ໜ້າຫຼັກ >> ວຽກງານ 3 ສ້າງ >> ກອງເລຂາຄະນະຮັບຜິດຊອບວຽກງານ 3 ສ້າງ ພະແນກສາທາລະນະສຸກແຂວງຄຳມ່ວນໄດ້ລົງເຄື່ອນໄຫວໂຄສະນາ ແລະ ພົບປະໂອ້ລົມກັບປະຊາຊົນຢູ່ບ້ານທົ່ງຂາມ ເມືອງບົວລະພາ
ກອງເລຂາຄະນະຮັບຜິດຊອບວຽກງານ 3 ສ້າງ ພະແນກສາທາລະນະສຸກແຂວງຄຳມ່ວນໄດ້ລົງເຄື່ອນໄຫວໂຄສະນາ ແລະ ພົບປະໂອ້ລົມກັບປະຊາຊົນຢູ່ບ້ານທົ່ງຂາມ ເມືອງບົວລະພາ
ວັນທີ 02 ເມສາ 2013 - ເວລາ 12:06:09 ເບິ່ງ 1477 ຄຳເຫັນ 1

 

 

      ໃນຕອນແລງຂອງວັນທີ 12 ມີນາ 2013 ທີມງານໂຄສະນາຂອງພະແນກສາທາລະນະສຸກແຂວງຄຳ ມ່ວນໄດ້ລົງເຄື່ອນໄຫວໂຄສະນາ ແລະ ພົບປະໂອ້ລົມກັບອຳນາດການປົກຄອງ ແລະ ພໍ່ແມ່ປະຊາຊົນຢູ່ໃນເຂດ ບ້ານທົ່ງຂາມເມືອງບົວລະພາ ເຊິ່ງສະຖານທີ່ໃນການພົບປະໂອ້ລົມແມ່ນຢູ່ເດີ່ນໂຮງຮຽນປະຖົມບ້ານທົ່ງຂາມໂດຍ ມີອຳນາດການປົກຄອງ ແລະ ພໍ່ແມ່ປະຊາຊົນເຂົ້າຮ່ວມໃນພິທີດັ່ງກ່າວຈຳນວນ 500 ກວ່າຄົນ.

      ທ່ານ ພອນໄຊ ທຳມະແສນ ນາຍບ້ານໆທົ່ງຂາມກໍ່ໄດ້ລາຍງານສະພາບຄວາມເປັນມາຂອງບ້ານ ແລະ ການເຄື່ອນໄຫວວຽກງານ 3 ສ້າງໃນໄລຍະຜ່ານມາເຊິ່ງບ້ານທົ່ງຂາມກໍ່ແມ່ນໜຶ່ງໃນຈຳນວນ 2 ບ້ານຂອງບ້ານ 3 ສ້າງເມືອງບົວລະພາເຊິ່ງໄດ້ໂຮມເອົາ 5 ບ້ານເຂົ້າມາເປັນບ້ານທົ່ງຂາມ. ສະເພາະວຽກງານສາທາລະນະສຸກ ກໍ່ໄດ້ມີການເຄື່ອນໄຫວດ້ວຍການສ້າງຂະບວນການອານາໄມ 3 ສະອາດ ຢູ່ໃນແຕ່ລະບ້ານຈາກນັ້ນທ່ານ ດຣ ໂສດາໄລ ອ່ອນນະວົງ ກອງເລຂາວຽກງານ 3 ສ້າງຂອງພະແນກສາທາລະນະສຸກແຂວງກໍ່ໄດ້ປະກອບ ຄຳເຫັນ ໂດຍເນັ້ນໃສ່ການສ້າງບ້ານແບບຢ່າງສາທາລະນະສຸກໃຫ້ໄດ້ 100% ຈາກເຮັດໄດ້ແນວນັ້ນປະຊາຊົນຕ້ອງໄດ້ປະ ກອບສ່ວນຢ່າງແຂງແຮງເຂົ້າໃນວຽກງານດັ່ງກ່າວ ພ້ອມທັງປຸກລະດົມໃຫ້ປະຊາຊົນໄດ້ເຂົ້າໃຈຮູ້ການຮັກສາຂອງ ເຂົາເຈົ້າເອງໃນຕອນທ້າຍທ່ານ ໝໍສອນໄຊ ຍາພັນທຸລາດ ຫົວໜ້າສຸຂະສຶກສາແຂວງກໍ່ໄດ້ໃຫ້ຄວາມຮູ້ກ່ຽວກັບ ວຽກງານອານາໄມ 3 ສະອາດ, ວຽກງານອານາໄມສິ່ງແວດລ້ອມ, ການປົກປັກຮັກສາວິດຖ່າຍ, ແຫລ່ງນ້ຳ ແລະ ຊົມສາລະຄະດີການປ້ອງກັນພະຍາດຕ່າງໆເມື່ອມາຮອດຕອນເຊົ້າຂອງວັນທີ 14 ມີນາ 2013 ໃນແຕ່ລະບ້ານກໍ່ ໄດ້ສ້າງຂະບວນການເຮັດອານາໄມຕາມເດີ່ນບ້ານເຮືອນຊານ, ຕາມຖະໜົນຫົນທາງໂດຍການນຳພາຂອງນັກສຶກ ສາຝຶກງານມາຈາກມະຫາວິທະຍາໄລວິທະຍາສາດສຸຂະພາບຈຳນວນ 16 ຄົນ ທີ່ປະຈຳຢູ່ແຕ່ລະບ້ານ.

                                                                                                                                                                             ຂ່າວ :  ທ່ານ ສອນໄຊ ຍາພັນທຸລາດ

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?