ໜ້າຫຼັກ >> ອົງການຈັດຕັ້ງມະຫາຊົນ >> ສະມາຊິກຊາວໜຸ່ມພະແນກສາທາລະນະສຸກແຂວງຮັບຟັງມູນເຊື້ອວັນສ້າງຕັ້ງ ຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 58 ປີ
ສະມາຊິກຊາວໜຸ່ມພະແນກສາທາລະນະສຸກແຂວງຮັບຟັງມູນເຊື້ອວັນສ້າງຕັ້ງ ຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 58 ປີ
ວັນທີ 06 ພຶດສະພາ 2013 - ເວລາ 09:23:20 ເບິ່ງ 1946 ຄຳເຫັນ 0

 

 

          ໃນວັນທີ 26 ເມສາ 2013  ຢູ່ທີ່ຫ້ອງປະຊຸມໂຮງຮຽນສາທາລະນະສຸກແຂວງ ໄດ້ຈັດພິທີປາຖະກະຖາມຸນ ເຊື້ອວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 58 ປີ ( 14 ເມສາ 1955 – 14 ເມສາ 2013 ) ເປັນກຽດເຂົ້າຮ່ວມໃນພິທີໂດຍແມ່ນ ທ່ານ ດຣ. ແສງທອງ ເສີມລຳພັນ ຄະນະໜ່ວຍພັກ ຫົວໜ້າຂະແໜງພາຍໃນ, ທ່ານ ດຣ. ອຳພອນ ສີດາບຸດ ຫົວໜ້າຫ້ອງການບໍລິຫານໂຮງໝໍ , ມີສະມາຊິກພັກ , ຄະນະຮາກຖານຊາວໜຸ່ມ, ຄະນະອົງການຈັດຕັ້ງມະຫາຊົນ , ເລຂາ , ຮອງເລຂາໜ່ວຍ ຊາວໜຸ່ມທີ່ຂຶ້ນກັບຕະຫຼອດຮອດສະມາຊິກຊາວ ໜຸ່ມ ພະນັກງານ ແລະ ນັກຮຽນເຂົ້າຮ່ວມທັງໝົດ 200 ກວ່າຄົນ.

      ​ເປັນກຽດຂຶ້ນເລົ່າຄືນມູນເຊື້ອຂອງຊາວໜຸ່ມແຕ່ລະຮຸ້ນໂດຍ​ແມ່ນທ່ານ ດຣ. ສົມພານ ກັນຍານຸສອນ ຄະນະບໍ ລິຫານງານຊາວໜຸ່ມແຂວງ , ເລຂາຮາກຖານຊາວໜຸ່ມພະ ແນກສາທາລະນະສຸກແຂວງ ເຊິ່ງທ່ານໄດ້ເລົ່າຄືນເຖິງມູນ ເຊື້ອຂອງອ້າຍ , ເອື້ອຍຊາວໜຸ່ມແຕ່ລະຮຸ້ນນັບແຕ່ຮຸ້ນທີ 1 ຈົນຮອດຮຸ້ນປະຈຸບັນພ້ອມທັງຍົກໃຫ້ເຫັນນ້ຳໃຈຕໍ່ສູ້ ອັນ ອົງອາດກ້າຫານທີ່ຍອມເສຍສະຫຼະຊີວິດເລືອດເນື້ອເພື່ອເຮັດໃຫ້ປະເທດຊາດກາຍເປັນປະເທດເອກະລາດ .

       ການຈັດພິທີປາຖະກະຖາມູນເຊື້ອ​ເນື່ອງ​ໃນ​ວັນ​ດັ່ງກ່າວກໍ່ເພື່ອເຮັດໃຫ້ຊາວໜຸ່ມຮັບຮູ້ມູນເຊື້ອຂອງຊາວໜຸ່ມແຕ່ ລະຮຸ້ນໃນການຕໍ່ສູ້ປົດປ່ອຍຊາດ , ຮູ້ໄດ້ມູນເຊື້ອແຫ່ງການ ສ້າງ ຕັ້ງ ແລະ ເຕີບໃຫຍ່ຂະຫຍາຍຕົວຂອງຄະນະຊາວ ໜຸ່ມປະຊາຊົນ ປະຕິວັດລາວ ໃນຂະບວນວິວັດແຫ່ງການຕໍ່ສູ້ປົດປ່ອຍຊາດ . ນອກຈາກນັ້ນກໍ່ຍັງເພື່ອເປັນການປູກ ຈິດສຳນຶກໃຫ້ແກ່ຊາວໜຸ່ມຮູ້ຮັກຊາດ ແລະ ຫວງແຫນແຜ່ນດິນເກີດຂອງຕົນເອງ . ເຊິ່ງບໍ່ວ່າຈະຢູ່ໃນໄລຍະປະຫວັດ ສາດໃດກໍ່ຕາມຊາວໜຸ່ມແມ່ນມີບົດບາດທີ່ສຳຄັນໃນ ການຕໍ່ສູ້ເພື່ອປົກປັກຮັກສາ ແລະ ສ້າງສາບ້ານເມືອງໃຫ້ສົມກັບ ຄຳເວົ້າທີ່ວ່າ:" ບ່ອນໃດຍາກຊາວໜຸ່ມບຸກ ບ່ອນໃດທຸກຊາວໜຸ່ມຜ່ານຜ່າ ບ່ອນໃດຊາດຕ້ອງ ການ ຊາວໜຸ່ມຂານອາສາ ". ພ້ອມດຽວກັນນັ້ນຮາກຖານຊາວໜຸ່ມພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ໄດ້ຈັດພິທີປາຖະ ກະຖາມູນ​ ເຊື້ອວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວເຊັ່ນກັນ ເຊິ່ງມີຜູ້ເຂົ້້າຮ່ວມທັງໝົດ 57 ຄົນ, ຍິງ 34 ຄົນ  .

                                                                                                                                                                         ນັກຂ່າວຊາວໜຸ່ມແຂວງຄຳມ່ວນ

                                                                                                                                                                                                ຕຸ້ຍນຸ້ຍ

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?