ໜ້າຫຼັກ >> ວົງຈອນກິລາ >> ພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງຄຳມ່ວນ ຮ່ວມກັບບໍລິສັດພອນທະວີ ສ້າງຂະບວນການແຂ່ງຂັນກິລາ ເພື່ອຂໍ່ານັບຮັບຕ້ອນວັນສຳຄັນຕ່າງໆ ຂອງຊາດ.
ພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງຄຳມ່ວນ ຮ່ວມກັບບໍລິສັດພອນທະວີ ສ້າງຂະບວນການແຂ່ງຂັນກິລາ ເພື່ອຂໍ່ານັບຮັບຕ້ອນວັນສຳຄັນຕ່າງໆ ຂອງຊາດ.
ວັນທີ 08 ພຶດສະພາ 2015 - ເວລາ 12:43:05 ເບິ່ງ 989 ຄຳເຫັນ 0

ການແຂ່ງຂັນກິລາຟຸດຊໍມິດຕະພາບລະຫວ່າງພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງ ກັບ ບໍ ລິສັດພອນທະວີ ( ຄອມພິວເຕີ ) ແມ່ນໄດ້ຈັດຂຶ້ນໃນຕອນຄໍ່າຂອງວັນທີ 7 ພຶດສະພາ 2015 ນີ້ ທີ່ເດີນກິລາພອນທະວີ ໂດຍມີຄະນະພະແນກນຳທີມໂດຍ ທ່ານ ປັນຍາ ຈັນທະລາດ ຮອງຫົວໜ້າພະແນກຖະແຫລງຂ່າວ ວັດທະນະທຳ ແລະ ທ່ອງທ່ຽວແຂວງ, ພ້ອມພະນັກງງານວິຊາການພາຍໃນພະແນກ  ແລະ ທ່ານ ວິໄລສັກ ຈຽມສະກຸນ ຫົວໜ້າບໍລິສັດດັ່ງກ່າວ ພ້ອມດ້ວຍນັກກິລາທັງສອງພາກສ່ວນເຂົ້າຮ່ວມ.

ການແຂ່ງຂັນນັດທຳອິດທີມພອນທະວີ ( ຄອມພິວເຕີ້ ) ນຳຄະແນນໄປກ່ອນ 4 ປະຕູຕໍ່ 3 , ​ນັດທີສອງທີມພະ ແນກ ຖວທ ໄດ້ປັບປ່ຽນຜູ້ຫລິ້ນ,​ ພ້ອມທັງໄດ້ກຳລັງໃຈຈາກກອງເຊຍ ແລະ ທ່ານຜູ້ຊົມທາງຂ້າງສະໜາມສາມາດ ຕີສະເໝີໄດ້ 10 ປະຕູຕໍ່ 10. ຈຸດປະສົງໃນການຈັດການແຂ່ງຂັນກິລາຟຸດຊໍໃນຄັ້ງນີ້ກໍ່ເພື່ອເປັນການສ້າງຂະບວນການ ຂໍ່ານັບ ຮັບຕ້ອນວັນສຳ ຄັນຕ່າງໆ​ ຂອງຊາດ ໂດຍສະເພາະກໍ່ແມ່ນສະເຫລີມສະຫລອງວັນກຳມະກອນສາກົນຄົບຮອບ 129 ປີ , ຂໍ່ານັບຮັບຕ້ອນ ກອງປະຊຸມໃຫຍ່ອົງຄະນະພັກແຂວງຄຳມ່ວນຄັ້ງທີ IX ແລະ  ວັນສ້າງຕັ້ງສື່ມວນຊົນລາວຄົບຮອບ 65 ປີ ໃກ້ຈະ ມາເຖິງ ໃນມໍ່ໆ ນີ້. ທັງນີ້ກໍ່ເພື່ອເປັນການສ້າງໃຫ້ພະນັກງງານລັດຖະກອນ ແລະ ພາກສ່ວນບໍລິສັດ ໄດ້ມີຄວາມ ສາມັກຄີສະໜິດແໜ້ນພົບປະແລກປ່ຽນເຊິ່ງກັນ ແລະ ກັນ.

ໃນໂອກາດດຽວກັນນີ້ທາງບໍລິສັດພອນທະວີ ( ຄອມພິວເຕີ້ ) ຍັງໄດ້ມອບຊຸດກິລາໃຫ້ແກ່ພະແນກ ຖວທ ຈຳນວນ 25 ຊຸດໃນມູນຄ່າ 1 ລ້ານກວ່າກີບ ເປັນກຽດກ່າວຮັບໂດຍ ທ່ານ ປັນຍາ ຈັນທະລາດ ແລະ ກ່າວມອບໂດຍ ທ່ານ ວິໄລສັກ ຈຽມ ສະກຸນ. 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?