ໜ້າຫຼັກ >> ຂ່າວໜ້າໜຶ່ງ >> ຄຳມ່ວນ ທຳລາຍສິນຄ້າທີ່ນຳເຂົ້າບໍ່ຖືກຕ້ອງຕາມລະບຽບ
ຄຳມ່ວນ ທຳລາຍສິນຄ້າທີ່ນຳເຂົ້າບໍ່ຖືກຕ້ອງຕາມລະບຽບ
ວັນທີ 18 ເມສາ 2017 - ເວລາ 11:10:58 ເບິ່ງ 24 ຄຳເຫັນ 0

ໃນ​ວັນ​ທີ 11 ​ເມສາ​ຜ່ານ​ມາ ຢູ່​ທີ່​ສະຖານ​ທີ່​ຖິ້ມ​ຂີ້​ເຫຍື້ອ​ແຂວງ​ຄຳ​ມ່ວນ ​ໄດ້​ມີ​ການ​ທຳລາຍ​ສິນຄ້າ​ທີ່​ລະ​ເມີດ​ຕໍ່ລະບຽບການ​ຄຸ້ມ​ຄອງ​ການ​ນຳ​ເຂົ້າ ​ເຊິ່ງປະກອບ​ມີ ​ເຄື່ອງ​ໃນໝູ ຈຳນວນ 2 ​ແກັດ, ນ້ຳໜັກ 125 ກິ​ໂລກຼາມ ມີ​ມູນ​ຄ່າ 1.875.000 ກີບ, ​ໄຂ່​ໄກ່​ຈຳນວນ 15 ລັງ ມູນ​ຄ່າ 3.750.000 ກີບ ​ແລະ ​ໄຂ່​ເປັດ​ຈຳນວນ 72 ​ແຕະ ມູນ​ຄ່າ 1 ລ້ານ​ກວ່າ​ກີບ. ສິນຄ້າ​ດັ່ງກ່າວ​ແມ່ນ​ບໍ່​ໄດ້​ຜ່ານ​ການກວດ​ສອບ ຫຼືຢັ້ງຢືນ​ມາດຕະຖານ​ດ້ານ​ສຸຂະ​ອະນາ​ໄມຈາກ​ຂະ​ແໜງການ​ທີ່​ກ່ຽວຂ້ອງ. ​ເຊິ່ງສິນຄ້າ​ດັ່ງກ່າວ​ແມ່ນ​ທາງ​ເຈົ້າໜ້າທີ່​ການ​ຄ້າ​ພາຍ​ໃນ ​ຮ່ວມ​ກັບ​ເຈົ້າໜ້າທີ່ ປກສ ​ແຂວງ​ຄຳ​ມ່ວນ​ຢຶດ​ໄດ້​ຈາກ​ແມ່​ຄ້າ​ຊາວ​ຫວຽດນາມ ​ໃນ​ວັນ​ທີ 9 ​ເມສາ 2017 ທີ່​ຂົນ​ສົ່ງ​ດ້ວຍ​ລົດ​​ເມ​ໂດຍສານ ດາ​ນັງ-ວຽງຈັນ ຜ່ານ​ດ່ານ​ພາສີ​ສາກົນ​ລາວ​ບ່າວ ຜ່ານ​ເສັ້ນທາງ​ເລກທີ 9 ​ແຂວງ​ສະຫວັນ​ນະ​ເຂດ ​ເຂົ້າ​ສູ່​ເສັ້ນທາງ​ເລກທີ 13 ມຸ່ງໜ້າ​ໄປ​ນະຄອນຫຼວງວຽງຈັນ. ສ່ວນ​ມາດ​ຕະການ​ຕໍ່ຜູ້​ກະທຳ​ຜິດ​ຄັ້ງ​ນີ້​ທາງ​ເຈົ້າໜ້າທີ່​ກ່ຽວຂ້ອງ​ໄດ້​ມີ​ການ​ຕັກ​ເຕືອນ ​ແລະ ປັບ​ໃໝຕາມ​ລະບຽບການ ​ເຂົ້າ​ຮ່ວມ​ໃນ​ການ​ທຳລາຍ​ສິນຄ້າ​ດັ່ງກ່າວ​ມີ​ທ່ານ ສີ​ປະ​ເສີດ ຈູ​ນລາຊາ ຮອງ​ຫົວໜ້າຂະ​ແໜງການ​ຄ້າ​ພາຍ​ໃນ ພະ​ແນ​ກອຸດສາຫະກຳ ​ແລະ ການ​ຄ້າ​ແຂວງ, ທ່ານ ຮ້ອຍ​ເອກ ຄານ​ທະ​ສິນ ວົງ​ໄຊ​ຍະ​ລາດ ຕາງໜ້າພະ​ແນ​ກຕຳຫຼວດ​ເສດຖະກິດ ພ້ອມ​ດ້ວຍ​ພະນັກງານ​ວິຊາ​ການ​ທີ່​ກ່ຽວຂ້ອງ​ເຂົ້າ​ຮ່ວມ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?