ຕົບມື
ວັນທີ 19 ສິງຫາ 2014 - ເວລາ 09:21:51 ເບິ່ງ 1272 ຄຳເຫັນ 0

ສ່ຽວບ້ານນອກມາ​ປະຊຸມ​ຢູ່​ໃນ​ເມືອງ​ເລີຍ​ມາ​ພໍ້​​ສ່ຽວ​ໃນ​ເມືອງ​ເພາະວ່າ​ບໍ່​ໄດ້​ພົບ​ກັນ​ມາ​ຫຼາຍ​ປີ​ແລ້ວ​ພໍ​ມາ​ພົບ​ກັນ​ກໍ່ຖາມ​ຂ່າວ​ຄາວ​ຄວາມ​ສຸກທຸກ​ເປັນ​ແນວ​ໃດ​ຄອບຄົວ​ສະບາຍດີ​ບໍ.

ສ່ຽວ​ໃນ​ເມືອງ : ຄັນ​ຊັ້ນ​ໃນ​ມື້​ອື່ນ​ນີ້​ເຮົາ​ຊິ​ພາ​ສ່ຽວ​ໄປ​ເປີດ​ຫູ​ເປີດ​ຕາ​ໄປ​ເບິ່ງ​ການສະ​ແດງ​ສິລະ​ປະ​ວັນນະຄະດີ​ທີ່​ທາງ​ເມືອງ​ຈັດ​ຂຶ້ນ. ​ແລ້ວ​ສ່ຽວຈິ່ງ​ເມືອ​ບ້ານ​ເດີ.

ສ່ຽວ​ບ້ານນອກ : ​ເຮົາ​ອາຍ​ເຮົາ​ບໍ່ກ້າ​ໄປ​ເພາະວ່າ​ເຮົາ​ເປັນ​ຄົນ​ບ້ານ​ນອກບ້ານ​ນາ.

ພໍ​​ໄປຮອດງານ​ແລ້ວ​ກໍ​ໄດ້​ຮັບ​ຊົມ​ການສະ​ແດງ​ສິລະ​ປະ​ວັນນະຄະດີ​ທີ່​ມີ​​ຫຼາຍ​ລາຍການ ​ ​ ສຽງ​ຕົບມື​ດັງ​ສະ​ນັ່ນ​ຫວັນ​ໄຫວ.

ສ່ຽວ​ໃນ​ເມືອງ : ​​ເປັນ​ຫຍັງ​ສ່ຽວ​ບໍ່​ຕົບມື​ບໍ່​ມ່ວນ​ບໍ,​ເຮົາ​ຊິ​ບອກ​ສ່ຽວ​ເດີ​ເຮັດ​ຫຍັງ​ກໍ່​ຕາມ​ຖ້າວ່າມັນ​ມ່ວນ ​ແລະ ຖືກ​ໃຈ​ໃຫ້​ສ່ຽວ​ນັ້ນ​ຕົບ​ມື ​ແລະ ສະ​ແດງ​ຄວາມ​ດີ​ໃຈ​ໂລດ.

ສ່ຽວ​ບ້ານນອກ : ​ໄດ້​ຍິນ​ສ່ຽວ​ເວົ້າ​ຄື​ແບບ​ນີ້​ ​ເມື່ອ​ການສະ​ແດງ​ຈົບ​ໄປ​ແມ່ນ​ຕົບມື​ດີ​ໃຈ​ມ່ວນ​ຫຼາຍ.

ພາຍຫຼັງ​ທີ່​ກັບ​ເມືອ​ບ້ານ ກໍ່​ໄດ້​ເວົ້າ​ສູ່​ເອື້ອຍ​ນ້ອງ​ແມ່ຍິງຟັງ​ຖ້າວ່າ​ເຮັດ​ຫຍັງ​ກໍ່​ຕາມ​ຫາກ​ຖືກ​ໃຈ ​ແລະ ມ່ວນ ​ແມ່ນ​ໃຫ້​ຕົບມື​ເດີ. ດັ່ງ​ນັ້ນ​ພໍ​ຕົກ​ເດິກ​ມາ​ພາຍ​ໃນໝູ່​ບ້ານ​ດັ່ງກ່າວ​ແມ່ນ​ຍິນ​ແຕ່​ສຽງ​ຕົບມື​ດັງ​ສະ​ນັ່ນທົ່ວ​ບ້ານ ( ຖືກ​ໃຈ ​ແລະ ມ່ວນ​ຫຼາຍ​ຕ້ອງ​ຕົບມື ).

ນາມປາກກາ : ຖິ່ນເຂົ້າໜົມປ່ານ

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?