ໜ້າຫຼັກ >> ເວທີນັກຂຽນ >> 65 ປີສື່ມວນຊົນລາວກ້າວໜ້າ
65 ປີສື່ມວນຊົນລາວກ້າວໜ້າ
ວັນທີ 28 ກໍລະກົດ 2015 - ເວລາ 10:59:48 ເບິ່ງ 854 ຄຳເຫັນ 0

                              + 65 ປີ ເອກອ້າງ                                             ສ້າງສື່ມວນຊົນລາວ

                                 ແສນຊື່ນຊົມຍິນດີ                                       ທີ່ເຮົາມີວັນນີ້

                                 ທີ່ 13 ສິງຫາ 1950 ນັ້ນ                                 ວັນສຳຄັນປະຫວັດສາດ

                                 ເປັນບາດກ້າວເລີ້ມຕົ້ນ                                 ສື່ມ່ວນຊົນໂຮມແຮງກັນຕໍ່ສູ້

                                                                                                   ກອບກູ້ຊາດລາວ.

                               + ຄາວນັ້ນ, ຊາດເຮົາເປັນຂ້ອຍຂ້າ                    ປະຊາຢູ່ບໍ່ເປັນສຸກ

                                ເໜືອນດັ່ງໄຟລົນລຸກ                                     ແຟດເຝົາຝານໃໝ້

                                 ໄຟສົງຄາມລາມລ້າງ                                     ຮາວີປີ້ປົ່ນ

                                ຄົນລາວເຮົາ, ກໍ່ບໍ່ເຄີຍອ່ອນຂໍ້                          ບໍ່ຍອມແພ້ແກ່ໝູ່ມານ

                            + ຄວາມຫຍຸ້ງຍາກມີຫລາຍດ້ານ                         ກໍ່ພ້ອມຜ່ານສຳເລັດ

                               ສື່ມວນຊົນ, ໄດ້ພ້ອມພາກັນເຮັດ                       ໜ້າທີ່ຕົນບໍ່ກົ່ວຢ້ານ

                               ສົ່ງຂ່າວສານ - ໃບປີວພ້ອມ                              ໂຄສະນານ້ອຍ - ໃຫ່ຍ

                               ບັ້ງໄມ້ໄຜ່, ຊ້ອນເຊື່ອງສານສົ່ງໃຫ້                       ເຄີຍນຳໃຊ້ຜ່ານມາ.

                              + ສື່ມວນຊົນ, ເປັນກຳລັງນຳໜ້າ                        ນຳພາວຽກແນວຄິດ

                                ມີຈິດໃຈທີ່ຜ່ອງໃສເປັນທຳ                              ເປັນຮ່ວງນຳເມືອງບ້ານ

                                ມີອຸດົມການ - ມີຫລັກໜັ້ນ                             ຈັນຍາບັນສູງສົ່ງ

                                ເພື່ອພົງພັນພີ່ນ້ອງ                                         ຊຸມເຊື້ອຊາດລາວ. ແທ້ນາ!

                              + ດຽວນີ້,​ ສື່ມວນຊົນລາວນັບມື້ກ້າວ                    ທັນຍຸກທັນສະໃໝ

                                 ທັງວ່ອງໄວທັນເຫດການ                                 ຍຸກຂ່າວສານສະໃໝນີ້

                                ຍຸກໄອທີ ຄ໋ອມພິວເຕິີ                                       ສັນຍານໄກໄປທົ່ວ

                                ທັງຕົວເມືອງ - ຊົນນະບົດ                                ເຂດພູຜາປ່າໄມ້

               ກໍ່ຊົມໃຊ້ບໍ່ຕ່າງກັນ.

                               + ສື່ສິ່ງພິມມີບໍ່ອັ້ນ                                            ຫລາຍແບບຫລາຍຊະນິດ

                                 ທັງລາຍວັນ - ລາຍອາທິດ                                 ແຈກຢາຍເຖິງບ້ານ

                                 ໃຜຕ້ອງການຮຽນຮູ້                                         ໃຫ້ລອງດູເປີດອ່ານ

                                 ໜັງສືພິມ - ວາລະສານ                                    ບໍລິການໃຫ້ທ່ານໃດ້

                ຊົມໃຊ້ຢ່າງສະບາຍ.

                                + ສື່ທາງສຽງ, ກໍ່ເກີດມີຫລາຍຄ້າຍ                     ຫລາຍແຫ່ງສະຖານີ

                                  ວິທະຍຸ, ທັງເອເອັມ - ເອັຟເອັມ                        ແຜ່ກະຈາຍຂະຫຍາຍກ້າວ

                                 ຢາກຟັງລຳ - ຟັງເພງນັ້ນ                                 ປະຊາສຳພັນ - ແຈ້ງຂ່າວ

                  ໂຄສົກມີ - ດີເຈພ້ອມ                                       ຟັງແລ້ວມ່ວນອີຫລີ

                                + ຄັນຢາກເຫັນຮູບພາບ                                 ກໍ່ໃຫ້ເບິ່ງທີວີ

                                ມີລາຍການດີດີ                                              ໃຫ້ເລືອກຊົມເຊຍໄດ້

                               ສື່ມວນຊົນເຮົາຈັດໃຫ້                                       ຕາມໃຈທຸກໆ ທ່ານ

                               ທັງຂໍ້ມູນ - ຂ່າວສານ                                        ການບັນເທີງສົ່ງໃຫ້

ຊົມໄດ້ຕະຫລອດວັນ.

                              + ນອກຈາກນັ້ນ                                                ຍັງມີສື່ອອນລາຍ

                 ຜູ້ທີ່ມີເງື່ອນໄຂ                                                 ກໍ່ເຂົ້າຊົມດູໄດ້

                               ໃຊ້ອີເມວ - ກູເກິ້ລ                                            ເຟັຊບຸກ - ຍຸກໃໝ່

                               ຈະກົດແຊ ຫລື ກົດໄລ້                                       ສົມຄວນໄດ້ໄຕ່ຕອງ ກ່ອນນາ !

                              + ສື່ມວນຊົນລາວຈົ່ງກ້າວເດີນໄປໜ້າ                  ຜ່ານຜ່າອຸປະສັກ

                                ພາຍໃຕ້ການນຳພາຂອງພັກ                             ທີ່ສ່ອງໃສໄຂແຈ້ງ

                                ມີພະລັງແຮງແຂງກ້າ                                       ນຳພາລາວໃຫ້ກ້າວເດັ່ນ

                                ເປັນຂະບວນຟົດຟື້ນ                                        ຜົນງານສ້າງພັດທະນາ. ຊອບແລ້ວ !

 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?