ໜ້າຫຼັກ >> ກະວີຊາວບ້ານ >> ຄິດຮອດການແຂ່ງຂັນເຮືອຍາວ
ຄິດຮອດການແຂ່ງຂັນເຮືອຍາວ
ວັນທີ 16 ຕຸລາ 2013 - ເວລາ 10:48:12 ເບິ່ງ 1116 ຄຳເຫັນ 1

ຄິດ​ຮອດ​ການ​ແຂ່ງຂັນ​ເຮືອ​ຍາວ

     ​                                               ໂດຍ: ຖິ່ນ​ໄດ​ໂນ​ເສົາ

                                                                                           ອອກ​ພັນ​ສາ​ໄດ້​ຕ່າວ​ຍ້າຍ               ກາຍ​ຜ່ານ​ເລີຍ​ມາ

                                                                                           ພາບ​ຕິດ​ຕາ​ຈົດ​ຈຳ                        ກໍ່ຫາກ​ຫວນ​ເຫັນ​ໄດ້​

                                                                                           ຄາວ​ເມື່ອ​ໄປ​ພານ​ພໍ້                       ປະ​ເພນີ​ບຸນ​ໃຫຍ່

                                                                                          ອອກ​ພັນ​ສາ​ໄຫລ​ເຮືອ​ໄຟ                ທັງ​ເຮືອ​ຍາວ​ຊ່ວງ​ເຊີ້ງ

                                                                                                                                                ຫລາຍ​ລຳ​ເຂົ້າ​ແຂ່ງຂັນ

                                                                                          ວັນນັ້ນຈຳ​ຈື່​ໄດ້                              ຮຽມນັ່ງ​ລຽບ​ແລວ​ແຄມ

                                                                                         ສາຍ​ນ້ຳຂອງ​ໄຫລ​ພັດ                    ສາດ​ກະ​ແສ​ຟອງ​ຟົ້ງ

                                                                                         ຝົນ​ກໍ່ລົງ​ລິນ​ຍ້ອຍ                        ກໍ່ຍັງ​ຄອຍ​ກັ້ງຄັນ​ຮົ່ມ

                                                                                        ສົມ​ຢາກ​ມາ​ພົບພໍ້                ​        ເຮືອ​ຍາວ​ເຊີ້ງຊ່ວງ​ເສັງ

                                                                                        ຝົນ​ກໍ​ເທັງໆທຶ້ນ                            ບໍ່ນານ​ກໍ​ເຫີ​ຍຈາງ

                                                                                       ທາງ​ໂຄສົກ​ສົ່ງສຽງ                       ຕາ​ຍິ່ງ​ຍໍ​ແຫງນ​ຈ້ອງ​

                                                                                      ສອງ​ສາມ​ລຳລຽນລ້າຍ         ​         ແນມ​ເຫັນ​ໄກ​ພໍ​ແມໜີ່

                                                                                     ສາຍ​ນະທີ​ຍວກ​ເຍືອກ​ຄື້ນ             ສີພາຍ​ພ້ອມ​ແຂ່ງຂັນ

                                                                                    ສຽງທຸງ​ປັດ​ສະບັ້ນ                         ສັນຍານ​ບອກ​ເປີດ​ແປນ

                                                                                    ຍໍ​ຍົກ​ແຂນ​ພຽນພາຍ                   ອອກ​ເຮືອ​ແຮງ​ສຸດ​ກັ້ນ

                                                                                    ສຽງ​ເນືອງ​ນັນ​ປະສານ​ກ້ອງ          ຝັ່ງ​ນ້ຳຂອງ​ນອງ​ນັ່ນ

                                                                                    ຕົບມື​ຫັນ​ໂຮ່ຮ້ອງ               ​          ໂຢະ​ເຢາະ​ເຕັ້ງພ່ຳກັນ

                                                                                   ​ເຖິງ​ຮອບ​ຊິງ​ກໍ​ຍິ່ງ​ອັ້ນ                   ໝາຍປັນ​ປ່ອງ​ແລ​ເຫັນ

                                                                                   ຜູ້​ເຕ້ຍ​ຕ່ຳ​ແສນ​ລຳ​ເຄັນ             ​ເບິ່ງ​ບໍ່​ເຫັນ​ແສນ​ຄ້ອຍ

                                                                                   ຫາກ​ມີ​ຄົນ​ຄອຍ​ອູ້ມ                    ກໍ່ຍັງ​ໄຄ​ໄດ້​ແລ​ເບິ່ງ

                                                                                   ​ເຮືອ​ເຊີ້ງ​ເສັງ​ຊ່ວງ​ແລ້ວ               ກໍ​ແຕກ​ຄ້າຍ​ຝ່າຍໜີ

                                                                                   ​ແຄມ​ຝັ່ງ​ຂອງຄາວ​ນີ້                  ​ເຫລືອ​ໄວ້​ແຕ່​ຖົງ​ຢາງ

                                                                                  ຮ່າງ​ເຮືອ​ໄຟ​ລອຍ​ລຳ                    ກໍ​ຈອດ​ຈົມ​ແຄມ​ນ້ຳ

                                                                                  ມາ​ນັ່ງ​ແນມ​ເຫັນ​ແລ້ວ              ຄິດ​ຮອດ​ເດ​ເຮືອ​ຊ່ວງ

                                                                                  ອີກ​ບໍ່ນານ​ຄົງ​ພົບ​ພໍ້             ​    ໃຈ​ຈະຕັ້ງຕໍ່ຄອຍ ​ເຈົ້າ​ເດ !

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?