ໜ້າຫຼັກ >> ອົງການຈັດຕັ້ງມະຫາຊົນ >> ຮາກຖານຊາວໜຸ່ມພະແນກຖະແຫຼງຂ່າວ - ວັດທະນະທຳ ແລະ ທ່ອງທ່ຽວແຂວງ ປາຖະກະຖາມູນເຊື້ອວັນສ້າງຕັ້ງ ຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 58 ປີ ( 14 ເມສາ 1955 – 14 ເມສາ 2013 )
ຮາກຖານຊາວໜຸ່ມພະແນກຖະແຫຼງຂ່າວ - ວັດທະນະທຳ ແລະ ທ່ອງທ່ຽວແຂວງ ປາຖະກະຖາມູນເຊື້ອວັນສ້າງຕັ້ງ ຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 58 ປີ ( 14 ເມສາ 1955 – 14 ເມສາ 2013 )
ວັນທີ 06 ພຶດສະພາ 2013 - ເວລາ 09:00:22 ເບິ່ງ 1429 ຄຳເຫັນ 0

 

 

          ໃນວັນທີ 8 ເມສາ 2013  ຄະນະຮາກຖານຊາວໜຸ່ມພະແນກຖະແຫຼງຂ່າວ  -  ວັດທະນະທຳ ແລະ ທ່ອງທ່ຽວ ແຂວງໄດ້ຈັດພິທີປາຖະກະຖາວັນສ້າງຕັ້ງຄະນະຊາວ ໜຸ່ມປະຊາຊົນ ປະຕິວັດລາວ ຂຶ້ນຢ່າງເປັນທາງການເປັນກຽດເຂົ້າ ຮ່ວມໃນພິທີໂດຍແມ່ນທ່ານ  ສາຍຄຳ  ພະໄຊສິດທິເດດ ຮອງເລຂາຄະນະບໍລິຫານງານຊາວໜຸ່ມແຂວງ, ທ່ານ ບຸນທະວີ ສີສົມບັດ ຄະນະພັກຮາກຖານພະແນກຖະແຫຼງຂ່າວ - ວັດທະນະທຳ ແລະ ທ່ອງທ່ຽວແຂວງ , ມີບັນດາເລຂາ , ຮອງ ເລຂາໜ່ວຍຊາວໜຸ່ມທີ່ຂຶ້ນກັບຕະຫຼອດ ຮອດສະມາຊິກຊາວໜຸ່ມເຂົ້າຮ່ວມທັງໝົດ 50 ກວ່າຄົນ.

 

          ໃນພິທີໃຫ້ກຽດຂຶ້ນຜ່ານມູນເຊື້ອຂອງຊາວໜຸ່ມແຕ່ລະຮຸ້ນໂດຍທ່ານ ສາຍຄຳ ພະໄຊສິດທິເດດ ຮອງເລຂາ ຄະນະບໍລິຫານງານຊາວໜຸ່ມແຂວງເຊິ່ງທ່ານໄດ້ເລົ່າຄືນ ເຖິງມູນເຊື້ອຂອງອ້າຍ , ເອື້ອຍຊາວໜຸ່ມແຕ່ລະຮຸ້ນນັບແຕ່ຮຸ້ນ ທີ 1 ຈົນຮອດຮຸ້ນປະຈຸບັນພ້ອມທັງຍົກໃຫ້ເຫັນນ້ຳໃຈຕໍ່ສູ້ອັນອົງອາດກ້າຫານທີ່ຍອມເສຍສະຫຼະຊີວິດເລືອດ ເນື້ອເພື່ອເຮັດໃຫ້ປະເທດຊາດກາຍເປັນປະເທດເອກະລາດ.

          ການຈັດພິທີປາຖະກະຖາມູນເຊື້ອວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ ກໍ່ເພື່ອເຮັດໃຫ້ຊາວ ໜຸ່ມຮັບຮູ້ມູນເຊື້ອຂອງຊາວໜຸ່ມແຕ່ລະຮຸ້ນໃນການຕໍ່ສູ້ປົດ ປ່ອຍຊາດ , ຮູ້ໄດ້ມູນເຊື້ອແຫ່ງການສ້າງຕັ້ງ ແລະ ເຕີບໃຫຍ່ ຂະຫຍາຍຕົວຂອງຄະນະຊາວໜຸ່ມປະຊາຊົນ ປະຕິວັດລາວ ໃນຂະບວນວິວັດແຫ່ງການຕໍ່ສູ້ປົດປ່ອຍຊາດ ນອກ ຈາກ ນັ້ນກໍ່ຍັງເພື່ອເປັນການປູກຈິດສຳນຶກໃຫ້ແກ່ຊາວໜຸ່ມຮູ້ຮັກຊາດ ແລະ ຫວງແຫນແຜ່ນດິນເກີດຂອງຕົນເອງ.  ເຊິ່ງບໍ່ວ່າ ຈະຢູ່ໃນໄລຍະປະຫວັດສາດໃດກໍ່ຕາມ ຊາວ ໜຸ່ມ ແມ່ນມີບົດບາດທີ່ສຳຄັນໃນການຕໍ່ສູ້ເພື່ອປົກປັກຮັກສາ ແລະ ສ້າງສາ ບ້ານເມືອງໃຫ້ສົມກັບຄຳເວົ້າທີ່ວ່າ:" ບ່ອນໃດຍາກຊາວໜຸ່ມບຸກ ບ່ອນໃດທຸກຊາວໜຸ່ມຜ່ານຜ່າ ບ່ອນໃດຊາດຕ້ອງ ການຊາວໜຸ່ມຂານອາສາ ".

                                                                                                                                                                                 ນັກຂ່າວຊາວໜຸ່ມແຂວງຄຳມ່ວນ

                                                                                                                                                                                                  ຕຸ້ຍນຸ້ຍ

 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?