ໜ້າຫຼັກ >> ວຽກງານ 3 ສ້າງ >> ບ້ານດອນຂຽວເໜືອກັບການຈັດຕັ້ງປະຕິບັດວຽກງານສາມສ້າງ
ບ້ານດອນຂຽວເໜືອກັບການຈັດຕັ້ງປະຕິບັດວຽກງານສາມສ້າງ
ວັນທີ 17 ພຶດສະພາ 2013 - ເວລາ 16:07:40 ເບິ່ງ 1636 ຄຳເຫັນ 1

 

ການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງ ບ້ານເປັນຫົວໜ່ວຍພັດທະນາ​ແມ່ນ​ຄວາມ​ຈຳ​ເປັນ​ພາວະ​ວິ​ໄສ​ໃນ​ຍຸດ​ທະ​ສາດ​ຂອງ​ການ​ສ້າງ​ຄວາມ​ໝັ້ນຄົງ​ໃຫ້​ແກ່​ລັດ ​ປະຊາທິປະ​ໄຕ ​ປະຊາຊົນ​ ຂອງ​ພວກ​ເຮົາ ສະ​ເພາະ​ເມືອງ​ໝອງ​ບົກ​ແຂວງ​ຄຳ​ມ່ວນ.

ບ້ານ​ດອນ​ຂຽວ​​ເໝືອກໍ່​ແມ່ນ​ບ້ານ​ໜຶ່ງ​ໃນ​ຈຳນວນ 3 ບ້ານ​ຂອງ​ເມືອງ​ທີ່​ຄະນະພັກ, ​ອຳນາດ​ການ​ປົກຄອງ​ແຂວງ​ໄດ້​ສຸມ​ໃສ່​ຊີ້ນຳພາກສ່ວນ​ທີ່​ກ່ຽວ​ຂ້ອງ​ເຮັດ​ທົດ​ລອງ​ຈັດຕັ້ງປະຕິບັດ​ວຽກ​ງານ 3 ສ້າງ​​​ໃຫ້ປະກົດ​ຜົນ​ເປັນ​ຈິງ ທ່ານ​​ເຕີຍກາບບົວ​ຄຳນາຍບ້ານໆ​ດອນ​ຂຽວ​ເໜືອ​ໃຫ້ຮູ້​ວ່າ: ບ້ານ​ດອນ​ຂຽວ​​ເໜືອ​ແມ່ນ​ບ້ານ​ໜຶ່ງ​ໃນ​ຈຳນວນ 55 ບ້ານ​ທີ່​ຂຶ້ນກັບ​ເມືອງ​ໜອງ​ບົກ​ ແຂວງ​ຄຳ​ມ່ວນ ບ້ານ​ດອນ​ຂຽວເໜືອມີ 1 ໜວ່ຍພັກ, ມີ​ສະມາຊິກ​ພັກ​ທັງ​ໝົດ 24 ສະຫາຍ, ຍິງ 5 ສະ​ຫາຍ, ​ເປັນ​ໝວ່ຍພັກ​ແຂງ​ຮູ້​ນຳພາ​ຮອບດ້ານ.​ ໃນ​ນັ້ນມີ​ຄະນະ​ໜວ່ຍພັກ 3 ສະ​ຫາຍ, ບ້ານ​ດອນ​ຂຽວ​ເໜືອປະກອບມີ 254 ຫລັງຄາ​ເຮືອນ, 249 ຄອບຄົວ, ພົນລະ​ເມືອງ​ລວມ 1.118 ຄົນ, ຍິງ 602 ຄົນ, ບ້ານ​ດັ່ງ​ກ່າວ​ຕັ້ງຢູ່​ທິດ​ໃຕ້​ຂອງ​ເມືອງ​ໜອງ​ບົກ, ລຽບຕາມ​ແຄມ​ແມ່ນ້ຳຂອງຕາມເສັ້ນທາງ​ເລກ​ທີ 11, ທິດ​ເໜືອ​ຕິດ​ກັບ​ບ້ານ​ບຶງ​ສານ​ທ່າ, ທິດ​ໃຕ້​ຕິດ​ກັບ​ບ້ານ​ດອນ​ຂຽວ​ໃຕ້ ແລະ ​ທິດຕາ​ເວັນ​ອອກ​ຕິດ​ກັບ​ບ້ານ​ບຶງ​ສານ​ເທິງ, ທິດຕາ​ເວັນ​ຕົກ​ຕິດ​ກັບ​ປະ​ເທດ​ໄທໂດຍມີແມ່ນ້ຳຂອງເປັນເຂດແດນ.

ບ້ານດອນ​ຂຽວ​ເໜືອ​ໄດ້​ປະກາດ​ ແລະ​ ຮັບຮອງ​ເປັນ​ບ້ານ​ທົດ​ລອງ 3 ສ້າງ​ເມື່ອ​ວັນ​ທີ 1/10/2012 ​ເປັນ ຕົ້ນ ມາ. ກ່ຽວ​ກັບ​ການຈັດຕັ້ງປະຕິບັດ​ວຽກ​ງານ​ທົດ​ລອງ 3 ສ້າງ​ຢູ່ພາຍ​ໃນ​ບ້ານ​ດອນ​ຂຽວ​ເໜືອ ໃນ​ໄລຍະ​ຜ່ານ​ມາ.​​ໄດ້​ສຶກສາ​ຮົບ​ຮົມ​ການ​ເມືອງ​ແນວ​ຄິດ​ໃຫ້ແກ່​ສະມາຊິກ​ພັກ, ອຳນາດ​ການ​ປົກຄອງ​ ແລະ ປະ​ຊາ​ຊົນ​ພາຍ​ໃນ ບ້ານ, ສ້າງ​ໃຫ້ສະມາຊິກ​ພັກ​ກຳ​ແໜ້ນຕໍ່ແນວ​ທາງນະ​ໂຍບາຍ​ຂອງ​ພັກ-ລັດ, ​ເຮັດ​​ໃຫ້ອຳນາດ​ການ​ປົກຄອງ, ປະ ຊາຊົນ​ເຊື່ອມຊຶມກຳ​ແໜ້ນກ່ຽວ​ກັບ​ມະຕິ 03/ກມສ ກ່ຽວ​ກັບ​ການ​ເຮັດ​ທົດ​ລອງ ​3 ສ້າງ​ ແລະ​​ ແຜນ​ພັດທະນາ​ເສດຖະກິດ-ສັງຄົມ​ຂອງ​ບ້ານ, ປັບປຸງ​ກົງຈັກ​ການຈັດຕັ້ງບ້ານ​ໃຫ້​ເປັນ​ລະບົບ​ຄົບ​ຊຸດ​ ແລະ​ ສອດ​ຄ່ອງກັບ​ນິຕິ ກຳຂອງ​ແຕ່​ລະກະຊວງ​ວາງ​ອອກ​​ໃຫ້​ແຕ່​ລະໜວ່ຍງານ,​ ແຕ່​ລະຂະ​ແໜງທີ່​ຂຶ້ນກັບ​ບ້ານ​ເຊັ່ນ: ຊາວ​ໜຸ່ມ,​ ແມ່ຍິງ,​ ແນວ​​ໂຮມ, ນັກຮົບ​ເກົ່າ ແລະ​ ໜວ່ຍງານ​ໄກ​ເກ່ຍ​ຂັ້ນບ້ານ​, ກຳ​ແໜ້ນ​ດ້ານ​ລະບຽບ​ຫລັກການ​ຕ່າງໆທີ່​ແຂວງ​​ ແລະ ​ເມືອງ​ວາງ​ອອກ​ຢ່າງ​ລະອຽດ​ດ້ານ​ເສດຖະກິດ ທ່ານ​ ເຕີຍ​ກາບບົວຄຳກ່າວ​ວ່າ: ບ້ານ​ພວກ​ເຮົາ​ໄດ້​ສ້າ​ງ​ແຜນ​ຈັດ​ເກັບ​ລາຍ​ຮັບເຂົ້າງົບປະມານ, ພາສີ​ທີ່​ດິນ​ແຜນ​ປີ 18.049.500 ກີ​ບ, ປະຕິບັດ​ໄດ້ 8.853.000 ກີ​ບ​ ເທົ່າ​ກັບ 49,04% ອາກອນ​ລາຍ​ໄດ້​ມອບ​ໝາຍ​ແຜນ​ປີ 5.550.000ກີບ ປະຕິບັດ​ໄດ້ 2.460.000 ກີບ​ ເທົ່າ​ກັບ 44,37%, ຄ່າ​ທຳ​ນຽມ​ແຜນ​ປີ 1.750.000 ກີບ ປະຕິບັດ​ໄດ້ 1.530.000 ກີບ ​ເທົ່າ​ກັບ 87,42% ໃນ​ນັ້ນ​ແບ່ງ​ໃຫ້ບ້ານ 40%, ສ້າງຕັ້ງກອງ​ທຶນ​ພັດທະ​ນາ​ບ້ານ ​ເຊິ່ງມີສະມາ​ຊິກ​ທັງ​ໝົດ 81 ຄອບຄົວ, ມີ​ເງິນກອງ​ທຶນ​ທັງ​ໝົດ 16.963.000 ກີບ, ​ໄດ້​ປຸກລະດົມ​ທຶນ​ຈາກ​ປະຊາຊົນ, ຄອບຄົວ​ເຮັດ​ທຸລະ​ກິດ​ພາຍ​ໃນ​ບ້ານ.ມາ​ຮອດ​ປະຈຸ​ບັນ​ສາມາດລະດົມ​ທຶນ​ໄດ້ 107.944.000 ກີບ,​ ໃນ​ນັ້ນ​ໄດ້​ຈ່າຍ​ເຂົ້າໃສ່ວຽກ​ງານ​ປ້ອງ​ກັນຊາ​ດ, ປ້ອງ​ກັນ​ຄວາມ​ສະຫງົບໄດ້ 5.812.000 ກີບ, ຈ່າຍ​ບໍລິຫານ 3.100.000 ກີບ ແລະ​ ຈ່າຍ​ສ້າງ​ວັດວາອາ​ຮາມ 69.000.000 ກີບ, ກ່ຽວ​ກັບ​ການ​ຈັດຕັ້ງກຸ່ມ​ການ​ຜະລິດ, ມາ​ຮອດ​ປະຈຸ​ບັນນີ້ໄດ້​ຈັດຕັ້ງ​ແລ້​ວ 12 ກຸ່ມ,​ ໄດ້​ຂຽນ​ບົດ​ສະ​ເໜີ​ໂຄງການ​ຈຳນວນ 7 ​ໂຄງການ,​ ເພື່ອ​ສະ​ເໜີ​ຂໍແຫຼ່ງທຶນ​ຈາກ​ທະນາຄານ​ມູນ​ຄ່າ 2.980.000.000 ກີບ,​ ໃນ​ນັ້ນ​ໂຄງການ​ລ້ຽງ​ໝູ​ພັນ​ຊິ້ນມູນ​ຄ່າ 40.000.000 ກີບ,​ ໂຄງການ​ລ້ຽງ​ໄກ່ລາດ​ມູນ​ຄ່າ 20.000.000 ກີບ,​ ໂຄງການ​ລ້ຽງ​ງົວ​ເປັນ​ສິນ​ຄ້າ​ມູນ​ຄ່າ 1.200.000.000 ກີບ,​ໂຄງການ​ລ້ຽງ​ແບ້​ມູນ​ຄ່າ 70.000.000 ກີບ,​ໂຄງການ​ລ້ຽງ​ປາ​ໃນ​ກະຊັງ​ມູນ​ຄ່າ 30.000.000 ກີບ,​ໂຄງກການ​ປູກ​ຍາ​ສູບ​ມູນ​ຄ່າ 1.470.000.000 ກີບ,​ໂຄງການ​ປູກ​ຜັກ​ບົ່ວ​ແດງ 150.000.000 ກີບ,ຈຳນວນ 7 ​ໂຄງການ​ທີ່​ສິ​ເໜີ​ໄປ​ນັ້ນ .ທາງ​ບ້ານ​ດອນ​ຂຽວ​ເໜືອ.​ໄດ້​ຮັບ​ການຈັດຕັ້ງປະຕິ​ບັດ​ແລ້ວ​ມີ 2 ​ໂຄງການຄື: ທະ​ນາຄາ​ນ​ໄດ້​ຕອບ​ສະໜອງ​ນະ​ໂຍບາຍ​ແລະ​ປ່ອຍ​ສິນ​ເຊື່ອ ເງິນກູ້​ໄປແລ້ວ​ເປັນຕົ້ນ​ແມ່ນ​ການ​ປູກ​ຢາ​ສູບ 1.470.000.000. ກີບ ​ແລະ ​ການ​ໂຄງການ​ປູກ​ຜັກ​ບົວ​ແດງ 150.000.000 ກີບລວມ 1.620.000.000 ກີບ,​ ໃນ​ອັດຕາ​ດອກ​ເບ້ຍ 5% ຕໍ່​ປີ, ນອກຈາກ​ນັ້ນຍັງ​ໄດ້​ສະ​ເໜີ​ໂຄງການ​ເພື່ອ​ຂໍແຫຼ່ງທຶນ​ຈາກ​ພັກ​-ລັດ​ເພື່ອ​ສຳ​ຫຼວດ​ ແລະ ​ອອກ​ແບບ​ຊົນລະປະທານ​ມູນ​ຄ່າ 4.801.000.000 ກີບ​ ແລະ ​ກໍ່ສ້າງ​ຕະຫຼາດຊຸມ​ຊົນ​ມູນ​ຄ່າ 240.000.000 ກີບ. ນອກ​ຈາກນັ້ນຍັງ​ໄດ້​ຈັດຕັ້ງເກັບ​ກຸ່ມຊຶ້ຜົນ​ຜະລິ​ດດ້ານ​ກະສິກຳ​ໄດ້​ແລ້ວ 4 ກຸ່ມ, ປະຈຸ​ບັນ​ປະຊາຊົນ​ພາຍ​ໃນ​ບ້ານ​ໄດ້​ເກັບ​ກູ້​ ແລະ​ ຂາຍ​ຜັກ​ບົວ​ແດງ​ສຳ​ເລັດ​ແລ້ວ 100% ສາມາດ​ສ້າງ​ລາຍ​ຮັບ​ໄດ້ 334.000.000 ກີບ, ມີ​ຜົນ​ກຳໄລເຖິງ 184.000.000 ກີບ, ຂາຍ​ຢາ​ເບ​ເລ້(ໃບຢາສູບ)​ໄດ້​ແລ້ວ 70% ມູນ​ຄ່າ 1.870.000.000 ກີບ,ຜົນ​ກຳ​ໄລ 400.000.000 ກີບ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?