ໜ້າຫຼັກ >> ອົງການຈັດຕັ້ງມະຫາຊົນ >> ເປີດຮຽນເອກະສານກົດລະບຽບການຈາລະຈອນທາງບົກ ຢູ່ທີ່ໂຮງຮຽນວິທະຍາໄລຄຳສີສຸກບໍລິຫານທຸລະກິດ
ເປີດຮຽນເອກະສານກົດລະບຽບການຈາລະຈອນທາງບົກ ຢູ່ທີ່ໂຮງຮຽນວິທະຍາໄລຄຳສີສຸກບໍລິຫານທຸລະກິດ
ວັນທີ 06 ພຶດສະພາ 2013 - ເວລາ 09:12:11 ເບິ່ງ 2030 ຄຳເຫັນ 0

 

 

          ເພື່ອເປັນການສືບຕໍ່ການຈັດຕັ້ງປະຕິບັດໂຄງການຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັນແຖວຊາວ ໜຸ່ມ - ໄວໜຸ່ມ ໂດຍການຮ່ວມມືຈາກຫຼາຍພາກສ່ວນຄື: ຫ້ອງການຊາວໜຸ່ມແຂວງ , ພະແນກໂຍທາທິການ ແລະ ຂົນສົ່ງແຂວງ , ພະແນກສຶກສາທິການ - ກິລາແຂວງ ​ແລະ  ກອງບັນຊາການ ປ.ກ.ສ ແຂວງ.

        ໃນວັນທີ 5 ເມສາ 2013 ຢູ່ທີ່ຫ້ອງປະຊຸມໂຮງຮຽນວິທະຍາໄລຄຳສີສຸກບໍລິຫານທຸລະກິດໄດ້ເປີດຮຽນເອກະ ສານກົດລະບຽບການຈາລະຈອນທາງບົກຂຶ້ນເປັນກຽດເຂົ້າຮ່ວມໃນພິທີມີທ່ານ ນາງ ເພັດສະໝອນ ບຸດດາ ຮອງຫົວ ໜ້າຫ້ອງການຊາວໜຸ່ມແຂວງ , ທ່ານ ລຳພົງ ຫຼວງໄຊມຸງຄຸນ ຫົວໜ້າກອງຄຸ້ມຄອງພາຫະນະ ແລະ ການຂັບຂີ່ພະ ແນກໂຍທາທິການ ແລະ ຂົນສົ່ງແຂວງ , ມີບັນດາທ່ານຄະນະກຳມະການສອບເສັງໃບຂັບຂີ່ລົດຈັກ , ສະມາຊິກຊາວ ໜຸ່ມນັກຮຽນ - ນັກສຶກສາເຂົ້າຮ່ວມທັງໝົດ 30 ກວ່າຄົນ.

          ເຊິ່ງເອກະສານທີ່ນຳມາເປີດຮຽນປະກອບມີຄື : ເອກະສານ ກົດລະບຽບການຈໍລະຈອນທາງບົກ ,ເອກະສານ ດຳລັດ 188 / ນຍ ລົງວັນທີ 3 ກໍລະກົດ 2007 ວ່າດ້ວຍການປັບໃໝຜູ້ກະທຳຜິດຕໍ່ກົດລະບຽບການຈໍລະຈອນ , ເອກະສານ ຄຸນສົມບັດຂອງນັກຂັບຂີ່ລົດຈັກ , ເອກະສານ ເຄື່ອງໝາຍທາງ ແລະ ປ້າຍສັນຍານຈໍລະຈອນ , ເອກະສານ ສາລະບານເດີນລົດ ຫຼື ສິດທິການນຳໃຊ້ຍານພາຫະນະ .

ສຳລັບຈຸດປະສົງໃນການເປີດຮຽນເອກະສານດັ່ງກ່າວແມ່ນເພື່ອຈະໄດ້ເປີດການສອບເສັງເອົາໃບຂັບຂີ່ລົດຈັກປອດໄພໃຫ້ແກ່ສະມາຊິກຊາວໜຸ່ມ - ໄວໜຸ່ມ ຢູ່ທີ່ໂຮງຮຽນວິທະຍາໄລຄຳສີສຸກບໍລິຫານທຸລະກິດເປັນແຫ່ງທຳອິດ.

                                                                                                                                                                  ນັກຂ່າວຊາວໜຸ່ມແຂວງຄຳມ່ວນ

                                                                                                                                                                                         ຕຸ້ຍນຸ້ຍ

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?