ໜ້າຫຼັກ >> ພັດທະນາຊົນນະບົດ >> ປູກມັນຕົ້ນເປັນອາຊີບເສີມ ເພີ້ມລາຍຮັບໃຫ້ແກ່ຄອບຄົວ
ປູກມັນຕົ້ນເປັນອາຊີບເສີມ ເພີ້ມລາຍຮັບໃຫ້ແກ່ຄອບຄົວ
ວັນທີ 29 ພຶດສະພາ 2013 - ເວລາ 16:35:15 ເບິ່ງ 2287 ຄຳເຫັນ 0

ທ່ານ ອົ້ນ ​ເຄນ​ວົງ ນາຍບ້ານ ໆ​ໂພນ​ໄຊ ​ເມືອງ​ຫີນ​ບູນ ​ແຂວງ​ຄຳ​ມ່ວນ ປະຈຸ​ບັນ​ມີ​ອາຍຸ 39 ປີ, ​ແມ່ນ​ຊາວ​ສວນ​ຜູ້​ດຸໝັ່ນ ຖື​ເອົາການ​ເຮັດ​ນາ, ປູກ​ມັນ​ຕົ້ນ​ຂາຍ​ເປັນ​ອາຊີບ ທີ່​ສ້າງ​ລາຍ​ຮັບ​ໃຫ້​​ແກ່ຄອບຄົວ ກາຍ​ເປັນ​ເ​ເບ​ບຢ່າງ​ໃຫ້​ແກ່​ຄອບຄົວຜູ້​ອື່ນໆ ກໍ່ຄື​ປະຊາຊົນ​ພາຍ​ໃນ​ບ້ານ​ໃນ​ການ​ພັດທະນາ​ຄຸນ​ນະພາ​ບຊີວິດ, ​ໂດຍ​ເຫັນ​ໄດ້​ແນວທາງ​ນະ​ໂຍບາຍ​ອັນ​ຖືກຕ້ອງ​ຂອງ​ພັກ, ​ແຜນ​ພັດທະນາ​ເສດຖະກິດ-ສັງຄົມ​ຂອງ​ບ້ານ​ກ່ຽວກັບ​ການ​ສົ່ງ​ເສີມ​ໃຫ້​ປະຊາຊົນ​ບັນດາ​ເຜົ່າ​ປູກຝັງ ​ແລະ ລ້ຽງສັດ​ໃຫ້ຫຼາຍກາຍ​ເປັນ​ສິນຄ້າ​ສ້າງ​ລາຍ​ຮັບ​ໃຫ້​ແກ່​ຄອບຄົວ ສ້າງ​ຄອບຄົວ​ຕົວ​ແບບ​ເພື່ອຫຼຸດພົ້ນ​ອອກ​ຈາກ​ຄວາມທຸກ​ຍາກ​ບວກ​ກັບ​ຄວາມ​ມັກ, ຄວາມ​ສົນ​ໃຈ​ໃນ​ການ​ອອກ​ແຮງ​ງານ​ການ​ປູກຝັງຈຶ່ງ​ເຮັດ​ໃຫ້​ຄອບຄົວ​ຂອງ ​ທ່ານ ອົ້ນ ​ເຄນ​ວົງ​ປະສົບ​ຜົນສຳ​ເລັດ, ທ່ານ ອົ້ນ​ເຄນ​ວົງ​ກ່າວ​ວ່າ: ​​ເມື່ອ​ກ່ອນ​ຄອບຄົວ​ຂອງ​ຕົນ​ດຳລົງ​ຊີວິດ​ດ້ວຍ​ການ​ເຮັດ​ນາ ​ເຊິ່ງມີ​ເນື້ອທີ່​ນາປີ 2 ​ເຮັກຕາ, ຜົນ​ຜະລິດ​ໃນ​ແຕ່ລະ​ປີ​ບັນລຸ​ໄດ້ 3.425 ກິ​ໂລ​ເຂົ້າ​ເປືອກ ຍ້ອນ​ວ່າ​ສະມາຊິກ​ໃນ​ຄອບຄົວ​ມີໜ້ອຍ ຈຳນວນ 6 ຄົນ, ບໍ່ພຽງພໍ​ໃນ​ການ​ອອກ​ແຮງ​ງານ ​ໃນ​ນັ້ນ​ອອກ​ແຮງ​ງານ​ໄດ້ 2 ຄົນ ​ແລະ ສຳຮອງ 4 ຄົນ, ຍ້ອນ​ສາ​ເຫດ​ດັ່ງກ່າວ​ຈຶ່ງ​ເຮັດ​ໃຫ້​ລາຍ​ຮັບ​ຂອງ​ຄອບຄົວຂາດ​ເຂີນ​ບໍ່ພໍ​ໃຊ້​ຈ່າຍ​ໃນ​ຄອບຄົວ,ພໍ​ຮອດ​ປີ 2011 ມີ​ເວລາ​ວ່າງ​ແດ່​ກໍ່​ປູກ​ມັນຕົ້ນ​ເປັນ​ປີ​ທຳ​ອິດ​ໃນ​ການ​ທົດ​ລອງ​ປູກ​ເນື່ຶອງຈາກວ່າ​ບໍ່​ທັນ​ມີ​ບົດຮຽນ​ໃນ​ການ​ປູກ 2​ໄລ​ເທົ່າ​ກັບ 0,4 ​ເຮັກຕາ​ແລະ​ໄດ້​ເກັບ​ກູ້​ໃນ​ປີ 2012 ​ແລະ​ຂາຍ​ອອກ​ໃຫ້​ພໍ່ຄ້າ​ຄົນ​ກາງ​ໄດ້ 5 ລ້ານ​ກີບ.ມາ​ຮອດ​ປີ 2013 ​ເຫັນໄດ້​ວ່າການ​ປູກ​ມັນຕົ້ນນີ້ມີ​ລາຍ​ຮັບບວກ​ກັບ​ການ​ຂາຍ​ກໍ່​ມີ​ຄວາມ​ສະດວກກໍ່​ໄດ້​ຂະຫຍາຍ​ເນື້ອທີ່ປູກ​ຕື່ມອີກ​ເຖິງ 2 ​ເຮັກຕາ​ກວ່າ,ຜ່ານ​ຂະ​ບວນການ​ຕົວ​ຈິງ​ໄດ້​ເຮັດ​ໃຫ້​ຕົນ​ເອງ​ມີ​ຄວາມ​ຮູ້,ມີ​ປະສົບ​ການ​ໃນ​ການ​ປູກ​ມັນຕົ້ນ​ ແລະ​ ເຫັນ​ວ່າການ​ຂາຍ​ມັນຕົ້ນກໍ່​ມີ​ລາຍ​ໄດ້​ດີ​ຈຶ່ງ​ຕັດສິນ​ໃຈ​ຖືເອົາ​ການ​ປູກ​ມັນຕົ້ນ​ເປັນ​ອາ ຊີບຕົ້ນຕໍ​ເບື້ອງຕົ້ນພາຍຫລັງ​ເຮັດ​ນາປີ​ແລ້ວ​ບໍ່​ມີ​ອາຊີບ​ຫຍັງຈະ​ເສີມ​ຕໍ່.​ ເມື່ອ​ໄດ້​ເຫັນໂຄງການປູກມັນຕົ້ນຢູ່ ບ້ານທົ່ງນາມີ ແລ້ວມີແນວຄິດຍາກປູກແລະໄດ້ຊື້ແນວພັນສະເພາະປີ 2013 ຜົນພະລິດໄດ້ 1 ເຮັກຕາຕໍ່ 8ໂຕນ.ຂາຍໄດ້ 13.355.600ກີບ, ໃນນັ້ນເປັນມັນຕົ້ນແທ້ງໄດ້8.897ກິໂລ, ສຳລັບການຂາຍ ກໍ່ບໍ່ມີບັນຫາ ຫຍຸ້ງຍາກສ່ວນຫຼາຍຈະມີພໍ່ຄ້າມາຮັບຊື້ຢູ່ກັບສ່ວນ.ຂາຍໃນລາຄາ 1.300-1500 ກີບຕໍ່ 1 ກິໂລ ມັນຕົ້ນແທ້ງ,ຕໍ່ກັບວິທີ່ການປູກມັນຕົ້ນໃຫ້ມີຜົນດີນັ້ນ ທ່ານອົ້ນ ​ເຄາວົງ ບອກວ່າ:ບໍ່ມີຂັ້ນຕອນຫຍຸ້ງຍາກພໍປານ ໃດພຽງແຕ່ກະກຽມບຸກເບີກເນື້ອທີ່ປູກຕ້ອງເປັນດິນທຳມະຊາດດິນລົ່ມ.ພາຍຫລັງນຳເອົາລຳຕົ້ນ(ແນວພັນ)ໄດ້ແລ້ວຕັດຍາວຂະໜາດ 20 ເຊັນຕິ​ແມັດເລີ່ມລົງມືປູກແຕ່ເດືອນ 10 ສາກົນ ຂຸດຂຸມປູກໄລຍະກວ້າງຂອງຂຸມ 30 ເຊັນ ໄລຍະຫ່າງຂອງຂຸມຕໍ່ຂຸມ 30 ເຊັນຕິ​ແມັດເລິກ 5 ເຊັນຕິ​ແມັດ,ປູກທາງນອນແມ່ນມີຄຸນນະພາບດີ, ຮາກຫຼາຍ ຫົວດົກສະເລ່ຍແລ້ວກໍໜຶ່ງຈະໄດ້ຫົວມັນຕົ້ນປະມານ 7-8 ກິໂລຕໍ່ກໍໜຶ່ງ.ໄລຍະການເກັບກ່ຽວແມ່ນມີອາຍຸ 11 ເດືອນຍ້ອນວ່າການປູກມັນຕົ້ນແບບທຳມະຊາດ(ປອດສານພິດ)ແມ່ນມີອາຍຸຍາວເຖິງ11ເດືອນຈຶ່ງໄດ້ເກັບກູ້ຜົນຜະລິດ. ການປູກມັນຕົ້ນແມ່ນມີຄວາມສະດວກສະບາຍຍ້ອມວ່າເອົາໃຈໃສ່ປົກປັກຮັກສາເສຍຫຍ້າເທື່ອດຽວ ແລະ ປ້ອງກັນບໍ່ໃຫ້ສັດເຂົ້າມາທຳລາຍກໍ່ໄດ້ຮັບຜົນພໍໃຈແລ້ວ.

  ທ່ານ​ອົ້ນ ​ເຄນ​ວົງ ກ່າວຕື່ມວ່າ:ປະຈຸບັນຄອບຄົວຂອງຕົນມີກຳລັງແຮງງານໜ້ອຍ, ມີແຕ່ຜົວແລະເມຍເຊິ່ງຖືວ່າ: “ເປັນແຮງງານຕົ້ນຕໍ” ໃນການເຮັດສວນມັນຕົ້ນ.ຍ້ອນວ່າລູກຍັງນ້ອຍແລະກຳລັງສຶກສາຢູ່ຈາກການປູກມັນຕົ້ນເປັນອາຊິບໄດ້ເຮັດໃຫ້ຕົ້ນມີຊິວີດການເປັນຢູ່ດີຂຶ້ນ.ຖ້າທຽບໃສ່ກັບເມື່ອກ່ອນສະແດງອອກມີທຶນ  ຮອນໃນການປູກສ້າງສ້ອມແປງເຮືອນຢູ່,ມີເງິນຊື້ອຸປະກອນຮັບໃຊ້ໃນຄອບຄົວພຽງພໍ,ລູກໄດ້ຮັບການສຶກສາທີ່ດີ,ແລະສິ່ງສຳຄັນແມ່ນເຮັດໃຫ້ຕົນເອງມີລາຍຮັບເຂົ້າຄອບຄົວ,ສົມແລ້ວທີ່ຫຼາຍຄົນວ່າຄວາມດຸຫມັ່ນໃນການ    ອອກແຮງງານແມ່ນບໍ່ເກີດຂອງຄວາມສຳເລັດພຽງແຕ່ມີເນື້ອທີ່ດິນ,ມີຄວາມຕັ້ງໃຈແລະຮັກໃນການປູກຝັງສາ ມາດພັດທະນາເປັນອາຊີບທີ່ດີມີຄວາມບໍລິສຸດທັງກາຍເປັນແບບຢ່າງໃຫ້ກັບຄົນອື່ນຄືດັ່ງຄອບຄົນຂອງ ທ່ານ ອົ້ນ ເຄນວົງ ຢູ່ບ້ານໂພນໄຊເມືອງຫີນບູນເຊິ່ງມີຄວາມດຸຫມັ່ນຮັກໃນການອອກແຮງານ,ສຸດທ້າຍກໍ່ມີຄວາມສຸກທັງກາຍສະບາຍທັງໃຈ,ຄອບຄົວກໍ່ມີລາຍໄດ້ທີ່ຫນ້າພາກພູມໃຈ. 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?