ໜ້າຫຼັກ >> ຂ່າວຈາກຕ່າງເມືອງ >> ປະກາດ​ຮັບຮອງ​​ເອົາ 7 ບ້ານ​ຂອງ​ເມືອງ​ຫີນ​ບູນເປັນ​ວັດທະນະທຳ​
ປະກາດ​ຮັບຮອງ​​ເອົາ 7 ບ້ານ​ຂອງ​ເມືອງ​ຫີນ​ບູນເປັນ​ວັດທະນະທຳ​
ວັນທີ 17 ພຶດສະພາ 2013 - ເວລາ 16:12:18 ເບິ່ງ 1802 ຄຳເຫັນ 0

 

          

    ພິທີ​ດັ່ງ​ກ່າວ​ແມ່ນ​ຈັດ​ຂຶ້ນ​ໃນ​ຕອນ​ເຊົ້າຂອງ​ວັນ​ທີ 16 ພຶດສະພາ 2013 ຢູ່​ທີ່​ເດີ່ນ​​ໂຮງຮຽນ​ປະຖົມບ້ານ​ຫົວ​ນາ​ໂດຍ​ການ​ໃຫ້​ກຽດເຂົ້າຮ່ວມ​ຂອງ​ ທ່ານ ບຸນ​ທະວີ ສີ​ສົມບັດ ຮອງ​ຫົວໜ້າ​ພະ​ແນ​ກ ຖະ​ແຫຼງຂ່າວ, ວັດທະນະທຳ​ແລະ​ທ່ອງ​ທ່ຽວ​ປະຈຳ​ແຂວງ​ຄຳ​ມ່ວນ, ທ່ານ​ ເທວາ ສີ​ໂສພາ ຄະນະ​​ປະຈຳພັກ​ເມືອງ.ປະທານ​ແນວ​ລາວ​ສ້າງ​ຊາດ​ເມືອງ, ຫົວໜ້າ​ຫ້ອງການ​ອອ້ມຂ້າງ​ເມືອງ,ບັນດາ​ນາຍບ້ານ,​ເຖົ້າຂຸນ​ແນວ​ໂຮມ​ແລ​ະພໍ່​ແມ່​ປະຊາຊົນທັງ 7 ​ບ້ານເຂົ້າຮ່ວມ.

   ທ່ານ ​ແກ້​ວອຸດອນ ​ແພງ​ພັກດີ ເລຂາຄະນະພັກຮາກຖານກຸ່ມບ້ານຫົວນາ​ແລະທ່ານ​ຄຳ​ຜັນ   ພົມມະ​ພາ ຫົວໜ້າ​ຫ້ອງການ ຖະ​ແຫຼງຂ່າວ​,ວັດທະນະທຳ​ແລະ​ທ່ອງ​ທ່ຽວ ​ເມືອງ​ຫີນ​ບູນ ​ແລະ ​ຕາງໜ້າ​ນາຍບ້ານ​ທັງ 7 ບ້ານ​ກໍ່​ໄດ້​ຜັດປ່ຽນ​ກັນ​ຂຶ້ນຜ່ານ​ບົດ​ປະ​ເມີນ​ຜົນ,ບົດ​ສະຫຼຸບການ​ເຄື່ອນ​ໄຫ​ວ​ໃນ​ການສ້າງ​ຄອບຄົວ​ແລະ​ວັດທະນະທຳ, ຂໍ້​ຕົກລົງ ຂອງ​ທ່ານ​ເຈົ້າ​ແຂວງ​ຄຳ​ມ່ວນ​ວ່າ​ດ້ວຍ​ການ​ອະນຸມັດ​ຮັບຮອງ​​ເອົາ​ບ້ານ​ຫົວ​ນາ,ບ້ານ​ອິນ​​ແປງ,​ບ້ານ​ນາ​ຮີ,ບ້ານ​ນາ​ເມືອງ,ບ້ານ​ບວມ​ລູ,ບ້ານ​ຫ້ວຍ​ຊາຍ​ແລະ​ບ້ານ​ນາ​ອັ້ນ​ເປັນ​​ບ້ານ​ວັດທະນະທຳ​ບ້ານ​ທີ 53-59 ຂອງ​ເມືອງ​ຫີນ​ບູນ​ແລະ​ເປັນ​ບ້ານ​ທີ 283-289 ຂອງ​ແຂວງ​ຄຳ​ມ່ວນ.

   ບ້ານ​ຫ້ວຍ​ຊາຍ,ບ້ານ​ບວມ​ລູ,ບ້ານ​ນາ​ອັ້ນ,ບ້ານ​ນາ​ຮີ,ບ້ານ​ອິນ​ແປງ,ບ້ານ​ນາ​ເມືອງ​ແລະ​ບ້ານ​ຫົວ​ນາ​ທັງ 7 ບ້ານດັ່ງ​ກ່າວ​ແມ່ນ​ຂຶ້ນກັບກຸ່ມ​ຫົວ​ນາ​ເມືອງ​ຫີນ​ບູນ​ເປັນ​ບ້ານ​ທີ່​ຕັ້ງຢູ່​ລຽບ​ຕາມ​​ທາງ​ເຂົ້າບໍ່​ໂພນ​ຕິ້ວ​ເຊິ່ງມີ​ຜົນລະ​ເມືອງ​ທັງ​ໝົດ 2.354 ຄົນ,ຍິງ 1.307 ຄົນ,ມີ 338 ຫຼັງຄາ​ເຮືອນ,​ມີ 489 ຄອບຄົວ​ນັບ ຖື​ສາສະໜາ​ພຸດ. ປະຊາຊົນ​ຍຶດຖືອາ​ຊີບປູກ​ຝັງ​ ແລະ​ລ້ຽງສັດ​ທັງ7ບ້ານ​ມີ​ແຜນ​ສ້າງ​ເປັນ​ບ້ານ​ວັດທະນະ ທຳ​ມາ​ແຕ່​ປີ 2012 ພາຍ​ໃນ​ເມືອງ​ໄດ້​ແຕ່ງຕັ້ງຄະນະ​ຮັບຜິດ​ຊອບ​ໃນ​ການ​ສ້າງ​ບ້ານ​ດັ່ງ​ກ່າວ​ເປັນ​ບ້ານ​ວັດທະນະ​ທຳ​ໂດຍ​ປະກອບ​ມີ​ການ​ນຳ​ຂັ້ນ​ເມືອງ​ເປັນ​ປະທານ,​​ມີ​ບັນດາ​ຫ້ອງການ​ເປັນ​ຄະນະ,ມີ​ຫ້ອງການ​ທະ​ແຫຼງຂ່າວ, ວັດທະນະທຳ​ແລະ​ທ່ອງ​ທ່ຽວ​ເມືອງ​ເປັນ​ຜູ້​ປະສານ​ງານ​ຂັ້ນ​ເມືອງ,ສາມາດ​ມອບ​ໃບຢັ້ງຢືນ​ຄອບຄົວວັດທະນະທຳ​ແລ້ວ​ກວມ​ຫຼາຍ​ກ່ວາ 80% ຂອງ​ຈຳນວນ​ຄອບຄົວ​ທັງ​ໝົດ.​ໃນ​ນັ້ນ ບ້ານ​ຫົວ​ນາ​ຮັບ​ໃບຢັ້ງຢືນ​ຄອບຄົວ​ວັດທະນະ​ທຳ​ແລ້ວ 134 ຄອບຄົວ,ບ້ານ​ນາ​ເມືອງ​ຮັບ​ໃບຢັ້ງຢືນ​ຄອບຄົວ​ວັດທະນະທຳ​ແລ້ວ 44 ຄອບຄົວ,ບ້ານ​ອິນ​ແປງ​ຮັບ​ໃບຢັ້ງຢືນ​ຄອບຄົວວັດທະນະທຳ​ແລ້ວ 44 ຄອບ ຄົວ,ບ້ານ​ນາ​ອັ້ນຮັບ​ໃບຢັ້ງຢືນ​ຄອບຄົວ​ວັດທະນະທຳ​ແລ້ວ 66 ຄອບຄົວ,ບ້ານ​ບວມ​ລູຮັບ​ໃບຢັ້ງຢືນ​ຄອບ  ຄົວ​ວັດທະນະທຳ​ແລ້ວ 86 ຄອບຄົວ,ບ້ານ​ຫ້ວຍ​ຊາຍ​ຮັບ​ໃບຢັ້ງຢືນ​ຄອບຄົວ​ວັດທະນະທຳ​ແລ້ວ 40 ຄອບຄົວ​​ແລະ​ບ້ານ​ນາ​ຮີຮັບ​ໃບຢັ້ງຢືນ​ຄອບຄົວວັດທະນະທຳ​ແລ້ວ 75 ຄອບຄົວພ້ອມ​ນັ້ນບ້ານ​ຍັງ​ໄດ້​ສຳ​ ເລັດ​ໃນ​ການ​ຢັ້ງຢືນ​ເປັນ​ບ້ານ​ປອດ​ຄະ​ດີ, ບ້ານ​ແມ່ຍິງ​ສາມ​ມະ​ດີ,ບ້ານ​ສາທາລະນະ​ສຸກ​ແບບຢ່າງ,ບ້ານ ປ້ອງ​ກັນ​ຄວາມ​ສະຫງົບສຸກ​ດີ​ແລະ​ບ້ານ​ໄດ້​ລົບ​ລ້າງ​ການ​ກືກ​ໜັງສື​ໄດ້100%.    ໃນ​ພິທີ່ ທ່ານ​ ບຸນ​ທະວີ ສີ​ສົມບັດ  ແລະ ທ່ານ ​ເທວາ ສີ​ໂສພາ ກໍ່​ໄດ້​ຜັດປ່ຽນ​ກັນ​ເປີດ​ປ້າຍ​ບ້ານ​ວັດ​ທະນະ​ທຳ​ແລ​ະລັ່ນຄ້ອງ 9 ບາດ​ເພື່ອ​ຮັບ​ເອົາ​ທັງ 7 ບ້ານ​ເປັນ​ບ້ານ​ວັດທະນະທຳ​ຢ່າງ​ເປັນ​ທາງ​ການ​​.

                                                                                                                                                                     ຂ່າວ-ພາບ​ໂດຍ: ​ແດງ​ສະຫວັດ ​ແສນພານິດ .

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?