ໜ້າຫຼັກ >> ອົງການຈັດຕັ້ງມະຫາຊົນ >> ສຳເລັດກອງປະຊຸມໃຫ່ຍຄັ້ງທີ່ VIII ຂອງໜ່ວຍຮາກຖານສະຫະພັນແມ່ຍິງ ພະແນກ ຖວທ ແຂວງຄຳມ່ວນ
ສຳເລັດກອງປະຊຸມໃຫ່ຍຄັ້ງທີ່ VIII ຂອງໜ່ວຍຮາກຖານສະຫະພັນແມ່ຍິງ ພະແນກ ຖວທ ແຂວງຄຳມ່ວນ
ວັນທີ 29 ພຶດສະພາ 2013 - ເວລາ 11:30:36 ເບິ່ງ 1553 ຄຳເຫັນ 1

ເພື່ອເປັນການສະຫລຸບຄືນການຈັດຕັ້ງປະຕິບັດວຽກງານຕະຫລອດໄລຍະຜ່ານມາ ໃນການຈັດຕັ້ງຜັນຂະຫຍາຍ ມະຕິກອງປະຊຸມໃຫ່ຍຄັ້ງທີ VIII ຂອງສະຫະພັນແມ່ຍິງແຂວງ, ໃນວັນທີ 28 ພຶດສະພາ 2013 ໄດ້ຈັດກອງ ປະຊຸມດັ່ງກ່າວຂຶ້ນຢ່າງເປັນທາງການທີ່ພະແນກດັ່ງກ່າວ ໂດຍການເປັນປະທານຂອງທ່ານນາງ ຫອມມະລາ ສີພະບົດ ປະທານໜ່ວຍສະຫະພັນແມ່ຍິງພະແນກ ຖວທ ແຂວງ, ເປັນກຽດເຂົ້າຮ່ວມຂອງທ່ານ ບຸນທະວີ ສີສົມບັດ ຮອງຫົວໜ້າພະແນກ ຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງ, ທ່ານ ນາງ ບຸນຖອນ ພະຈັນທອນ ຮອງປະທານສະຫະພັນ ແມ່ຍິງແຂວງ, ມີບັນດາຄະນະສະຫະພັນແມ່ຍິງຈາກພະແນກອ້ອມຂ້າງ, ຕະຫລອດຮອດສະມາຊິກເອື້ອຍນ້ອງແມ່່ຍິງ ແລະ ແຂກຖືກເຊີນ ເຂົ້າຮ່ວມ.

      ທ່ານ ນາງ ຫອມມະລາ ສີພະບົດ ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດຕະຫລອດໄລຍະ 3 ປີຜ່ານມາ ພາຍຫລັງໄດ້ໂຮມເຂົ້າ ກັນມາເປັນໜ່ວຍສະຫະພັນແມ່ຍິງພະແນກ ຖວທ ສະມາຊິກເອືອຍນ້ອງ ແມ່ຍິງແມ່ນໄດ້ຖືເອົາວຽກງານສຶກສາອົບຮົມ ແນວຄິດການເມືອງເປັນສຳຄັນ,​ ມີຄວາມສາມັກຄີ, ມີກິລິຍາມາລະຍາດ ການນຸ່ງຖືແມ່ນຖືກກັບປະເພນີລາວ, , ປະຈຸ ບັນປະກອບມີສະມາຊິກເອືື້ອຍນ້ອງແມ່ຍິງທັງໝົດ 51 ຄົນ, ແບ່ງອອກເປັນ 4 ຈຸ ຄື: ຈຸສື່ມວນຊົນ, ບໍລິຫານ - ຈັດຕັ້ງພະນັກງານ, ກວດກາ, ວັດທະນະທຳ ແລະ ທ່ອງທ່ຽວ ແລະ ຈຸລັດວິສະຫະກິດໂຮງພິມ, ໂດຍໄດ້ຖືເອົາວັນທີ 18 ທຸກ 3 ເດືອນໃດແມ່ນລວມຊີວິດ 1 ຄັ້ງ, ແລະ ທຸກວັນທີ 16 ຂອງເດືອນແມ່ນໄດ້ມີການລາຍງານການເຄື່ອນ ໄຫວພາຍໃນໜ່ວຍ, ຄະນະໜ່ວຍສະຫະພັນແມ່ຍິງກໍ່ຄືສະມາຊິກ ແມ່ນໄດ້ຖືເອົາທຸກມະຕິຄຳສັ່ງຕ່າງ ໆ ເຂົ້າ ສູ່ວຽກ ງານຕົວຈິງ, ເອົາໃຈໃສ່ໃນການພັດທະນາຕົນເອງໃຫ້ມີຄວາມ ເຂັ້ມແຂງທາງດ້ານຄຸນະພາບ ແລະ ປະລິມານ ຕິດພັນກັບຂະບວນການທີ່ການຈັດຕັ້ງມອບໝາຍໃຫ້ ເຊີ່ງ ມັນໄດ້ສະແດງອອກຢູ່ບ່ອນວ່າ :  ເອືອຍນ້ອງແມ່ຍິງໄດ້ເຂົ້າເປັນສະມາຊິກຊາວໝຸ່ມ ຈຳນວນ 48 ສະຫາຍ,​ ກຳມະບານ 35 ສະຫາຍ, ໃນນີ້ເປັນສະມາຊິກພັກສົມບູນ 14 ສະຫາຍ, ສຳຮອງ 7 ສະຫາຍ, ຈົບຊັ້ນປະລິນຍາຕຼີ 5 ສະຫາຍ, ຊັ້ນສູງ 32 ສະຫາຍ, ຊັ້ນກາງ 6 ສະຫາຍ, ລະດັບທິດສະດີການເມືອງຊັ້ນກາງ 3 ສະຫາຍ ແລະ ຊັ້ນຕົ້ນ 2 ສະຫາຍ, ເອື້ອຍນ້ອງແມ່ຍິງໄດ້ປະກອບເຂົ້າເປັນຫົວໜ້າຂະແໜງ 2 ສະຫາຍ, ຮອງຂະແໜງ ແລະ ຮອງກອງວິ ຊາການ 4 ສະຫາຍ, ໄດ້ຮັບການຢັ້ງຢືນຄອບຄົວດີມີຄວາມຜາສຸກໄດ້ 1 ຄັ້ງ ມີ 27 ຄອບຄົວ, ໄດ້ຮັບໃບຢັ້ງຢືນ ເປັນໜ່ວຍ 3 ດີ ໃນປີ 2010 , ທາງດ້ານວຽກງານວິຊາສະເພາະເປັນຕົ້ນແມ່ນວຽກສື່ມວນຊົນ, ວຽກງານວັດທະນະທຳ ແລະ ທ່ອງທ່ຽວ ທີ່ປິ່ນອ້ອມທຸກຂະແໜງການ ເອື້ອຍນ້ອງແມ່ຍິງແມ່ນໄດ້ມີສ່ວນຮ່ວມ ແລະ ເຂົ້າຮ່ວມມີບົດບາດ ໃນການຈັດຕັ້ງປະຕິບັດແກ້ໄຂໄດ້ດີຄຽ່ງບ່າຄຽງໄລ່ກັບເພດຊາຍ.

ຈາກນັ້ນກອງປະຊຸມຄັ້ງນີ້ຍັງໄດ້ມີການປ່ອນບັດຄັດເລືອກເອົາຄະນະໜ່ວຍສະຫະພັນແມ່ຍິງຊຸດໃໝ່, ໃນນີ້ ມີຜູ້ສະຫມັກ 5 ສະຫາຍ, ກອງປະຊຸມໄດ້ເຫັນດີເປັນເອກະພາບເລືອກເອົາ 3 ສະຫາຍຄື:  ທ່ານ ນາງ ຫອມມະລາ ສີພະບົດ ເປັນປະທານ, ທ່ານນາງ ໂພໄຊ ສີມຸກດາ ເປັນປະທານກວດກາ, ທ່ານນາງ ເພັດສະໄໝ ອິນທະລັງສີ ເປັນຄະນະ, ພ້ອມນັ້ນເອື້ອຍນ້ອງແມ່ຍິງຍັງໄດ້ຮັບຟັງການໂອ້ລົມ ແລະ ໃຫ້ທິດຊິ້ນຳຈາກທ່ານນາງ ບຸນຖອນ ພະຈັນທອນ ຮອງປະທານສະຫະພັນແມ່ຍິງແຂວງ ເຊີ່ງທ່ານໄດ້ເນັ້ນໜັກໃຫ້ຄະນະຊຸດໃໝ່ເອົາໃຈໃສ່ສຶກສາອົບ ຮົມດ້ານການເມືອງແນວຄິດ, ຮັກສາຄວາມສາມັກຄີ, ເອົາໃຈໃສ່ປັບປຸງແບບແຜນວິທີນຳພາ, ​ວິທີເຮັດວຽກ, ຍົກສູງ ຄວາມຮູ້ຄວາມສາມາດຂອງເອື້ອຍນ້ອງແມ່ຍິງໃຫ້ສູງຂຶ້ນເພື່ອຕອບສະໜອງເຂົ້າໃນໜ້າທີ່ວຽກງານໃນຂົງເຂດຕົນ.

ຂ່າວ : ມະນີວັນ

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?