ໜ້າຫຼັກ >> ຊີວິດວັດທະນະທໍາ >> ພະແນກສຶກສາທິການ ແລະ ກິລາແຂວງຄຳມ່ວນ ຄັດເລືອກໄດ້ແລ້ວຕົວແທນນາງສາວເຂົ້າປະກາດນາງສັງຂານປີ 2558.
ພະແນກສຶກສາທິການ ແລະ ກິລາແຂວງຄຳມ່ວນ ຄັດເລືອກໄດ້ແລ້ວຕົວແທນນາງສາວເຂົ້າປະກາດນາງສັງຂານປີ 2558.
ວັນທີ 31 ມີນາ 2015 - ເວລາ 14:44:58 ເບິ່ງ 987 ຄຳເຫັນ 0

ໂດຍປະຕິບັດຕາມແຈ້ງການຂອງທ່ານເຈົ້າເມືອງທ່າແຂກໃນການຈັດຫານາງສັງຂານ ພ.ສ 2558 ທີ່ໃກ້ຈະໜູນ ວຽນມາຮອດອີກວາລະໜຶ່ງ. ໃນວັນທີ 31 ມີນາ 2015 ຢູ່ທີ່ພະແນກສຶກສາທິການ ແລະ ກິລາແຂວງ. ເປັນກຽດເຂົ້າຮ່ວມ ມີທ່ານ ບຸນປອນ ທອງສຸວັນນະລາດ ຮອງຫົວໜ້າພະແນກສຶກສາທິການ ແລະ ກິລາ, ທ່ານ ແສງເພັດ ຄຳສຸກຖາວົງ ຮອງ ເຈົ້າເມືອງໆ ທ່າແຂກ, ທ່ານ ຮອງຫົວໜ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ,​ ຄະນະກຳມະການ, ຕະຫລອດຮອດພາກສ່ວນກ່ຽວຂ້ອງເຂົ້າຮ່ວມ.

ພິທີປະກວດຄັ້ງນີ້ມີຜູ້ເຂົ້າປະກວດຈາກໂຮງຮຽນແຫ່ງຕ່າງໆ ຈຳນວນ 9 ນາງສາວ, ໃນນັ້ນຈະໄດ້ຄັດເລືອກເອົາ  1 ນາງສາວ ເພື່ອເປັນຕົວແທນນາງສັງຂານຂອງພະແນກສຶກສາທິການ ແລະ ກິລາແຂວງ. ຜ່ານການຂັດເລືອກເປັນເວລາເຄິ່ງ ວັນຈາກທາງຄະນະກຳມະການ, ດ້ວຍການຖາມ - ຕອບຄວາມຮູ້ຮອບຕົວ ແລະ ໄຫວພິກ ລວມທັງສຽງກອງເຊຍ ຂອງທ່ານຜູ້ຊົມຜົນປະກົດວ່າໝາຍເລກ 01 ນາງ ສາວ ປາລີນາ ຄຳພາສຸກ ມາຈາກໂຮງຮຽນມໍປາຍທ່າແຂກໄດ້ອັນດັບ 1. ສາມາດເອົາຊະນະໃຈກຳມະການ ແລະ ທ່ານຜູ້ຊົມທີ່ເຂົ້າຮ່ວມໄດ້ຮັບເງິນສົດ  5 ລ້ານກີບ, ເປັນກຽດມອບໂດຍແມ່ນທ່ານ ບຸນປອນ ທອງສຸວັນນະລາດ.

ສະເພາະການປະກວດນາງສັງຂານ ພ.ສ 2558 ປີນີ້ທາງແຂວງຄຳມ່ວນແມ່ນຈະໄດ້ມີຕົວແທນຈາກ 7 ພະແນກ ການເຂົ້າຮ່ວມໃນການຂັດເລືອກ ໃນນັ້ນຈະໄດ້ຂັດເລືອກອີກເທື່ອ 1 ໂດຍແມ່ນ 1 ໃນ 7 ນາງສາວທີ່ຈະແມ່ນນາງສັງຂານ. 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?