ໜ້າຫຼັກ >> ກະວີຊາວບ້ານ >> ຂາດເຂີນ ບໍ່ແມ່ນທຸກຍາກ
ຂາດເຂີນ ບໍ່ແມ່ນທຸກຍາກ
ວັນທີ 14 ຕຸລາ 2013 - ເວລາ 08:36:41 ເບິ່ງ 1353 ຄຳເຫັນ 0

ບົດ: ສາຍອູ່ເກີດ

v    ບູນຮານວ່າ: ທຸກມື້ນີເສື້ອຜ້າ      ຝາເຮືອນດີພໍລີ້ຢູ່

ທຸກບໍ່ມີເຂົ້າຢູ່ທ້ອງ                   ນອນດາຍລ້າຢູ່ບໍ່ເປັນ

ຄັນເຂົ້າມີປາພ້ອມ                    ຈອມດອຍກະພໍຢູ່

ເຂົ້າມີແມ່ສີເຮືອນບໍ່ພ້ອມ               ຈອມແກ້ວຢູ່ບໍ່ເປັນ  ວ່າເດ !

v    ກ່ອນນີ້: ຮຽມໄດ້ໄປຮອດກ້ຳ       ນາກາຍ ຕໍ່ ບົວລະພາ

ພາກສະໜາມສອງຕົວເມືອງ            ບ່ອນອຸດົມສົມບູນດ້ວຍ

ມວນລຸກຂາພັນໄມ້                   ລາຄາສູງເລີດຄ່າ

ຈອມຜາສູງສຽດຟ້າ                   ພູຫລວງນ້າວເນັ່ງຍາວ

v    ຄາວສະໄໝການຕໍ່ສູ້            ສອງຊາດຄູ່ຄຽງຂະໜານ

ລາວ-ຫວຽດນາມສາມັກຄີ              ບໍ່ຫ່າງໜີມູນເຊື້ອ

ປຸນປຽບພູຫລວງຕັ້ງ                  ຫລັງຄາດຽວຮ່ວມຢູ່

ກອບກູ້ຊາດໃຫ້ພົ້ນ                  ເປັນເມືອງຂຶ້ນຕ່າງແດນ

v    ແຕ່ວ່າ:      ຄວາມຍາກແຄ້ນ        ຍັງເຂີນຂາດບໍ່ພຽງພໍ

ຫລັງສົງຄາມທຳລາຍ                 ຖິ່ນຖານຖືກເພມ້າງ

ໜັກໜ່ວງປົວແປງສ້າງ                ການຟື້ນຟູຊີວິດໃໝ່

ລະເບີດຍັງບໍ່ແຕກຄ້າງ                ຕາມດົງກວ້າງເຂດທົ່ງນາ

v    ຄວາມຂາດເຂີນຍັງສະທ້ອນ       ທຳມະຊາດເບົາບາງ

ເມືອງນາກາຍກວມເຖິງ               ປ່າສະຫງວນໜາແໜ້ນ

ອ່າງເທີນ 2 ເຂື່ອນໄຟຟ້າ             ພະລັງງານສູງສົ່ງ

ການຮັກສາຕົ້ນນ້ຳ                    ກັບຮັກສາປ່າໄມ້ບໍ່ທຳຮ້າຍ ຈູດເຜົາ

v    ເຂດນີ້: ພູມລຳເນົາໝູ່ບ້ານ        ເປັນພື້ນທີ່ພູດອຍ

ເຂດນາຫາວ - ນາວາງ               ຕໍ່ເຂດເຕີງຕອງກວ້າງ

ທ່າໝາກເຟືອງມີນ້ຳ                  ເຊອອນໄຫລຜ່ານ

ຮອດເຂດທ່າໄຜ່ບ້ານ                  ປະສານສ້າງພັດທະນາ

v    ອະນຸລັກປ່າໄມ້                 ເອົາໃຈໃສ່ທົ່ວປວງຊົນ

ພັດທະນາການສຶກສາ                 ກໍ່ສ້າງສຸກສາລາພ້ອມ

ແພດໝໍນຳສະໜອງໃຫ້               ປະກັນ​ໄພຕ້ານ​ພະຍາດ

ນ້ຳສະ​ອາດ​ກໍ່ສ້າງ                    ບາ​ດານ​ຕັ້ງ​ໂຕ່ງ​ລິນ

v    ກໍ່ກຫາກ​ຍິນ​ດີ​ດ້ວຍ   ​           ໂຄງການ​ຫລວງ​ເອົາ​ໃຈ​ໃສ່

​ໃຫ້​ຊີວິດ​ສົດ​ໃສ​                           ຫວ່ງ​​ໄຍ​ທັງ​ປົກ​ປ້ອງ

ສອດຄ່ອງ​ກົນ​ໄກ​ສ້າງ                 ​ແຜນ​ປັບປຸງ​ຊີວິດ​ໃໝ່

​ໂຮມ​ບ້ານ​ນ້ອຍ​ເປັນ​ບ້ານ​ໃຫຍ່           ​ເຂດ​ພູດ​ອຍສຳ​ເລັດ​ລ້ວນ

                                ຂະ​ບວນກ້າວ​ວ່ອງ​ໄວ

v    ​ໃນ​ຕົວ​ເມືອງ​ຝ່າຍ​ເບື້ອງ          ຕາ​ເວັນ​ອອກ​ ບົວລະພາ

ກໍ່ຫາກ​ມີ​ອະ​ນາ​ຄົດ                   ຄວາມ​ຮັ່ງມີ​ຍັງ​ຝັງ​ຊ້ອນ

ຊັບ​ໃນ​ດິນ​ສິນ​ໃນ​ນ້ຳ                  ພູຜາ​ຫີນໜາມໜໍ່

ມີ​ພູ ​ເຫລັກ ກົ່ວ ​ແກ້ວ                      ສີ​ລາ​ເຫລື້ອມດັ່ງ​ນິນ

v    ບົວ​ລະ​ພາ​ມີ​ທີ່​ຕັ້ງ              ສອງ​ສາມ​ເຂດ​ຈຸດ​ສຸມ

ພວມ​ປຸ້ມລຸມ​ລົງ​ເລິກ                  ຮ່ວມ​ປະສານ​ສາມ​ສ້າງ

ຈະ​ແລດ ໜອງປີງ​ບ້ານ               ພູດ​ອຍຍັງ​ຄອຍ​ຢູ່

ຖ້ຳນ້ຳລອດ​ເຊບັ້ງ​ໄຟ                  ຂຸນ​ເຊໜອງຫຍ້າ​ມ້າ

                                ບ່ອນ​ເປັນໜ້າທ່ຽວຊົມ

v    ດຽວນີ້: ສອງ​ເມືອງ​ມີ​ທ່າ​ກ້າວ       ພ້ອມ​ນ້າວ​ລັ່ນ​ກົນ​ໄກ

4 ​ເປົ້າໝາຍບຸກທະລຸ                 ວຽກງານ​ສາມ​ສ້າງ

​ເສດຖະກິດ-ສັງຄົມ​ເຕື້ອງ               ມີ​ສີສັນ​ໂສມໜ້າ​ໃໝ່

ທຸກໜ້າວຽກ​ເອົາ​ໃຈ​ໃສ່                 ​ເຮັດ​ອີ່ຫລີ​ຜົນ​ໄດ້​ຮັບ​ດັ່ງ​ຄາດ​ໄວ້

  ຄວາມ​ລຳ​ບາກ​ຍາກ​ໄຮ້ໜີຈ້ອຍ​ຈາກ​ຖິ່ນ​ດອຍ​ແທ້ໜາ !

 

 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?