ໜ້າຫຼັກ >> ອົງການຈັດຕັ້ງມະຫາຊົນ >> ຄະນະຮາກຖານຊາວໜຸ່ມໂຮງຮຽນມໍປາຍທ່າແຂກ ເປີດຮັບມະຫາຊົນກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ
ຄະນະຮາກຖານຊາວໜຸ່ມໂຮງຮຽນມໍປາຍທ່າແຂກ ເປີດຮັບມະຫາຊົນກ້າວໜ້າເຂົ້າເປັນສະມາຊິກຊາວໜຸ່ມ ປະຊາຊົນ ປະຕິວັດລາວ
ວັນທີ 06 ພຶດສະພາ 2013 - ເວລາ 08:42:09 ເບິ່ງ 1388 ຄຳເຫັນ 0

 

 

          ໃນວັນທີ 10 ເມສາ 2013  ຢູ່ທີ່ສະໂມສອນຂອງໂຮງຮຽນມໍປາຍທ່າ ແຂກໄດ້ຈັດພິທີ​ເອົາຮັບມະຫາຊົນ ກ້າວໜ້າເຂົ້າເປັນສະມາຊິກຊາວໜຸ່ມປະຊາຊົນ ປະຕິວັດລາວ ພາຍໃຕ້ການເປັນປະທານຂອງທ່ານ ຫອມອ່ອນ ກິ່ງດາລາ ຄະນະບໍລິຫານງານຊາວໜຸ່ມແຂວງ ເລຂາຮາກຖານຊາວໜຸ່ມໂຮງຮຽນມໍປາຍທ່າແຂກ , ເປັນກຽດເຂົ້າ ຮ່ວມໃນ ພິທີໂດຍແມ່ນທ່ານ ສາຍຄຳ ພະໄຊສິດທິເດດ ຮອງເລຂາຄະນະບໍລິຫານງານຊາວໜຸ່ມແຂວງ , ທ່ານ ສົມຫວັງ ເທບພູທອນ ຄະນະອຳນວຍການໂຮງຮຽນມໍປາຍທ່າແຂກ , ຄະນະຮາກຖານຊາວໜຸ່ມ , ຄະນະອົງການ ຈັດຕັ້ງມະຫາຊົນ , ພະນັກງານຄູ - ອາຈານພ້ອມດ້ວຍສະມາຊິກຊາວໜຸ່ມ ແລະ ມະຫາຊົນຜູ້ກ້າວໜ້າເຂົ້າຮ່ວມທັງໝົດ 400 ກວ່າ ຄົນ .

          ໃນພິທີໄດ້ມີຕາງໜ້າມະຫາຊົນຜູ້ກ້າວໜ້າຂຶ້ນອ່ານໃບຄຳຮ້ອງຂໍເຂົ້າເປັນສະມາຊິກຊາວໜຸ່ມປະຊາຊົນ ປະຕິ ວັດລາວພ້ອມກັນນັ້ນທ່ານ ຫອມອ່ອນ ກິ່ງດາລາ ກໍ່ໄດ້ຂຶ້ນ ຜ່ານຂໍ້ຕົກລົງຂອງເລຂາຄະນະບໍລິຫານງານຊາວໜຸ່ມ ແຂວງວ່າດ້ວຍການຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກຊາວໜຸ່ມພ້ອມທັງມອບໃບອະນຸມັດ .

   ພິເສດທາງຄະນະຮາກຖານຊາວໜຸ່ມຍັງໄດ້ຖືເອົາໂອກາດດຽວກັນນີ້ຫວນຄືນມູນເຊື້ອຂອງຊາວໜຸ່ມປະຊາຊົນປະ ຕິວັດລາວໃຫ້ກຽດຂຶ້ນເລົ່າຄືນມູນເຊື້ອການຕໍ່ສູ້ຂອງຊາວ ໜຸ່ມແຕ່ລະຮຸ້ນໂດຍແມ່ນທ່ານ ສາຍຄຳ ພະໄຊສິດທິເດດ ເຊິ່ງໃນນັ້ນທ່ານກໍ່ຍັງໄດ້ຍົກໃຫ້ເຫັນມູນເຊື້ອການຕໍ່ສູ້ຂອງອ້າຍ , ເອື້ອຍຊາວໜຸ່ມແຕ່ຮຸ້ນທີ 1 - ຮຸ້ນທີ 4 ກໍ່ຄືຮຸ້ນປະ ຈຸບັນບໍ່ວ່າຈະຢູ່ໃນໄລຍະປະຫວັດສາດໃດກໍ່ຕາມຊາວໜຸ່ມແມ່ນມີບົດບາດສຳຄັນໃນການຕໍ່ສູ້ກູ້ຊາດເພື່ອປົກປັກຮັກ ສາ ແລະ ສ້າງສາພັດທະນາບ້ານເມືອງ , ຊາວໜຸ່ມມີມູນ ເຊື້ອສາມັກຄີປອງດອງກັບບັນດາເຜົ່າ .

          ນີ້ກໍ່ເພື່ອເຮັດໃຫ້ສະມາຊິກຊາວໜຸ່ມຮູ້ໄດ້ເຖິງມູນເຊື້ອຂອງຊາວໜຸ່ມແຕ່ລະຮຸ້ນ ໃນການຕໍ່ສູ້ເພື່ອປົດປ່ອຍ ຊາດ , ຮູ້ໄດ້ມູນເຊື້ອແຫ່ງການສ້າງຕັ້ງ ແລະ ເຕີບໃຫຍ່ຂະ ຫຍາຍຕົວຂອງຄະນະຊາວໜຸ່ມປະຊາຊົນ ປະຕິວັດລາວ ໃນຂະບວນວິວັດແຫ່ງການປົດປ່ອຍຊາດ ພ້ອມດຽວກັນນັ້ນກໍ່ເພື່ອເປັນການປູກຈິດສຳນຶກໃຫ້ຊາວໜຸ່ມຮູ້ຮັກຊາດ ແລະ ຫວງແຫນແຜ່ນດິນເກີດຂອງຕົນເອງ . ສ້າງຕົນເອງໃຫ້ມີຄວາມຮູ້ , ຄວາມສາມາດກ້າວໄປສູ່ການພັດທະນາ ປະເທດຊາດໃຫ້ສົມກັບຄຳເວົ້າທີ່ວ່າ: " ຊາວໜຸ່ມຈົ່ງເປັນ ດັ່ງນົກອິນຊີ ທີ່ບໍ່ຫວັ່ນ​ໄຫວຕໍ່ພາຍຸລົມແດງ ຈົ່ງເປັນສິນ ໄຊແຫ່ງຍຸກສະໄໝຂອງພວກເຮົາ " .

                                                             

                                                                                                                                                                    ນັກຂ່າວຊາວໜຸ່ມແຂວງຄຳມ່ວນ

                                                                                                                                                                                           ຕຸ້ຍນຸ້ຍ

 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?