ໜ້າຫຼັກ >> ພັດທະນາຊົນນະບົດ >> ການເຄື່ອນໄຫວສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ ຢູ່ບ້ານປຸ່ງເໜືອມີບາດກ້າວໃຫມ່
ການເຄື່ອນໄຫວສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ ຢູ່ບ້ານປຸ່ງເໜືອມີບາດກ້າວໃຫມ່
ວັນທີ 23 ເມສາ 2013 - ເວລາ 15:26:43 ເບິ່ງ 1748 ຄຳເຫັນ 1

 

ໂດຍປະຕິບັດຕາມຄຳສັ່ງແນະນຳຂອງກົມການເມືອງສູນກາງພັກສະບັບເລກທີ 03/ກມສພ ວັນ ທີ 30 ພຶດສະພາ 2011 ວ່າດ້ວຍການສ້າງບ້ານເປັນຫົວໜ່ວຍພັດທະນາ, ສ້າງບ້ານໃຫຍ່ໃຫ້ກາຍເປັນ ຕົວເມືອງນ້ອຍໃນຊົນນະບົດ, ມະຕິຕົກລົງຂອງຄະນະປະຈຳພັກແຂວງຄຳມ່ວນເລກທີ 214/ຄນຈຄມ ວັນທີ 2 ຕຸລາ 2010 ວ່າດ້ວຍການແຕ່ງຕັ້ງຄະນະຊີ້ນຳ ແລະ ກອງເລຂາໃນການຊຸກຍູ້ສ້າງ ບ້ານປຸ່ງ ເໜືອ ເມືອງຫີນບູນ ໃຫ້ກາຍເປັນຕົວເມືອງນ້ອຍໃນຊົນນະບົດ, ຂໍ້ຕົກລົງຂອງເຈົ້າເມືອງໆຫີນບູນ ເລກ ທີ 0187/ຈມຫບ ລົງ​ວັນ​ທີ 2.10.2012 ວ່າດ້ວຍການຮັບຮອງເອົາການບ້ານປຸງເໜືອໃຫ້ເປັນຕົວເມືອງນ້ອຍໃນຊົນນະບົດ, ໃນມາດຕະຖານຄວາມທຸກຍາກ ແລະ ມາດຕະຖານການພັດທະນາໄລຍະປີ 2012-2015 ໄດ້ກຳນົດວ່າ: ບ້ານໃຫຍ່ກາຍເປັນຕົວເມືອງນ້ອຍໃນຊົນນະບົດ ແມ່ນບ້ານທີ່ບັນລຸເງື່ອນໄຂໃນການພັດ ທະນາດັ່ງນີ້: 1 ຕ້ອງແມ່ນບ້ານພັດທະນາ, 2 ມີເສັ້ນທາງຄົມມະນາຄົມເຂົ້າເຖິງບ້ານ ແລະ ທຽວໄດ້ ຕະຫລອດປີຢ່າງສະດວກ, ເຊື່ອມຈອດເຖິງເມືອງອ້ອມຂ້າງ, 3 ມີພື້ນຖານການຜະລິດ ແລະ ປຸງແຕ່ງ ເປັນສິນຄ້າທີ່ໝັ້ນຄົງ, 4 ມີຕະຫລາດຖາວອນມີການຊື້ຂາຍເປັນປະຈຳ, 5 ມີສູນບໍລິການໄປສະນີ ຫລື ຄົມມະນາຄົມ, 6 ມີໜ່ວຍບໍລິການທະນາຄານ ຫລື ໜ່ວຍບໍລິການເງິນຈຸລະພາກໃດໜຶ່ງ, 7 ມີໜ່ວຍ ຫລື ສູນບໍລິການເຕັກນິກກະສິກຳ ແລະ ປ່າໄມ້, 8 ມີສຸກສາລາ ຫລື ໂຮງໝໍນ້ອຍ, 9 ມີລະບົບນ້ຳປະປາຊຸມຊົນ, 10 ມີໄຟຟ້າຊົມໃຊ້, 11 ມີໂຮງຮຽນປະຖົມ, ມັດທະຍົມ ແລະ 12 ບ້ານຢູ່ໃນຊົນນະບົດພູດອຍມີພົນລະເມືອງແຕ່ໜຶ່ງພັນຄົນຂຶ້ນໄປ ຜູ້ຂຽນໄດ້ມີໂອກາດເດີນທາງເພື່ອເຂົ້າຮ່ວມພິ ທີສະຫລຸບ ແລະ ປະເມີນຜົນກ່ຽວກັບການກໍ່ສ້າງບ້ານປຸ່ງເໜືອເມືອງຫີນບູນໃຫ້ກາຍເປັນຕົວເມືອງນ້ອຍໃນຊົນນະບົດເຊິ່ງພິທີໄດ້ຈັດຂຶ້ນແຕ່ວັນທີ 2 ເມສາ 2013 ຜ່ານມາທີ່ສະໂມສອນຂອງບ້ານດັ່ງກ່າວ ໂດຍມີທ່ານ ໂອໄດ ສຸດາພອນ ຮອງເລຂາພັກແຂວງ, ຮອງເຈົ້າແຂວງໆຄຳມ່ວນຜູ້ຊີ້ນຳວຽກງານພັດ ທະນາຊົນນະບົດ ແລະ ລຶບລ້າງຄວາມທຸກຍາກຂັ້ນແຂວງທ່ານ ອວນມາ ຂັນຕິຍະວົງ ເຈົ້າເມືອງໆຫີນ ບູນ, ພ້ອມດ້ວຍຄະນະພັກຮາກຖານ, ອຳນາດການປົກຄອງບ້ານເຂົ້າຮ່ວມ.

      ທ່ານ ລຳພອນ ອວນສີສົມພູ ກຳມະການພັກເມືອງ, ຄະນະຊີ້ນຳຜູ້ປະຈຳການການກໍ່ສ້າງບ້ານປຸ່ງເໜືອໃຫ້ກາຍເປັນຕົວເມືອງໃນຊົນນະບົດກ່າວລາຍງານຕໍ່ກອງປະຊຸມວ່າ: ບ້ານປຸ່ງເໜືອ ຕັ້ງຢູ່ທິດ  ເໜືອຂອງເມືອງຫີນບູນປະມານ 46 ກິໂລແມັດ, ທິດເໜືອຕິດກັບບ້ານນາເໜືອ ແລະ ບ້ານຫ້ວຍກະ ຊະທິດໃຕ້ຕິດກັບບ້ານດອນລັບ, ທິດຕາເວັນອອກຕິດກັບບ້ານທ່າສົ້ມໂຮງ ແລະ ບ້ານຫຼວຍຕິ້ວ, ທິດ ຕາເວັນຕົກຕິດກັບແມ່ນ້ຳຂອງບ້ານດັ່ງກ່າວມີເນື້ອທີ່ທັງໝົດ 35 ຕາຕະລາງກິໂລແມັດ, ມີພົນລະ ເມືອງ1.404 ຄົນ, ຍິງ 759 ຄົນ, ມີ 348 ຄອບຄົວ, ມີ 309 ຫລັງຄາເຮືອນ ປະຊາຊົນຖືສາສະໜາ ພຸດ, ຍຶດຖືອາຊີບປູກຝັງລ້ຽງສັດເປັນຕົ້ນຕໍ ບ້ານປຸ່ງເໜືອມີ 1 ຄະນະພັກຮາກຖານ, ມີ 3 ໜ່ວຍພັກ, ມີສະ ມາຊິກພັກພັກ 44 ສະຫາຍ, ຍິງ 11 ສະຫາຍ, ສະມາຊິກພັກສົມບູນ 32 ສະຫາຍ, ຍິງ 7 ສະ ຫາຍ, ມີສະມາຊິກຊາວໜຸ່ມ 25 ສະຫາຍ, ຍິງ 2 ຄົນ, ສະຫະພັນແມ່ຍິງ 241 ຄົນ, ດ້ານການຜະ ລິດກະສິກຳມີເນື້ອທີ່ນາປີ 405 ເຮັກຕາ, ສະມັດຕະພາບການຜະລິດ 3 ໂຕນຕໍ່ເຮັກຕາ, ມີເນື້ອທີ່ ປູກຢາງພາລາ 315 ເຮັກຕາ, ໃນນັ້ນໄດ້ກີດຢາງແລ້ວ 35 ເຮັກຕາ, ພາຍຫລັງແຂວງ ແລະ ເມືອງ ໄດ້ຮັບຮອງເອົາບ້ານປຸ່ງເໜືອເປັນຈຸດສຸມກໍ່ສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດແຕ່ ວັນທີ 10/9/2012 ເຖິງວັນທີ 28/2/2013 ຄະນະຊີ້ນຳຂັ້ນແຂວງ ແລະ ເມືອງໄດ້ມີການປັບປຸງທາງ ດ້ານລະບົບການເມືອງພາຍໃນບ້ານໃຫ້ມີຄວາມໜັກແໜ້ນເຂັ້ມແຂງໃຫ້ສາມາດເປັນຕົວແບບໃຫ້ແກ່ບ້ານ ອື່ນໆໄດ້; ດຳເນີນການສຶກສາອົບຮົມປະຊາຊົນໃຫ້ມີຄວາມຕື່ນຕົວທາງດ້ານການເມືອງ, ປັບປຸງກໍ່ສ້າງ ວິທີການດຳລົງຊີວິດໃຫ້ຕິດພັນກັບການຜະລິດເປັນສິນຄ້າ, ຕິດພັນກັບການຕະຫລາດ, ( ໃຫ້ຄືກັບຄົນ ຢູ່ໃນຕົວເມືອງ ) ປັບປຸງກໍ່ສ້າງບັນດາພື້ນຖານໂຄງລ່າງຂອງບ້ານໃຫ້ຄືກັບຕົວເມືອງທາງດ້ານອົງການ ຈັດຕັ້ງພັກໄດ້ສຳເລັດການກວດກາການດຳເນີນຊີວິດພັກ, ສຳເລັດກອງປະຊຸມໃຫຍ່ຂັ້ນໜ່ວຍ, ຂັ້ນຮາກ ຖານພັກ ແລະ ໄດ້ສຳເລັດການຂຽນແຜນສ້າງໜ່ວຍພັກແຂງ-ຮູ້ນຳພາຮອບດ້ານວຽກງານຊາວໜຸ່ມ ປະຊາຊົນປະຕິວັດລາວໄດ້ສຳເລັດການດຳເນີນຊີວິດການເມືອງຂັ້ນໜ່ວຍ, ປັບປຸງການຈັດຕັ້ງ, ເຜີຍແຜ່ ສິດໜ້າທີ່ພາລະບົດບາດ ແລະ ກົດລະບຽບຂອງຊາວໜຸ່ມ, ອົງການຈັດຕັ້ງແມ່ຍິງ, ແນວລາວສ້າງ ຊາດໄດ້ມີການປັບປຸງລະບົບການຈັດຕັ້ງຄືນໃໝ່, ສິດໜ້າທີ່ ແລະ ພາລະບົດບາດ ອຳນາດການປົກ ຄອງບ້ານ, ໄດ້ມີການປັບປຸງໂຄງປະກອບການຈັດຕັ້ງຄືນໃໝ່ເຜີຍແຜ່ພາລະບົດບາດ, ສິດໜ້າທີ່ໃຫ້ແຕ່ ລະອົງການຈັດຕັ້ງ ແລະ ໄດ້ນຳພາການເຄື່ອນໄຫວຢ່າງຕໍ່ເນື່ອງ ແລະ ໄດ້ຊອກຫາແຫລ່ງທຶນຈຳ ນວນໜຶ່ງເພື່ອມາກໍ່ສ້າງຫ້ອງການຂອງແຕ່ລະການຈັດຕັ້ງເປັນຕົ້ນແມ່ນ ຫ້ອງການບ້ານ, ຫ້ອງການ ແລະ ເຮືອນພັກກອງຫລອນ, ຫ້ອງການ ປ.ກ.ສ ບ້ານ ທາງດ້ານການພັດທະນາ ແລະ ການກໍ່ສ້າງ ພື້ນຖານໂຄງລ່າງໄດ້ສຳເລັດການສຳຫລວດອອກແບບ, ຄິດໄລ່ມູນຄ່າກໍ່ສ້າງ ແລະ ຍົກລະດັບເສັ້ນ ທາງຊອຍພາຍໃນບ້ານ, ການກໍ່ສ້າງລະບົບນ້ຳປະປາຊຸມຊົນ ມາຮອດປະຈຸບັນໄດ້ສຳເລັດການສຳ ຫລວດອອກແບບ, ຄິດໄລ່ມູນຄ່າການກໍ່ສາງ ແລະ ເຈາະບໍ່ນ້ຳບາດານ ແລະ ກໍ່ສ້າງວາງທໍ່ນ້ຳປະປາ, ການກໍ່ສ້າງຕະຫລາດຊຸມຊົນໄດ້ສຳເລັດການຖົມດິນ, ປັບໜ້າດິນ, ຖອກເສົາເທຄານ, ການກໍ່ສ້າງສະ ໂມສອນຂອງບ້ານດ້ວຍທຶນລະດົມຈາກຫລາຍພາກສ່ວນທັງພາກລັດ ແລະ ເອກະຊົນ, ພໍ່ແມ່ປະຊາຊົນ ເປັນເງິນສົດ ແລະ ວັດຖຸໄດ້ແລ້ວ 174.743.000 ກີບ ເຊິ່ງໂຄງການດັ່ງກ່າວໄດ້ສຳເລັດແລ້ວປະມານ 75% ສຳເລັດການສ້ອມແປງລັງຄາໂຮງຮຽນມັດທະຍົມ ແລະ ເຮືອນຂອງຄູ.

      ໃນການສະຫລຸບປະເມີນຜົນຂອງບ້ານປຸ່ງເໜືອ ໃນການກໍ່ສ້າງໃຫ້ກາຍເປັນຕົວເມືອງນ້ອຍໃນ ຊົນນະບົດນີ້ການປະເມີນຄັ້ງນີ້ບ້ານປຸ່ງເໜືອຍັງຈະຕ້ອງໄດ້ປັບປຸງຕື່ມອີກບາງມາດຕະຖານ ຈຶ່ງຈະເປັນ ບ້ານພັດທະນາຢ່າງເຕັມຮູບແບບຕາມ 12 ເງື່ອນໄຂມາດຕະຖານ ເປັນຕົ້ນຕ້ອງໄດ້ປັບປຸງຄືນຄື: ລະ ບົບການຈັດຕັ້ງພາຍໃນບ້ານຕ້ອງໃຫ້ມີຄວາມໜັກແໜ້ນເຂັ້ມແຂງ, ປະຊາຊົນຕ້ອງມີຄວາມຕື່ນຕົວທາງ ດ້ານການເມືອງ,ຕ້ອງເຮັດໃຫ້ກາຍເປັນບ້ານແບບຢ່າງປ້ອງກັນຊາດ-ປ້ອງກັນຄວາມສະຫງົບ, ເປັນບ້ານ ທີ່ປອດຄະດີ, ປອດຢາເສບຕິດ ແລະ ເປັນບ້ານທີມີຄວາມສາມັກຄີເປັນປຶກແຜ່ນຮັກສາໄດ້ບົດບາດ ສິດສະເໝີພາບ ຍິງ-ຊາຍ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?