ໜ້າຫຼັກ >> ກະວີຊາວບ້ານ >> ຕຸລານີ້ມີຄວາມໝາຍ
ຕຸລານີ້ມີຄວາມໝາຍ
ວັນທີ 16 ຕຸລາ 2013 - ເວລາ 11:07:07 ເບິ່ງ 1272 ຄຳເຫັນ 1

                                                                ຕຸລານີ້ມີຄວາມໝາຍ

                                      ໂດຍ: ຖິ່ນ​ໄດ​ໂນ​ເສົາ

                                                                   ​ເດືອ​ນຕຸລາ​ວ່າ​ນີ້                     ຄວາມໝາຍ​ເລິກ​ເຫລືອ​ຫລາຍ

                                                                   ຝັງ​ເລິກ​ໃນ​ຈົດ​ຈຳ                   ບໍ່ລະ​ລືມ​ຫລົງ​ໄດ້

                                                                  ທາງ​ຈິດ​ໃຈຈຳຈີ້                       ທ່ອງ​ຈຳ​ຢ່າງ​ຖ້ວນ​ຖີ່​

                                                                 ຄວາມໝາຍມີ​ແນ່​ແທ້            ບໍ່​ແປ​ປີ້ນປ່ຽນ​ໄປ

                                                                ປະຫວັດ​​ໄຂຂານ​ແຈ້ງ                ຖະ​ແຫລ​ງຜ່ານ​ສື່ສານ

                                                               ວັນ​ສຳຄັນ​ຂອງ​ລາວ                   ບໍ່ອາດ​ສູນ​ເສຍສິ້ນ

                                                               ກາຍ​ເປັນ​ວັນ​ວິ​ໄລ​ເລີດ               ເສີມ​ຂະຫຍາຍ​ໃຫ້​ຍິ່ງ​ໃຫຍ່

                                                              ຄວາມ​ຈິງ​ໄຂ​ວ່າ​ເວົ້າ       ​              ເອົາ​ໃຫ້​ແຈ້ງ​ແຈ່ມ​ແຈງ

                                                              ຄວາມ​ເຂັ້ມ​ແຂງ​ກ່ອນກີ້              ປີ 54 ລາວ​ສະຫລອງ

                                                             ທີ 12 ຕຸລາ             ​                     ເປັນ​ເລີກ​ງາມ​ຍາມ​ແກ້ວ

                                                             ທຸກ​ຖັນ​ແຖວ​ທັງ​ຄ້າຍ                  ສະຫລອງ​ໄຊ​ເອກະລາດ

                                                            ປະກາດ​ດັງ​ກວມ​ກ້ອງ      ​             ໂລກາ​ຮູ້​ຮ່ຳ​ເຫັນ

                                                            ​ເປັນຄວາມໝາຍຂຽນຂີດ​ໄວ້  ​     ໄຊຊະນະ​ຂອງ​ລາວ

                                                            ຊາວ​ປະຊາ​ຮ່ວມ​ໃຈ        ​               ເຂັ້ມ​ແຂງ​ຂະຫຍາຍ​ກວ້າງ

                                                            ທວງ​ເອົາ​ສິດ​ຄືນ​ຄອບ                  ຄຸ້ມ​ຄອງ​ເອກະລາດ​

                                                           ຍາດ​ຜືນ​ແຜ່ນດິນ ​ແລະ ​ແມ່ນ້ຳ    ມາ​ຄືນ​ເຂົ້າສູ່​ລາວ

                                                           7 ຕຸລາ​ຈົບ​ຈວບ​ເຂົ້າ                      ກຳນົດ​ກ່າວ​ເປັນ​ວັນ​ຄູ

                                                          ຜູ້​ບຸກບືນ​ພາລະໜັກ                    ຖ່າຍ​ທອດ​ສອນຄວາມຮູ້

                                                          ນາຍຄູ​ຄຳ​ຄາວ​ກີ້                          ບຸນຄຸນ​ມີ​ຍິ່ງ​ໃຫຍ່

                                                          ວິລະ​ກຳ​ຈາລຶກ​ໄວ້              ​           ໃຫ້​ເຫັນ​ຮູ້​ສືບ​ຕໍ່ມາ

​                                                          ເດືອນ​ຕຸລາ​ວ່າ​ເວົ້າ                      ສຳຄັນ​ຍິ່ງ​ສຸດ​ແສນ

                                                          ທົ່ວ​ທຸກ​ແດນ​ດິນ​ລາວ                ຮັບ​ຮູ້​ຈິງ​ເຫັນ​ແຈ້ງ

                                                         ຮ່ວມ​ຖະ​ແຫລ​ງຂະຫຍາຍ​ກວ້າງ    ວັນ​ປະກາດ​ເອກະລາດ

                                                         ທັງ​ວັນ​ຄູ​ແຫ່ງ​ຊາດ​ເຊື້ອ                ​ເຊື່ອມ​ຊຶມ​ໄວ້​ບໍ່ຫ່າງ​ຫາຍ ທ່ານ​ເອີຍ !

ຊື່ຜູ້ຂຽນ: Lauren - IP: 190.74.126.xxx Me dull. You smart. That's just what I nedede.
ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?