ໜ້າຫຼັກ >> ວົງຈອນກິລາ >> ຕົ້ນຕານ ຄາລາໂອເກະມອບເຄື່ອງກິລາໃຫ້ແກ່ພະແນກ ຖວທ ແຂວງຄຳມ່ວນ.
ຕົ້ນຕານ ຄາລາໂອເກະມອບເຄື່ອງກິລາໃຫ້ແກ່ພະແນກ ຖວທ ແຂວງຄຳມ່ວນ.
ວັນທີ 12 ພຶດສະພາ 2015 - ເວລາ 11:28:35 ເບິ່ງ 795 ຄຳເຫັນ 0

ໃນວັນທີ 12 ພຶດສະພາ 2015  ທາງຜູ້ປະກອບການຕົ້ນຕານ (​ຄາລາໂອເກະ ) ໄດ້ນຳເອົາເຄື່ອງກິລາຈຳນວນ 24 ຊຸດ, ລວມມູນຄ່າທັງໝົດ 2 ລ້ານກວ່າກີບມາມອບໃຫ້ແກ່ ພະແນກ ຖວທ ແຂວງຄຳມ່ວນ. ເປັນກຽດກ່າວຮັບໂດຍ ທ່ານ ປັນຍາ ຈັນທະລາດ ຮອງຫົວ ໜ້າ ພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງ, ( ຜູ້ຊີ້ນຳວຽກງານອົງ ການຈັດຕັ້ງມະຫາຊົນ ) ກ່າວມອບ ໂດຍ ທ່ານ ບົວລີ ຊ້ວຍທະວີສຸກ ຜູ້ຈັດການຕົ້ນຕານຄາລາໂອເກະ,​ ພ້ອມພະນັກງງານວິ ຊາທີ່ກ່ຽວຂ້ອງເຂົ້າຮ່ວມເປັນສັກ ຂີພິຍານ.

ຈຸດປະສົງກໍ່ເພື່ອເປັນການປະກອບສ່ວນເຂົ້າໃນການເຄື່ອນໄຫວຂອງອົງການລັດ ເວົ້າສະເພາະກໍ່ຄືອົງການຈັດຕັ້ງ ມະຫາຊົນພາຍໃນພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງ ໃນການສ້າງຂະບວນການ ເພື່ອຂໍ່ານັບຮັບ ຕ້ອນກອງປະຊຸມໃຫຍ່ຄັ້ງທີ IX ຂອງອົງຄະນະພັກແຂວງ, ວັນສື່ມ່ວນຊົນລາວຄົບຮອບ 65 ປີ ແລະ ວັນກຳມະກອນສາ ກົນຄົບຮອບ 129 ປີ. ໃນໂອກາດດຽວກັນທາງຜູ້ປະກອບການຕົ້ນຕານ ( ຄາລາໂອເກະ ) ຍັງໄດ້ຖືໂອກາດດັ່ງກ່າວນຳເອົາ ກະຕ່າຂອງຂວັນເຂົ້າອວຍພອນປີໃໝ່ 2558 ໃຫ້ແກ່ຄະນະພະແນກ ຖວທ ແຂວງ ເພື່ອເປັນການຢຽ້ມຢາມຖາມຂ່າວ ແລະ ຮູ້ບຸນຄຸນມາຍັງ ຄະນະພະແນກ ເຊິ່ງວຽກງານດັ່ງກ່າວແມ່ນຢູ່ພາຍໃຕ້ການຄຸ້ມຄອງຂອງພະແນກ ຖວທ ແຂວງ ຕາງໜ້າຄະນະພະແນກໂດຍ ທ່ານ ປັນຍາ ຈັນທະລາດ ໄດ້ກ່າວສະແດງຄວາມຂອບໃຈ ອວຍພອນມາຍັງຜູ້ປະກອບການ ຈົ່ງປະສົບຜົນສຳເລັດໃນການດຳເນີນທຸລະກິດ ພາຍໃຕ້ ຄວາມເປັນລະບຽບ ແລະ ຖືກຕ້ອງຕາມກົດໝາຍທີ່ພັກ - ລັດ ວາງອອກ,​ທັງນີ້ກໍ່ເພື່ອເປັນການສ້າງຄວາມສາມັກຄີລື້ງເຄີຍລະຫວ່າງຜູ້ປະກອບການຕົ້ນຕານ ແລະ ພະແນກ ຖວທ ອີກ ດ້ວຍ. 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?