ໜ້າຫຼັກ >> ຂ່າວຈາກຕ່າງເມືອງ >> ເມືອງ ບົວລະພາ ຈັດກອງປະຊຸມປາຖະກະຖາ 3 ວັນປະຫວັດສາດ
ເມືອງ ບົວລະພາ ຈັດກອງປະຊຸມປາຖະກະຖາ 3 ວັນປະຫວັດສາດ
ວັນທີ 07 ເມສາ 2017 - ເວລາ 09:07:25 ເບິ່ງ 69 ຄຳເຫັນ 0

ເພື່ອປະຕິບັດຕາມ ແຈ້ງການແນະນຳຂອງຄະນະ ໂຄສະນາອົບຮົມແຂວງຄຳມ່ວນ ສະບັບເລກທີ 065/ຄອຂ, ລົງວັນທີ 28/2/2017 ກ່ຽວກັບການໂຄສະນາປາຖະກະຖາ ວັນສ້າງຕັ້ງພັກ ປະຊາຊົນປະຕິວັດລາວ ຄົບ ຮອບ 62 ປີ ລະນຶກວັນເສຍອົງຄະ ແລະ ເສຍສະຫລະຊີວິດ ເພື່ອປະເທດຊາດ ຄົບຮອບ 71 ປີ ແລະ ລະນຶກວັນສ້າງຕັ້ງກຳລັງປ້ອງກັນຄວາມສະຫງົບ ປະຊາຊົນລາວຄົບຮອບ 56 ປີ, ດັ່ງນັ້ນ ໃນວັນທີ 5 ເມສາ 2017 ທີ່ຜ່ານມາຢູ່ທີ່ສະໂມສອນ ເມືອງ ບົວລະພາ ໄດ້ຈັດກອງປະຊຸມ ປາຖະກະຖາ 3 ວັນປະຫວັດສາດ ໂດຍພາຍໃຕ້ການເປັນປະ ທານຂອງທ່ານ ຄຳເພົ່າ ທອງເທພາຮັກ ກຳມະການພັກແຂງ ເລຂາພັກເມືອງ ເຈົ້າເມືອງ ເມືອງ ບົວລະພາ ເຂົ້າຮ່ວມມີບັນດາຄະນະປະຈຳພັກເມືອງ, ຄະນະພັກເມືອງ, ຫົວໜ້າ, ຮອງຫົວໜ້າຫ້ອງການ, ນາຍ ແລະ ພົນທະ ຫານ, ນາຍ ແລະ ພົນຕຳຫລວດ ຕະຫລອດຮອດ ບັນດາພະນັກງານວິຊາການ ອ້ອມຂ້າງເມືອງ ແລະ ພະ ນັກງານອາ ວຸໂສບຳນານ ເຂົ້າຮ່ວມຈຳນວນທັງໝົດ 162 ຄົນ, ​ຍິງ 37 ຄົນ.

ໃນພິທີດັ່ງກ່າວ ທ່ານ ຄຳເພົ່າ ທອງເທພາຮັກ ກຳມະການພັກແຂງ ເລຂາພັກເມືອງ ເຈົ້າເມືອງ ເມືອງ ບົວ ລະພາ ກໍ່ໄດ້ຜ່ານ ເອກະສານ ມູນເຊື້ອວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 62 ປີ ລະນຶກວັນເສຍອົງ ຄະ ແລະ ເສຍສະຫລະຊີວິດ ເພື່ອປະເທດຊາດ ຄົບຮອບ 71 ປີ, ຈາກນັ້ນ ທ່ານ ຄຳໄຊຕາງນະວົງ ຄະ ນະປະຈຳພັກເມືອງ ຮອງເຈົ້າເມືອງ ເມືອງ ບົວລະພາ ກໍ່ໄດ້ ຜ່ານເອກະສານ ລະນຶກວັນສ້າງຕັ້ງກຳລັງປ້ອງກັນຄວາມສະຫງົບ ປະຊາຊົນລາວຄົບຮອບ 56 ປີ, ຈຸດປະສົງ ຂອງພິທີໃນຄັ້ງນີ້ ກໍ່ເພື່ອເຮັດໃຫ້ບັນດາພະນັກ ງານສະມາຊິກພັກ ແລະ ປະຊາຊົນບັນດາເຜົ່າ ໄດ້ເຊື່ອມຊືມ ເຂົ້າໃຈແຈ້ງ ຕໍ່ທາດແທ້ມູນເຊື້ອອັນດີງາມຂອງພັກປະຊາຊົນປະຕິວັດລາວ ແລະ ເພື່ອປຸກລະດົມ ບັນດາຊັ້ນຄົນຕ່າງໆ ເຂົ້າຮ່ວມ ໃນວຽກງານກໍ່ສ້າງພັກ ເຮັດໃຫ້ມີຄວາມເຂັ້ມແຂງ ແລະ ເຊື່ອໝັ້ນຕໍ່ແນວທາງຂອງພັກ ພ້ອມກັນນັ້ນກໍ່ເພື່ອໂຄສະນາ ສືກສາອົບຮົມການເມືອງ ແນວຄິດ ໃຫ້ນັກຮົບກ້ອນກຳລັງຮັກຊາດ-ປ້ອງກັນຄວາມສະຫງົບ ໄດ້ຮັບຮູ້ ແລະ ເຊື່ອມຊືມຢ່າງເລີກເຊີ່ງຕໍ່ມູນເຊື້ອແຫ່ງການເຕີບໃຫ່ຍ ເຂັ້ມ ແຂງ ຂອງກຳລັງປ້ອງກັນຄວາມສະຫງົບປະຊາຊົນລາວໃນໄລຍະ 56 ປີຜ່ານມາ ອີກດ້ວຍ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?