ໜ້າຫຼັກ >> >> ເມືອງໜອງບົກຮັບຮອງ 5 ບ້ານເປັນບ້ານວັດທະນະທຳ
ເມືອງໜອງບົກຮັບຮອງ 5 ບ້ານເປັນບ້ານວັດທະນະທຳ
ວັນທີ 29 ພະຈິກ 2012 - ເວລາ 10:22:40 ເບິ່ງ 2752 ຄຳເຫັນ 7

 

ບ້ານສອງເໝືອງໃຕ້, ຊຽງຫວາງທົ່ງ, ຊຽງຫວາງ, ໜອງປາຫຼາດ ແລະ ບ້ານດົງຍາງ ແມ່ນກຸ່ມບ້ານໜຶ່ງທີ່ຂຶ້ນກັບເມືອງໜອງບົກ ແຂວງຄຳມ່ວນ ມີເນື້ອທີ່ທັງໝົດ 1.470,27 ເຮັກຕາ, ມີ 695 ຄອບຄົວ, ພົນລະເມືອງທັງໝົດ 4.024 ຄົນ, ຍິງ 2.139 ຄົນ, ຕັ້ງແຕ່ໃດມາປະຊາຊົນທັງ 5 ບ້ານໄດ້ມີມູນເຊື້ອອອກແຮງງານເພີ້ມພູນຜະລິດຜົນຫາລ້ຽງກຸ້ມຕົນເອງດ້ວຍຄວາມດຸໝັ່ນຫ້າວຫັນ, ມີຄວາມສາມັກຄີຮັກແພງ, ຮັກປະເທດຊາດ ແລະ ບ້ານເກີດເມືອງນອນຂອງຕົນເອງ ປະຊາຊົນຍຶດຖືອາຊີບເຮັດນາເປັນຕົ້ນຕໍ, ປູກຝັງ ແລະ ລ້ຽງສັດເປັນອາຊີບສຳຮອງ. ໂດຍຜ່ານການຈັດຕັ້ງປະຕິບັດແຕ່ລະບາດກ້າວມາເຖິງປະຈຸບັນ ທັງ 5 ບ້ານ ມີເງື່ອນໄຂຄົບຖ້ວນທີ່ຈະປະກາດເປັນບ້ານວັດທະນະທຳ ເຊິ່ງມັນໄດ້ສະແດງອອກຄື: ສາມາດປະກາດເປັນບ້ານປອດຄະດີ, ບ້ານແມ່ຍິງ 3 ດີ, ບ້ານສາທາລະນະສຸກແບບຢ່າງ, ເດັກທີ່ມີເກນອາຍຸ 15-45 ປີໄດ້ເຂົ້າຮຽນ 100% ແລະ ໄດ້ມອບໃບຢັ້ງຢືນຄອບຄົວວັດທະນະທຳແລ້ວ 638 ຄອບຄົວ ກວມເອົາ 91,05% ຂອງຄອບຄົວທັງໝົດ. ມາເຖິງປະຈຸບັນຈຶ່ງສາມາດປະກາດເປັນບ້ານວັດທະນະທຳບ້ານທີ 25-29 ຂອງເມືອງໜອງບົກ ແລະ ເປັນບ້ານທີ 171-175 ຂອງແຂວງຄຳມ່ວນໃນວັນທີ 22 ພະຈິກ 2012 ຢູ່ທີ່ເດີ່ນໂຮງຮຽນມັດທະຍົມຕົ້ນສອງ ເໝືອງໃຕ້ ໂດຍການເຂົ້າຮ່ວມພິທີ ແລະ ເປີດປ້າຍ, ລັ່ນຄ້ອງ 9 ບາດປະກາດເອົາບ້ານສອງເໝືອງໃຕ້, ຊຽງຫວາງທົ່ງ, ຊຽງຫວາງ, ໜອງປາຫຼາດ ແລະ ບ້ານດົງຍາງ ເປັນບ້ານວັດທະນະທຳຢ່າງເປັນທາງການຂອງທ່ານ ດຣ ສະເຫຼີມສັກ ແກ້ວຈັນທະລາ ຮອງເຈົ້າເມືອງ ໆໜອງບົກ, ທ່ານ ບຸນທຳ ທຳມະວົງ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຄຳມ່ວນ, ມີບັນດາຄະ ນະພັກຮາກຖານ, ອຳນາດການປົກຄອງບ້ານ ຕະຫຼອດເຖິງພໍ່ແມ່ປະຊາຊົນທັງ 5 ບ້ານເຂົ້າຮ່ວມ. ນອກຈາກນີ້ ທັງ 5 ບ້ານດັ່ງກ່າວຍັງມີແຜນທີ່ຈະປະກາດເປັນບ້ານພັດທະນາໃນມໍ່ໆນີ້.

ຊື່ຜູ້ຂຽນ: ດ​ຣ.ໂອ​ໄດ ສໍ​ປະ​ເສີດ - IP: 103.1.30.xxx

​ຂ້າ​ພະ​ເຈົ້າ​ດີ​ໃຈ​ຫຼາຍ​ທີ່​ແຂວງ​ພວກ​ເຮົາ​ມີ ເວບ​ໄຊ​ນີ້​ເພາະ​ເປັນ​ການ​ເອ​ກະ​ອ້າງວ່າ​ແຂວງ​ເຮົາ​ກໍ​ເປັນ​ແຂວງ​ໜື່ງ​ມີ​ຄວາມ​ທັນ​ສະ​ໄໝ ເຮັດ​ໃຫ້​ຊາວ​ເຮົາ​ໄດ້​ເຫັນ​ການ​ເຄື່ອນ​ໄຫວ​ອັນ​ດີ​ງາມ​ຂອງ​ແຂວງ​ເຮົາ​ພ້ອມນັ້ນ​ຊາວ​ໂລກ​ກໍ​ຈະ​ໄດ້​ເຫັນ​ວ່າ​ແຂວງ​ເຮົາ​ກໍ​ຄື​ປະ​ເທດ​ເຮົາ​ກໍ​ບໍ່​ນ້ອຍ​ໜ້າ​ກັບ​ບັນ​ດາ​ປະ​ເທດ​ອື່ນ​. ຂ້​າພະ​ເຈົ້າ​ຄິດ​ວ່າການ​ເຄື່ອນ​ໄຫວ​ຂອງວຽກ​ພວກ​ເຮົາ​ກໍ​ຄື​ວຽກ​ງານ​ສາ​ທາ​ລະ​ນະ​ສຸກ​ກໍ​ຈະ​ໄດ້​ສະ​ແດງ​ໃຫ້​ຫຼາຍ​ພາກ​ສ່ວນ​ຮັບ​ຮູ້. 

  ສະ​ເໜີ​ແຈ້ງ​ໃຫ້​ຮູ້​ວ່າ ແຂວງ​ພວກ​ເຮົາ​ໄດ້​ເປີດ​ບໍ​ລິ​ການ​ໃນ​ການ​ປິ່ນ​ປົວ ແລະ ດູ​ແລ​ຜູ້​ຕິດ​ເຊືອ​ເຮັດ​ສໄອ​ວີ​ແລ້ວ ພວກ​ເຮົາ​ຈະ​ໄດ້​ເລີ້ມ​ໂອນ​ຄົນ​ເຈັບ​ໃນ​ຕົ້ນ​ເດືອນ ເມ​ສາ 2013. ປະ​ຈະ​ບັນ​ພວກ​ເຮົາ​ກຳ​ລັງ​ກະ​ກຽມ​ໂດຽ​ຈັດ​ລະ​ບົບ​ພາຍ​ໃນ​ຕຶກ​ໂດຽ​ແມ່ນ​ທິມ​ງານ​ແຂວງ​ສະ​ຫວັນ​ນະ​ເຂດ​ເປັນ​ຜູ່​ມາ​ຊ່ວຍ. ຖ້າ​ທາງ​ພວກ​ສ່າວ​ຂ່າວ​ຢາກ​ຮູ້​ລະ​ອຽດ​ປະ​ສານ​ສົມ​ທົບ​ກັບ​ພວກ​ເຮົາ​ໄດ້.

. ( ຜິດ​ພາກ​ປະ​ການ​ໃດ ຂໍ​ອະ​ໄພ)

ຂອບ​ໃຈ

 

ຊື່ຜູ້ຂຽນ: vice editor of khammouane website - IP: 115.84.90.xxx

            ຂ້າພະເຈົ້າຊື່ທ່ານ ແດງສະຫວັດ ແສນພານິດ ໃນນາມເປັນນັກຂ່າວກໍ່ຄືບັນນາທິການເວັບໄຊ ຂ່າວ ທ້ອງຖິ່ນຮູ້ສຶກພາກພູມໃຈເປັນຢ່າງຍິ່ງທີ່ມີຜູ້ອ່ານໄດ້ສົ່ງຄໍາຄິດເຫັນອັນເປັນ ປະໂຫຍດຢ່າງຍິ່ງ  ເພື່ ອ ປະກອບ ສ່ວນອັນສໍາຄັນເຮັດໃຫ້ວຽກງານຂ່າວເຊິ່ງເປັນວຽກຂອງທົ່ວປວງຊົນ ໄດ້ຮັບການປັບ ປຸງ ແກ້ໄຂ ໄປສູ່ບາດ ກ້າວໃໝ່ອັນເປັນບາດກ້າວທີ່ມີການຂະຫຍາຍຕົວທັງທາງດ້ານປະລິມານ ແລະ ຄຸນນະພາບ , ຂ້າພະເຈົ້າຂໍ ສະແດງຄວາມຂອບໃຈຢ່າງຈິງໃຈມາຍັງທ່ານອີກຄັ້ງນຶ່ງທີ່ໄດ້ມີສ່ວນຮ່ວມໃນ ການຈັດຕັ້ງປະຕິບັດວຽກງານຂອງພວກເຮົາ ແລະ ທີມງານ .

      ຫວັງຢ່າງຍິ່ງວ່າໃນໂອກາດຕໍ່ໄປພວກເຮົາຈະໄດ້ສືບຕໍ່ຮ່ວມມືກັນໃຫ້ຫຼາຍກ່ວາເກົ່າເປັນຕົ້ນແມ່ນການ

ໂຄສະນາວຽກງານໂຄງການປະສານງານຕ້ານຢູ່ຂັ້ນທ້ອງຖິ່ນຂອງພວກເຮົາ .

                                                                                  

 

ຊື່ຜູ້ຂຽນ: editor - IP: 115.84.95.xxx

Our team shall going on for developing on the future .

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?