ໜ້າຫຼັກ >> ວົງຈອນກິລາ >> ແຂ່ງຂັນເຕະບານມິດຕະພາບລະຫວ່າງ ກັບພະແນກ ປທສ ຄຳມ່ວນ ແລະ ສະຫວັນນະເຂດ
ແຂ່ງຂັນເຕະບານມິດຕະພາບລະຫວ່າງ ກັບພະແນກ ປທສ ຄຳມ່ວນ ແລະ ສະຫວັນນະເຂດ
ວັນທີ 31 ມີນາ 2015 - ເວລາ 11:21:48 ເບິ່ງ 948 ຄຳເຫັນ 0

ໃນຕອນ​ແລງ​ຂອງ​ວັນ​ທີ 27 ມີນາ ຜ່ານ​ມາ​ທີ່​ເດີ່ນ​ບານ​ພະ​ເນ​ດ ແຂວງ​ສະຫວັນ​ນະ​ເຂດ ໄດ້ມີການແຂ່ງຂັນບານເຕະນັດພິເສດຂຶ້ນລະຫວ່າງພະແນກ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ແຂວງຄຳມ່ວນ ກັບພະແນກ ປທສ ແຂວງສະຫວັນນະເຂດ. ຈຸດປະສົງ ກໍ່ເພື່ອສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 60 ປີ (22 ມີນາ 1955-22 ມີນາ 2015) ແລະ ເພື່ອເຮັດໃຫ້ພະນັກງານ ທັງສອງພາກສ່ວນໄດ້ສ້າງຄວາມສາມັກຄີຮ່ວມກັນ ໂດຍສະເພາະກໍ່ແມ່ນການປະສານງານເຊິ່ງກັນ ແລະ ກັນໄດ້ງ່າຍຂຶ້ນໃນຕໍ່ໜ້າ, ພ້ອມດຽວກັນນັ້ນກໍ່ຍັງໄດ້ເປັນການແລກປ່ຽນບົດຮຽນການປະຕິບັດໜ້າທີ່ວຽກງານພາຍໃນຂະ ແໜງການໄປສະນີ, ໂທລະຄົມມະນາຄົມ ແລະ ການສື່ສານ ນຳອີກດ້ວຍ.

ຊຶ່ງເກມການແຂ່ງຂັນ ທັງສອງພາກສ່ວນແມ່ນຫຼິ້ນດ້ວຍບັນຍາກາດອັນຄຶກຄື້ນບົນຈິດໃຈມ່ວນຊື່ນສະໝານສາມັກຄີ ແລະ ມິດຕະພາບອັນໄດ້ເຮັດໃຫ້ກອງເຊຍທັງສອງທີມໄດ້ເຊຍກັນແບບສຸດມັນກ່ອນຈະຈົບເກມ, ໂດຍຜົນການແຂ່ງຂັນແມ່ນທາງພະແນກ ປທສ ຄຳມ່ວນ ສາມາດເອົາຊະນະ ພະ​ແນ​ກ ປທສ ສະຫວັນ​ນະ​ເຂດໄປໄດ້ 7-5 ປະຕູ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?