ໜ້າຫຼັກ >> ຂ່າວຈາກຕ່າງເມືອງ >> ເມືອງບົວລະພາ ຈັດກອງປະຊຸມຜັນຂະຫຍາຍເນື້ອໃນກອງປະຊຸມວຽກງານກວດກາ ທົ່ວປະເທດຄັ້ງທີ III ແລະ ວຽກງານຈັດຕັ້ງ ຄັ້ງທີ X
ເມືອງບົວລະພາ ຈັດກອງປະຊຸມຜັນຂະຫຍາຍເນື້ອໃນກອງປະຊຸມວຽກງານກວດກາ ທົ່ວປະເທດຄັ້ງທີ III ແລະ ວຽກງານຈັດຕັ້ງ ຄັ້ງທີ X
ວັນທີ 07 ເມສາ 2017 - ເວລາ 09:09:14 ເບິ່ງ 69 ຄຳເຫັນ 0

        ເພື່ອປະຕິບັດຕາມຄຳສັ່ງແນະນຳຂອງຄະນະເລຂາທິການສູນກາງພັກສະບັບເລກທີ 21/ ຄລສພ, ລົງວັນທີ່ 2/11/2016 ວ່າດ້ວຍການຈັດຕັ້ງຜັນຂະຫຍາຍ ເນື້ອໃນກອງປະຊຸມວຽກງານຈັດຕັ້ງທົ່ວປະເທດຄັ້ງທີ່ X ແລະ ແຈ້ງການຂອງຄະນະກວດກາພັກແຂວງ ສະບັບເລກທີ 434/ຄກພຂ.ຄມ, ລົງວັນທີ 13/10/2016 ວ່າດ້ວຍການຜັນຂະ ຫຍາຍເນື້ອໃນກອງປະຊຸມວຽກງານກວດກາທົ່ວປະເທດຄັ້ງທີ III ດັ່ງນັ້ນ, ໃນວັນທີ 5 ເມສາ 2017 ທີ່ຜ່ານມາ ຢູ່ທີ່ສະໂມສອນເມືອງບົວລະພາ ໄດ້ຈັດກອງປະຊຸມຜັນຂະຫຍາຍເນື້ອໃນກອງປະຊຸມວຽກງານກວດກາທົ່ວປະເທດຄັ້ງທີ III ແລະ ວຽກງານຈັດຕັ້ງ ຄັ້ງທີ X ໂດຍພາຍໃຕ້ການເປັນປະທານຂອງ ທ່ານ ຄຳເພົ່າ ທອງເທພາຮັກ ກໍາມະການພັກແຂວງ ເລຂາພັກເມືອງ ເຈົ້າເມືອງ ເມືອງ ບົວລະພາ ເຂົ້າຮ່ວມມີບັນດາຄະນະປະຈຳພັກເມືອງ, ​ຄະນະພັກເມືອງ, ຫົວໜ້າ, ຮອງຫົວໜ້າຫ້ອງການ, ເລຂາ, ຮອງເລຂາຄະນະພັກຮາກຖານ ຕະຫລອດຮອດພະນັກງານວິຊາການທີ່ເຮັດໜ້າທີ່ຈັດຕັ້ງບໍລິຫານ ເຂົ້າຮ່ວມຈຳນວນທັງໝົດ 62 ຄົນ, ຍິງ 13 ຄົນ.

          ທ່ານ ຄຳເພົ່າ ທອງເທພາຮັກ ເຈົ້າເມືອງ ເມືອງ ບົວລະພາ ກໍ່ໄດ້ ໂອ້ລົມ ແລະ ໃຫ້ທິດຊີ້ນຳຕໍ່ກອງປະຊຸມ ເຊີ່ງທ່ານ ໄດ້ເນັ້ນໜັກໃຫ້ທຸກພາກສ່ວນ ເນັ້ນໜັກຕື່ມ ໃນການຈັດຕັ້ງພາລະບົດບາດ ແລະ ສົມທຽບພຶດຕິກຳຕົວຈິງຂອງບັນດາພະນັກງານລັດຖະກອນ ເພື່ອໃຫ້ສອດຄ່ອງໃນການປະຕິບັດໜ້າທີ່ວຽກງານ ແລະ ທ່ານຍັງໄດ້ເນັ້ນໜັກຕື່ມກ່ຽວກັບພາລະບົດບາດຂອງວຽກງານກວດກາພັກ-ລັດ ເພື່ອເພີ່ມທະວີດ້ານແນວຄິດການເມືອງໃຫ້ກັບບັນ ດາພະນັກງານຫລັກແຫລ່ງ ແລະ ພະນັກງານຂັ້ນຮາກຖານ, ກອງປະຊຸມດັ່ງກ່າວ ຍັງໄດ້ຮັບຟັງການລາຍງານວຽກງານກວດກາຂອງຄະນະກວດ ກາພັກ-ລັດເມືອງ ແຕ່ປີ 2011 – 2015 ແລະ ຜ່ານທິດທາງແຜນການໃນປີ 2016 – 2020, ຈາກນັ້ນ ທ່ານ ທອງສຸກ ຫັດຕະນາກ ຮອງເລຂາພັກເມືອງ ປະທານກວດກາພັກ-ລັດເມືອງ ກໍ່ໄດ້ຜ່ານບົດແນະນຳ ວ່າດ້ວຍການຈັດຕັ້ງປະຕິບັດກົດລະບຽບພັກ ສະໃໝທີ X ກ່ຽວກັບ ວຽກງານຕິດຕາມ ກວດກາຂອງພັກ ແລະ ຄະນະກວດກາພັກແຕ່ລະຂັ້ນ ສະບັບເລກທີ 259/ຄກສພ, ລົງວັນທີ 27 ມີນາ 2016 ຂອງຄະນະກວດກາສູນກາງພັກ ກອງປະຊຸມຄັ້ງນີ ຍັງໄດ້ຮັບຟັງການຜ່ານບົດໂອ້ລົມ ຂອງ ສະຫາຍເລຂາທິການໃຫ່ຍຄະນະບໍລິຫານງານສູນກາງພັກຕໍ່ກອງປະຊຸມ ວຽກງານກວດກາ ທົ່ວປະເທດ ຄັ້ງທີ III ແລະ ຍັງໄດ້ຮັບຟັງການຜ່ານດຳລັດຂອງລັດຖະ ບານ ເລກທີ 01/ລບ, ວ່າດ້ວຍການຕິດຕາມ ກວດກາໂຄງການລົງທືນຂອງລັດເລີ່ມແຕ່ຫົວທີ ແລະ ຍຸດທະສາດການສໍ້ລາດບັງຫລວງ ແຕ່ປະຈຸບັນ ຈົນຮອດ ປີ 2020 ຈາກນັ້ນກໍ່ໄດ້ຄົ້ນຄວ້າປຶກສາຫາລື  ແລະ ປະກອບຄຳຄິດເຫັນ  ກອງປະຊຸມດັ່ງກ່າວ ໃຊ້ເວລາ 2 ວັນ ເລີ່ມແຕ່ ວັນທີ 5 – 6 ເມສາ 2017 ຈຶ່ງ​ໄດ້​ສຳ​ເລັດ​ລົງ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?