ໜ້າຫຼັກ >> ຂ່າວຈາກຕ່າງເມືອງ >> ເມືອງຄູນຄຳໄດ້ປະກາດຮັບຮອງເອົາ 7 ບ້ານເປັນບ້ານວັດທະນະທຳ
ເມືອງຄູນຄຳໄດ້ປະກາດຮັບຮອງເອົາ 7 ບ້ານເປັນບ້ານວັດທະນະທຳ
ວັນທີ 17 ພຶດສະພາ 2013 - ເວລາ 16:03:22 ເບິ່ງ 1817 ຄຳເຫັນ 0

 

 

         ພິທີປະກາດຮັບຮອງເອົາບ້ານມ່ວງນ້ຳສາງ,ບ້ານນ້ຳມະຮາງ,ບ້ານໜອງຮາງ,ບ້ານໂພນທອງ,ບ້ານນາຊ້າງ ຂ້າມ,ບ້ານນາເມືອງ ແລະ ບ້ານຜ້າຄ້ອງ ເມືອງຄູນຄຳ ແຂວງ ຄຳມ່ວນເປັນບ້ານວັດທະນະທຳບ້ານທີ 18 - 24 ຂອງ ເມືອງ ແລະ ເປັນບ້ານທີ 276 - 282 ຂອງແຂວງແມ່ນໄດ້ຈັດຂຶ້ນໃນຕອນບ່າຍຂອງວັນທີ 15 ພຶດສະພາ 2013 ຢູ່ ທີ່ ເດີ່ນໂຮງຮຽນມັດທະຍົມບ້ານມ່ວງນ້ຳສາງໂດຍການເຂົ້າຮ່ວມເປັນກຽດຂອງທ່ານ ແກ້ວລັນດອນ ຈັນທະປານີ ເລຂາພັກເມືອງ ເຈົ້າເມືອງໆຄູນຄຳ , ທ່ານ ບຸນທະວີ ສີສົມບັດ ຮອງຫົວໜ້າພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງ,ທ່ານ ຄຳເຜົ້າ ດວງພິໄສ ຮອງເຈົ້າເມືອງໆຄູນຄຳໃນນາມປະທານຄະນະກຳມະການຊີ້ນຳ ວຽກງານ ສ້າງຄອບຄົວ ແລະ ບ້ານວັດທະນະທຳຂັ້ນເມືອງ,ມີບັນດາທ່ານໃນຄະນະພັກເມືອງ,ຫົວໜ້າຫ້ອງການ ອ້ອມຂ້າງເມືອງ , ເລຂາຄະນະພັກຮາກຖານກຸ່ມບ້ານມ່ວງນ້ຳສາງຕະ ຫຼອດ ເຖິງເຖົ້າຂຸນແນວໂຮມ , ອຳນາດການ ປົກຄອງ ແລະ ປະຊາຊົນພາຍໃນ 7 ບ້ານທີ່ຂຶ້ນກັບກຸ່ມດັ່ງກ່າວເຂົ້າຮ່ວມ .   

           ທ່ານ ອິນທະຫວາ ປາມະນີວົງ ຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງກໍ່ໄດ້ ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງໆຄຳມ່ວນວ່າດ້ວຍ ການອະນຸມັດຮັບຮອງເອົາບ້ານມ່ວງນ້ຳສາງ , ບ້ານນ້ຳ ມະຮາງ,ບ້ານໜອງຮາງ,ບ້ານໂພນທອງ,ບ້ານນາຊ້າງ ຂ້າມ,ບ້ານນາເມືອງ ແລະ ບ້ານຜ້າຄ້ອງເປັນບ້ານວັດທະນະ ທຳຂອງເມືອງ . ຫຼັງຈາກນັ້ນທ່ານ ຄຳເຜົ້າ ດວງພິໄສ ຮອງເຈົ້າເມືອງໆຄູນຄຳ ແລະ ທ່ານ ບຸນມາ ໄຊຍະເພັດ ເລຂາຄະນະພັກຮາກຖານກຸ່ມບ້ານມ່ວງນ້ຳສາງກໍ່ໄດ້ຜັດປ່ຽນ ກັນຜ່ານບົດປະເມີນບົດ ແລະ ບົດສະຫຼຸບລາຍງານໃນ ການສ້າງຄອບຄົວ ແລະ ບ້ານວັດທະນະທຳທັງ 7 ບ້ານຂອງເມືອງ .

          ບ້ານມ່ວງນ້ຳສາງ , ບ້ານນ້ຳມະຮາງ , ບ້ານໜອງຮາງ,ບ້ານໂພນທອງ,ບ້ານນາຊ້າງຂ້າມ,ບ້ານນາເມືອງ ແລະ ບ້ານຜ້າຄ້ອງແມ່ນຂຶ້ນກັບກຸ່ມມ່ວງນ້ຳສາງ ເມືອງຄູນຄຳ ແຂວງຄຳມ່ວນ ແຕ່ກ່ອນບ້ານດັ່ງກ່າວໄດ້ຕັ້ງຖິ່ນ ຖານຢູ່ລຽບຕາມສາຍນ້ຳສາງ ແລະ ສາຍນ້ຳຫີນບູນທີ່ເໝາະສົມໃຫ້ແກ່ການຜະລິດໂດຍສະເພາະແມ່ນການປູກຝັງ ແລະ ລ້ຽງສັດ ໃນເມື່ອປະເທດຊາດໄດ້ຮັບການສ້າງສາພັດທະນາແລ້ວທັງ 7 ບ້ານແມ່ນໄດ້ຮັບການເອົາໃຈໃສ່ຈາກ ພັກ - ລັດຂັ້ນເທິງຢ່າງໃກ້ຊິດ ທັງ 7 ບ້ານມີເນື້ອທີ່ 6,4 ກິໂລຕາ ແມັດ ປະກອບມີ 765 ຫຼັງຄາເຮືອນ , ມີ 827 ຄອບຄົວ .ມີພົນລະເມືອງທັງໝົດ 3.738 ຄົນ , ຍິງ 1.899 ຄົນ ພົນລະເມືອງສ່ວນຫຼາຍແມ່ນຊົນເຜົ່າກະເລິງ ກຸ່ມບ້ານດັ່ງກ່າວນີ້ ໄດ້ມີແຜນສ້າງເປັນບ້ານວັດທະນະທຳມາແຕ່ປີ 2011 ເປັນຕົ້ນມາ ປະຊາຊົນນັບຖືສາສະໜາພຸດ , ພາຍໃນບ້ານມີອົງ ການຈັດຕັ້ງຄົບຊຸດ , ດ້ານເສດຖະກິດທັງ 7 ບ້ານມີເນື້ອ ທີ່ນາ 353 ກ່ວາເຮັກຕາ ຜົນຜະລິດ 1,5 ໂຕນຕໍ່ເຮັກຕາ ສ່ວນ ພືດສຳຮອງແມ່ນປູກມັນຕົ້ນ,ຢາສູບ . ສ່ວນພືດຕົ້ນຕໍແມ່ນການປູກເຂົ້າທົ່ວບ້ານໄດ້ຫຼຸດພົ້ນ ອອກຈາກຄວາມ ທຸກຍາກ ແລ້ວ 84,79 % ສ່ວນວ່າສິນຄ້າທີ່ສົ່ງອອກສູ່ຕະຫຼາດແມ່ນໃບຢາສູບ , ມັນຕົ້ນ , ຫັດຖະກຳຕ່ຳແຜ່ນ ແລະ ຈັກສານ , ບ້ານມີທາງທຽວສາມາດທຽວໄດ້ສອງລະ ດູ ການ ແລະ ບາງບ້ານສາມາດໄປໄດ້ພຽງລະດູແລ້ງ , ມີທາງຊອຍໄປ ມາຫາສູ່ກັນລະຫວ່າງຄອບຄົວຕໍ່ຄອບຄົວ , ພາຍໃນກຸ່ມມີລົດໄຖນາຍ່າງຕາມ 410 ຄັນ , ລົດຈັກ 380 ຄັນ , ລົດໃຫຍ່ 8 ຄັນ . ດ້ານວັດທະນະທຳ - ສັງຄົມພາຍໃນກຸ່ມມີໂຮງຮຽນ 7 ແຫ່ງ, ມັດທະຍົມຕອນຕົ້ນມີ 1 ແຫ່ງ , ມີຄູສອນ 21 ຄົນ,ຍິງ 12 ຄົນ , ມີນັກຮຽນປະຖົມ 607 ຄົນ , ຍິງ 287 ຄົນ , ມັດທະຍົມ 176 ຄົນ,ຍິງ91 ຄົນ . ສຳລັບປະຊາຊົນໃນເກນອາຍຸ 15 - 45 ປີແມ່ນໄດ້ລົບລ້າງການກືກ ໜັງສື ກວມ 85 % , ປະຊາ ຊົນຮູ້ຈັກ ການຮັກສາອາ ນາ ໄມສາມສະ ອາດ , ທັງ 7 ບ້ານໄດ້ຮັບໃບຢັ້ງຢືນຄອບຄົວວັດທະນະທຳແລ້ວ 573 ຄອບຄົວກວມເອົາ 69,28 % ຂອງຈຳນວນ ຄອບຄົວທັງໝົດ .ພ້ອມນັ້ນໄດ້ຮັບຮອງ ເປັນ ບ້ານສາທາລະນະສຸກແບບຢ່າງ , ບ້ານແມ່ຍິງສາມດີ  ແລະ ບ້ານປອດ ຄະດີ .  

         ທ່ານ ແກ້ວລັນດອນ ຈັນທະປານີ ເຈົ້າເມືອງດັ່ງກ່າວກໍ່ໄດ້ມີຄຳເຫັນໂອ້ລົມຕໍ່ພິທີເຊິ່ງທ່ານສະແດງຄວາມ ຍ້ອງຍໍຊົມເຊີຍຕໍ່ຜົນງານການສ້າງສາພັດທະນາເສດຖະກິດ - ສັງຄົມທີ່ປະຊາຊົນທັງ 7 ບ້ານສາມາດຍາດມາໄດ້ ພ້ອມນັ້ນກໍ່ໄດ້ເນັ້ນໜັກໃຫ້ປະຊາຊົນເອົາໃຈໃສ່ພັດທະນາຊີວິດການເປັນຢູ່ໃຫ້ນັບມື້ນັບດີຂຶ້ນກ່ວາເກົ່າ , ເອົາໃຈໃສ່ ເຊື່ອມ ຊຶມກ່ຽວກັບແນວທາງນະໂຍບາຍຂອງພັກ , ລະບຍບກົດໝາຍຂອງລັດ , ແຜນພັດທະນາເສດຖະກິດ - ສັງ ຄົມຂອງເມືອງ , ຕ້ານປະກົດການ ຫຍໍ້ທໍ້ອັນບໍ່ດໍ້໓ຫ້ຫຼຸດໜ້ອຍ ຖອຍ ລົງ , ມີຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ,ເອົາໃຈໃສ່ອະນຸລັກ ແລະ ປົກປັກຮັກສາຮີດຄອງປະເພນີອັນດີງາມຂອງເຜົ່າໃຫ້ໝັ້ນຄົງຕະຫຼອດໄປ .

 

                                                                                                                                                                 ຂ່າວ - ພາບໂດຍ: ແດງສະຫວັດ ແສນພານິດ .

                                                                                                                                                                                      

 

 

          

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?