ໜ້າຫຼັກ >> ວົງຈອນກິລາ >> ພະແນກ ຖວທ ແຂວງ ຄຳມ່ວນ ແລະ ເມືອງ ບົວລະພາຈັດການແຂ່ງຂັນກິລາມິດຕະພາບ
ພະແນກ ຖວທ ແຂວງ ຄຳມ່ວນ ແລະ ເມືອງ ບົວລະພາຈັດການແຂ່ງຂັນກິລາມິດຕະພາບ
ວັນທີ 15 ພຶດສະພາ 2015 - ເວລາ 16:08:29 ເບິ່ງ 1489 ຄຳເຫັນ 0

ການແຂ່ງຂັນກິລາມິດຕະພາບລະຫວ່າງພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງ ກັບ ຄະນະນຳ ເມືອງ ບົວລະພາ ໄດ້ຈັດຂຶ້ນໃນວັນທີ 14 ພຶດສະພາ 2015 ທີ່ເດີ່ນກິລາສຳນັກງານປົກຄອງເມືອງ ບົວລະພາ ໂດຍມີຄະນະພະແນກ ຖວທ ແຂວງນຳໂດຍ ທ່ານ ແສງທອງ ພະຄຸນທອງ ຫົວຫນ້າພະແນກຖະແຫລງຂ່າວ,ວັດທະນະທຳ ແລະ ທ່ອງທ່ຽວແຂວງ, ສ່ວນເມືອງ ບົວລະພານໍາໂດຍ ທ່ານ ຄຳເພົາ ທອງເທພາຮັກ ເຈົ້າເມືອງໆ ບົວລະພາ,​ ພ້ອມດ້ວຍນັກກິລາທັງສອງພາກສ່ວນເຂົ້າຮ່ວມ.

ຂະບວນການການແຂ່ງຂັນກິລາດັ່ງກ່າວແມ່ນໄດ້ແບ່ງອອກເປັນ 2 ປະເພດການແຂ່ງຂັນຄື : ກິລາບານເຕະຊາຍ, ແລະ ກິລາເປຕັງຊາຍ-ຍິງ, ເຊິ່ງພາຍໃນງານແມ່ນເຕັມໄປດ້ວຍບັນຍາກາດອັນຟົດຟື້ນມ່ວນຊື່ນ ຈາກສຽງກອງເຊຍຂອງທ່ານຜູ້ຊົມຂ້າງສະໝາມ,​ ຜ່ານການແຂ່ງຂັນຜົນປະກົດວ່າ : ສາມາດເອົາຊະນະທີມ ການນຳພະແນກ ຖວທ ແຂວງ,​ ສ່ວນກິລາເປຕັງຍິງແມ່ນທີມພະແນກ ຖວທ ແຂວງ ເອົາຊະນະ ເມືອງບົວລະພາ. ຈຸດປະສົງໃນການຈັດການແຂ່ງຂັນກິລາໃນຄັ້ງນີ້ກໍ່ເພື່ອເປັນການສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆ​ ຂອງຊາດ ຂອງແຂວງໂດຍສະເພາະກໍ່ແມ່ນຂໍ່ານັບຮັບຕ້ອນກອງປະຊຸມໃຫຍ່ອົງຄະນະພັກແຂວງຄຳມ່ວນຄັ້ງທີ IX ແລະ  ວັນສ້າງຕັ້ງສື່ມວນຊົນລາວຄົບຮອບ 65 ປີ ໃກ້ຈະມາເຖິງໃນມໍ່ໆ ນີ້. ທັງນີ້ກໍ່ເພື່ອເປັນການສ້າງສາຍພົວພັນລະຫວ່າງການນຳ ແລະ ພະນັກງງານລັດຖະກອນທັງສອງພາກສ່ວນໄດ້ມີຄວາມສາມັກຄີລຶ້ງເຄີຍພົບປະແລກປ່ຽນເຊິ່ງກັນ ແລະ ກັນ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?