 ມິຖຸນາ 2013 - ເວລາ 14:06:39 ເບິ່ງ 1356 ຄຳເຫັນ 0

ຕາມການລາຍງານຂອງ ທ່ານ ດຣ. ຄຳແສນ ແກ້ວປະດັບສີ ຜູ້ອຳນວຍການໂຮງໝໍແຂວງຄຳມ່ວນໃນວັນທີ 5  ມີຖຸນາ 2013 ເຊິ່ງທ່ານໄດ້ກ່າວວ່າ: ນັບແຕ່ເດືອນຕຸລາ 2012 ຫາ ເດືອນ ເມສາ  2013 ຜ່ານມາ​ແຂວງຄຳມ່ວນແມ່ນໄດ້ພົບຜູ້ຕິດເຊຶ້ອພະຍາດໄຂ້ຍຸງລາຍຈຳນວນ 496 ຄົນ, ເຫັນວ່າການ ເຈັບເປັນພະຍາດດັ່ງກ່າວແມ່ນມີທ່າອ່ຽງເພີ້ມຂຶ້ນ ( ແຕ່ບໍ່ແມ່ນການລະບາດ ) ເມື່ອທຽບໃສ່ກັບຕົວເລກໄລຍະດຽວກັນຂອງປີຜ່ານມາ ໝົດປີ 2012 ມີພຽງ 129 ລາຍ,  ສາຍເຫດຍ້ອນສະພາບດິນຟ້າອາກາດມີການປ່ຽນແປງ, ຝົນຕົກໄວກ່ອນ ລະດູການ, ເຮັດໃຫ້ມີນ້ຳຂັງເປັນເຫດໃຫ້ຍຸງໄຂ່ຂ ແລະະ ແຜ່ພັນ, ຊຶ່ງເຮັດໃຫ້ມີຄວາມສ່ຽງຕໍ່ການເກີດພະຍາດແຜ່ລາມ, ຈຳນວນປະຊາກອນກໍ່ເພີ້ມຂຶ້ນມີຄວາມໜາແໜ້ນ, ສ່ວນຫລາຍຜູ້ຕິດເຊື້ອແມ່ນຈະພົບເຫັນຢູ່ ເມືອງ ທ່າແຂກ ແລະ ເປັນເດັກອາຍຸແຕ່ລຸ່ມ 14 ປີ ລົງມາຫາ 3 ປີ, ຈາກ​ຕົວ​ເລກ​ທີ່​ເພີ້ມຂື້ນນັ້ນ​ທາງ ຄະນະພັກ, ອຳນາດການປົກຄອງຂອງໂຮງໝໍແມ່ນໄດ້ເອົາໃຈໃສ່, ແຕ່ງຕັ້ງ​ໜ່ວຍ​ງານ​ປິ່ນປົວ​ພະຍາດ​ສະ​ເພາະ​ໂດຍໃຫ້ຄຳປຶກສາ,​ ຕິດຕາມ​ອາການ​ຄົນ​ເຈັບທີ່ຕິດເຊຶ້ອພະຍາດໄຂ້ຍຸງ​ລາຍ, ທຸກ ໆ 15 ຫາ 30 ນາ​ທີ່ໃດ ແມ່ນ​ໄດ້​ມີ​ການກວດ​ເລືອດ​ລຽນຕິດ ເພື່ອສາມາດບົ່ງມະຕິພະຍາດໃຫ້ໄດ້ໄວ ແລະ ທັນການ,​ ປະຈຸບັນແມ່ນຍັງ​ບໍ່​ພົບ​ຜູ້​ເສຍ​ຊິ​ວີ​ດຈາກ​ການ​ຕິດ​ເຊື້ອພະຍາດດັ່ງກ່າວ, ສ່ວນຂ່າວລືກ່ຽວກັບບັນຫາຄົນເຈັບທີ່ຕິດເຊຶ້ອພະຍາດໄຂ້ຍຸງລົ້ນ ຕຽງນອນນັ້ນແມ່ນບໍ່ເປັນຄວາມຈິງ ທາງໂຮງໝໍຂອງພວກເຮົາແມ່ນຍັງສາມາດຮອງຮັບຄົນເຈັບໄດ້ ແລະ ຝາກເຖິງບັນດາພໍ່ແມ່ປະຊາຊົນລາວບັນດາເຜົ່າຖ້າຫາກພົບເຫັນ, ສົງໃສວ່າຕົນເອງ ຫລື ລູກຫານຂອງທ່ານ ເປັນໄຂ້ບໍ່ສະບາຍ ໃຫ້ຮີບຟ້າວພາມາໂຮງໝໍໂດຍດ່ວນ ເພື່ອພະນັກງານແພດໝໍຂອງພວກເຮົາຈະໄດ້ປິ່ນປົວ ບົງມະຕິໃຫ້ທັນກັບສະພາບການ ແລະ ທ່ານ ຜູ້ອຳນວຍການໂຮງໝໍຍັງໄດ້ຮຽກຮ້ອງມາຍັງພໍ່ແມ່ນປະຊາຊົນ, ພະນັກງານ,ທະຫານ,ຕຳຫຼວດ, ພໍ່ຄ້າຊາວຂາຍພາຍໃນແຂວງຄຳມ່ວນ ຈົ່ງພ້ອມກັນເປັນເຈົ້າການ, ປ້ອງກັນ ພະຍາດໄຂ້ຍຸງລາຍໂດຍສະເພາະເວລານອນໃຫ້ນອນໃນມຸ້ງ,​ ເປັນເຈົ້າການໃນການກຳຈັດແຫຼ່ງເພາະພັນຂອງຍຸງ ລາຍ, ເປັນເຈົ້າການໃນການອະນາໄມ, ຂວ້ຳກະໂປະ, ກະປ໋ອງ, ຢາງຕີນລົດ, ແຫຼ່ງນ້ຳຂຂັງອື່ນໆ ໆ ເພື່ອທຳລາຍແຫຼ່ງເພາະພັນຂອງຍຸງລາຍໃຫ້ກາຍເປັນວຽກງານຂອງໝົດທຸກຄົນ. ໂອກາດດຽວກັນ ທ່ານ ດຣ ຄຳແສນ ແກ້ວປະດັບສີ ຍັງໃຫ້ຮູ້ເຖິງວຽກງານແມ່ ແລະ ເດັກ​, ເຊີ່ງອັດຕາການຕາຍຂອງແມ່ໃນໄລຍະຖືພາ ແລະ ເດັກຫລັງເກີດໃນປະຈຸບັນແມ່ນລຸດລົງເມື່ອສົມທຽບໃສ່ປີຜ່ານມາ,​ ສະເພາະປີຜ່ານມາຕົວເລກ ການຕາຍຂອງເດັກໃນທ້ອງ ແມ່ນປະມານ 43 ກໍລະນີ,​ ເດັກເສຍຊີວິດຫລັງເກີດປະມານ 3 ຄົນ ຫລືເທົ່າກັບ 0,1%, ສາເຫດທີ່ພາໃຫ້ຕົວເລກການເກີດ - ການຕາຍຂອງແມ່ ແລະ ເດັກລຸດລົງນີ້ ແມ່ນຍ້ອນທາງ ຄະນະອຳນາດການປົກຄອງກໍ່ຄືໜ່ວຍງານກ່ຽວຂ້ອງມີຄວາມເອົາໃຈໃສ່, ສ້າງໜ່ວຍງານໜຶ່ງຂຶ້ນມາເຮັດຂອດບໍ ລິການປ້ອງກັນປິ່ນປົວ,  ຮ່ວມກັບຊຽວຊານຕ່າງປະເທດຫາວິທີປ້ອງກັນ,​ ຈັດຕັ້ງອົບຮົມໃຫ້ຄຳແນະນຳແກ່ ພະນັກງານແພດໝໍ, ພະນັກງານສຸກສາລາໂດຍອີງໃສ່ແຜນການຂອງລັດຖະບານກໍ່ຄືກະຊວງສາທາລະນະສຸກ ໃນການຈັດຕັ້ງປະຕິບັດໃຫ້ວຽກງານແມ່ ແລະ ເດັກເຮັດແນວໃດໃຫ້ວຽກດັ່ງກ່າວນີ້ດີຂຶ້ນເທື່ອລະກ້າວ.

ຂ່າວ : ມະນີວັນ

97661888

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?