ໜ້າຫຼັກ >> ວຽກງານ 3 ສ້າງ >> ຫ້ອງການກະສິກຳ-ປ່າໄມ້ເມືອງທ່າແຂກ ມອບເຄື່ອງຄອມພິວເຕີໃຫ້ແກ່ບ້ານທ່າແຂກກາງ
ຫ້ອງການກະສິກຳ-ປ່າໄມ້ເມືອງທ່າແຂກ ມອບເຄື່ອງຄອມພິວເຕີໃຫ້ແກ່ບ້ານທ່າແຂກກາງ
ວັນທີ 25 ເມສາ 2013 - ເວລາ 14:10:17 ເບິ່ງ 1447 ຄຳເຫັນ 0

 

ເພື່ອເຮັດໃຫ້ການຈັດຕັ້ງປະຕິບັດວຽກງານ 3 ສ້າງຂອງບ້ານທ່າແຂກກາງ ເມືອງທ່າແຂກ ແຂວງ ຄຳມ່ວນໃຫ້ປະກົດຜົນເປັນຈິງຕາມລະດັບຄາດໝາຍ ແລະ ສະດວກຂຶ້ນຕື່ມ. ດັ່ງນັ້ນຫ້ອງການກະສິກຳ-ປ່າໄມ້ ເມືອງທ່າແຂກ ຈຶ່ງໄດ້ນຳເຄື່ອງຄອມພິວເຕີມາມອນໃຫ້ແກ່ອຳນາດການປົກຄອງບ້ານດັ່ງກ່າວ ເພື່ອ ຮັບໃຊ້ເຂົ້າໃນໜ້າທີ່ ວຽກງານການຈັດຕັ້ງປະຕິບັດວຽກງານ 3 ສ້າງ ແລະ ນຳໃຊ້ເຂົ້າໃນການບໍລິຫານ ດ້ານວຽກງານອື່ນໆ ຂອງບ້ານໃຫ້ມີຄວາມສະດວກສະບາຍ ແລະ ແທດເໝາະກັບໜ້າທີ່ວຽກງານຕົວຈິງ. ເຊິ່ງເຄື່ອງທີ່ນຳມາ ມອບໃນຄັ້ງນີ້ປະກອບມີ ຄອມພິວເຕີຈຳນວນ 1 ຊຸດ ພ້ອມເຄື່ອງພິມເອກະສານ 1 ໜ່ວຍ ລວມມີມູນຄ່າ ທັງໝົດ 4 ລ້ານກວ່າກີບ. ພິທີດັ່ງກ່າວແມ່ນໄດ້ຈັດຂຶ້ນໃນວັນທີ 24 ເມສາ 2013 ຢູ່ທີ່ຫ້ອງການ ປົກຄອງບ້ານທ່າແຂກກາງ. ເປັນກຽດມອບເຄື່ອງອຸປະກອນດັ່ງກ່າວໂດຍແມ່ນ ທ່ານ ສຸວັນນະຈັກ ແກ້ວຈັນທະລາ ຫົວໜ້າຫ້ອງການກະສິກຳ-ປ່າໄມ້ ປະຈຳເມືອງທ່າແຂກ ແລະ ກ່າວຮັບໂດຍທ່ານ ບຸນປັນ ສີບຸນເຮືອງ ນາຍບ້ານບ້ານທ່າແຂກກາງ. ໂດຍມີທ່ານ ຄຳແປງ ດວງລາຕີ ຮອງເຈົ້າເມືອງ ໆທ່າແຂກ, ມີບັນດາຕາງໜ້າຫ້ອງການອ້ອມຂ້າງເມືອງ, ອຳນາດການປົກຄອງບ້ານ ຕະຫຼອດເຖິງພໍ່ແມ່ປະຊາຊົນພາຍ ໃນບ້ານເຂົ້າຮ່ວມເປັນສັກຂີພິຍານ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?