ໜ້າຫຼັກ >> ເລື່ອງມ່ວນຊວນຫົວ >> ຝັນຖືກແຕ່ຊື້ຜິດ
ຝັນຖືກແຕ່ຊື້ຜິດ
ວັນທີ 19 ສິງຫາ 2014 - ເວລາ 09:14:48 ເບິ່ງ 1419 ຄຳເຫັນ 0

ສອງຜົວ​ເມຍ​ເລົ່າ​ຄວາມ​ຝັນ​ສູ່​ກັນ​ຟັງ​ເພາະວ່າ​ມື້​ນີ້​ເລກ​ອອກ​ໄດ.

ຜົວ : ມື້​ຄືນ​ນີ້​ຂ້ອຍ​ຝັນ​ເຫັນ​ເລກ​ 3 ໂຕ​ແດງໆ​ໄດ​ເມຍ​ເອີຍ​ເບິ່ງ​ຄື​ເລກ 551.

ເມຍ : ຂ້ອຍ​ກໍ່​ຝັນ​ເຫັນ​ໝາ​ກ່ານ​ເຮົາ​ໄດ້​ລູກ 5 ​ໂຕ.

ຜົວ : ຄັນ​ຊັ້ນ​ຂ້ອຍ​ຊິ​ຊື້​ເລກ 3 ​ໂຕ 551 ນີ້ ປ່ອງ 50.000 ກີບ.​ເລກ 2 ​ໂຕ ຊິ​ຊື້​ໝົດ​ນາມປ່ອງ​ລະ 50.000 ກີບ.ລວມ​ເປັນ​ເງິນ​ກໍ່​ພໍດີ 200.000 ກີບ ​ເນາະ.

ພໍ​ຄໍ່າ​ມາ​ກຽມ​ຊິ​ອອກ​ໄປ​ຊື້​ເລກ ສ່ຽວຂ້າງ​ເຮືອນ​ເລີຍ​ເອີ້ນ​ໃສ່​ວ່າ​ຊິ​ໄປ​ໃສ​ກໍ​ເລີຍ​ຕອບ​ວ່າ​​ເຮົາ​ຊິ​ໄປ​ຊື້​ເລກ​ໝາ ​ໂຕ​ຝັນ​ດີ​ບໍ.ພໍ​ໄປ​ຮອດ​ຮ້ານ​ຂາຍ​ເລກ.

ຄົນ​ຂາຍ​ເລກ​ : ອ້າຍ​ຊື້​ເລກ​ຫຍັງ​ບໍ?.

ອ້າຍ : ຢາກ​ຊື້​ເລກ​ໝາ​ໄດ,​ເອີ​ມື້​ນີ້​ຄົນ​ຊື້​ເລກ​ຫຍັງ​ຫຼາຍ​ເນາະ.

ຄົນຂາຍ​ເລກ : ​ເຫັນ​ເຂົາ​ເຈົ້າ​ຊື້​ເລກ​ແມງ​ມູມ 533 ຫຼາຍ​​ແທ້ໄດ.

ພໍ່​ເຖົ້າອົດ : ​ຊື້​​ເລກ 533 ປ່ອງ​ດຽວ 50.000 ກີບ.​ເປັນ​ເລກ​ດັງ​ເອົາ​ມາ​ແຕ່​ໃຕ້​ເຂົາ​ຖືກ 2 ງວດ​ແລ້ວ.

ອ້າຍ : ຄັນ​ຊັ້ນ​ກໍ່​ຊື້​​ເລກຄື​ພໍ່​ເຖົ້າ​ອົດ​ເດີ ​ເລກ 3 ​ໂຕ ກໍ່​ເອົາ​ຫຼັກ 5 ​ເລກ 2 ​ໂຕ ກໍ່​ເອົາ​ໝົດ​ນາມ.

ຄົນຂາຍ​ເລກ : ອ່າວ​ອ້າຍ​ບໍ່​ເອົາ​ບໍ​ເລກ​ໝາ.

ອ້າຍ : ບໍ່​ຊື້​ດ໋ອກ​ເລກ​ໝາ​ອ້າຍ​ຝັນ​ບໍ່​ຢາກ​ຄິວ.

ພາຍຫຼັງ​ຊື້​ເລກ​ແລ້ວ​ກໍ່​ກັບ​ເມືອ​ເຮືອນ​ແລະ​ບໍ່​ໄດ້​ເວົ້າ​ສູ່​ເມຍ​ຟັງ​ເລີຍ,ພໍ​ຮອດ​ເວລາ​ເລກ​ອອກ​​ໄດ້​ຍິນ​ສຽງ​ໂຮ່ດັງ​ຂຶ້ນ​ມາ​ຈາກ​ເຮືອນ​ສ່ຽວ​ກໍ່​ເລີຍ​ຖາມ​ວ່າ​​ເລກ​ອອກ​ຫຍັງ.​ເລກ​ອອກ 551 ​ໄດ​.ໂຕ​ຖືກ​ບໍ,ບໍ່​ກັນ​ຊື້ເລກ 533 ​ເລກ​ທີ່ເຂົາ​ສູດ.                        

ນາມປາກກາ : ຖິ່ນເຂົ້າໜົມປ່ານ

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?