ໜ້າຫຼັກ >> ອົງການຈັດຕັ້ງມະຫາຊົນ >> ຮອງປະທານສູນກາງແນວລາວສ້າງຊາດໂອ້ລົມພະນັກງານ ເມືອງນາກາຍ
ຮອງປະທານສູນກາງແນວລາວສ້າງຊາດໂອ້ລົມພະນັກງານ ເມືອງນາກາຍ
ວັນທີ 20 ເມສາ 2017 - ເວລາ 09:36:29 ເບິ່ງ 44 ຄຳເຫັນ 0

ໃນ​ວັນ​ທີ 19 ເມສາ 2017 ທີ່​ສະໂມສອນເມືອງນາກາຍ ​ແຂວງ​ຄຳ​ມ່ວນ ຫ້ອງການແນວລາວສ້າງຊາດໄດ້ຈັດກອງປະຊຸມ ພົບປະໂອ້ລົມກ່ຽວກັບວຽກງານພາລະບົດບາດຂອງແນວລາວສ້າງຊາດ ​ໂດຍ​ການ​ເປັນກຽດ​ເຂົ້າ​ຮ່ວມ​ຂອງ ທ່ານ ດຣ. ສົມອົກ ກິ່ງສະດາ ຮອງປະທານແນວລາວສ້າງຊາດສູນກາງ ແລະ ​ທ່ານ ​ແສງທອງ          ພະຄຸນທອງ ປະທານແນວລາວສ້າງຊາດ ແຂວງ ຄຳມ່ວນ ແລະ ບັນດາທ່ານຄະນະພັກ, ຄະນະບໍລິຫານງານພັກເມືອງຕະຫຼອດຮອດພະນັກງານວິຊາການແຕ່ລະຫ້ອງການພາຍໃນເມືອງເຂົ້າຮ່ວມ 100 ກ່ວາຄົນ.

 ທ່ານ ຊ້ອນ ​ໄຊສົມບັດ ປະທານແນວລາວສ້າງຊາດ ເມືອງ ນາກາຍ ໄດ້ສະເໜີລາຍງານສະພາບທີ່ຕັ້ງ, ຈຸດພິເສດຂອງເມືອງ ແລະ ວຽກງານການເຄື່ອນໄຫວແຕ່ລະຂົງເຂດ ເປັນຕົ້ນວຽກງານດ້ານການເມືອງ ການປົກຄອງ, ເສດຖະກິດ, ວັດທະນະທຳສັງຄົມ, ຊົນເຜົ່າ ແລະ ວຽກງານອື່ນໆ ເພື່ອເປັນບ່ອນອີງໃນການຂໍທິດຊີ້ນຳຈາກຂັ້ນເທິງ ກ່ຽວກັບວຽກງານຈະຕ້ອງປະຕິບັດ​ໃນຕໍ່ໜ້າ  ໂອກາດນີ້ ທ່ານ ດຣ. ສົມອົກ ກິ່ງສະດາ ໄດ້ໃຫ້ກຽດກ່າວໃນກອງປະ ຊຸມເຊິ່ງກ່ອນອື່ນທ່ານກໍ່ກ່າວສະແດງຄວາມຍ້ອງຍໍຊົມເຊີຍ ຕໍ່ຜົນງານການເຄື່ອນໄຫວຂອງແນວລາວສ້າງຊາດເມືອງນາກາຍທີ່ຍາດມາໄດ້ ແລະ ຍົກໃຫ້ເຫັນ ເຖິງສະພາບການຜັນປ່ຽນຂອງພາກພື້ນ ກໍ່ຄືສາກົນພາຍນອກ, ເຫດການແຊກຊຶມທາງດ້ານສັງຄົມສະໃໝໃໝ່ຖືກຮົ່ວໄຫລເຂົ້າມາໃນປະເທດລົງສູ່ຊົນນະບົດ ເປັນຕົ້ນບັນຫາດ້ານເສດຖະກິດ, ການນຳເຂົ້າສິນຄ້າຜິດກົດໝາຍ, ວັດທະນະທໍາ, ສາສະໜາ ຈຳນວນໜຶ່ງ, ສະພາບການປ່ຽນແປງຂອງດິນຟ້າອາ ກາດ, ການລົງທຶນພາຍໃນປະເທດເພື່ອພັດທະນາດ້ານຕ່າງໆ ວຽກງານການຈັດຕັ້ງອົງການແນວລາວສ້າງຊາດ ເຊິ່ງໄດ້ເຕີບໃຫຍ່ຂະຫຍາຍຕົວຈາກແນວລາວອິດສະຫລະ ໃນໄລຍະຜ່ານການຕໍ່ສູ້ກູ້ຊາດຫຼາຍໄລຍະຈົນກາຍເປັນແນວລາວສ້າງຊາດໃນໄລຍະໃໝ່ກໍ່ຄືປະຈຸບັນ ເຊິ່ງມີນ້ຳໃຈຮັກຊາດ ມີໜ້າທີ່ຕິດຕາມ, ກວດກາຊ່ວຍການຈັດຕັ້ງຂອງພັກ-ລັດ  ແລະ ທຸລະກິດອື່ນໆ ແລະ ເຮັດວຽກຮ່ວມກັບອົງການພາຄີ ສຳລັບຂັ້ນເມືອງແມ່ນຖືເອົາຄະນະພັກເມືອງເປັນຜູ້ຊີ້ນຳອົບຮົມພະນັກງານຂັ້ນຕົນໃຫ້ເປັນປົກກະຕິເພື່ອເປັນແຂນຂວາຊ່ວຍພັກລັດ ມີການຫັນປ່ຽນທີ່ດີຂຶ້ນ ແລະ ຫັນລົງສູ່ຮາກຖານ ຕິດພັນກັບວຽກງານສາມສ້າງ, ປັບປຸງອົງການຈັດຕັ້ງແນວລາວ ສຶກສາອົບຮົມມູນເຊື້ອອັນດີງາມທາງວັດທະນະທຳຊົນເຜົ່າ ໃຫ້ຊາວລາວ ແລະ ຕ່າງ ປະເທດໄດ້ຮັບຮູ້ກວ້າງຂວາງກວ່າເກົ່າ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?