ໜ້າຫຼັກ >> ຂ່າວຈາກຕ່າງເມືອງ >> ເມືອງມະຫາໄຊປະກາດຮັບຮອງເອົາບ້ານເວີນ,ບ້ານນາທານ ແລະ ບ້ານອີ່ລານເປັນບ້ານວັດທະນະທຳ
ເມືອງມະຫາໄຊປະກາດຮັບຮອງເອົາບ້ານເວີນ,ບ້ານນາທານ ແລະ ບ້ານອີ່ລານເປັນບ້ານວັດທະນະທຳ
ວັນທີ 04 ມີນາ 2013 - ເວລາ 15:36:41 ເບິ່ງ 2072 ຄຳເຫັນ 1

 

 

      ໂດຍປະຕິບັດຕາມມະຕິຄຳສັ່ງເລກທີ  03  ຂອງກົມການເມືອງສູນກາງພັກໃນການສ້າງແຂວງເປັນຫົວໜ່ວຍຍຸດທະສາດ  ,  ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ໃນຕອນບ່າຍຂອງວັນທີ 28 ກຸມພາ 2013 ຢູ່ທີ່ເດີ່ນໂຮງຮຽນຖົມ ແລະ ມັດທະຍົມບ້ານເວີນ ເມືອງມະຫາໄຊ​ໄດ້ຈັດພິທີປະ ກາດຮັບ ຮອງເອົາເວີນ, ບ້ານນາທານ  ແລະ ບ້ານອີ່ລານເປັນບ້ານວັດທະນະທຳຢ່າງເປັນທາງການໂດຍການເຂົ້າຮ່ວມຂອງທ່ານ  ສົມສີ  ພົງອຸ ດົມ ເຈົ້າເມືອງໆມະຫາໄຊ , ທ່ານ ທອງ ລາ ແສງທອງ ຮອງເລຂາພັກເມືອງ , ປະທານແນວລາວສ້າງຊາດເມືອງ ທັງ ເປັນປະທານຄະນະກຳມະການສ້າງຄອບຄົວ ແລະ ບ້ານວັດທະນະທຳຂັ້ນເມືອງ , ທ່ານ ແສງມະ ນີ ສີລາເພັດ ຫົວໜ້າຂະ ແໜງວັດທະນະທຳພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວແຂວງ , ມີບັນດາຫົວໜ້າພະແນກການທີ່ກ່ຽວ ຂ້ອງ  ,  ບັນດາທ່ານໃນຄະ ນະພັກເມືອງ , ຫົວໜ້າຫ້ອງການ , ອຳນາດການປົກຄອງ ແລະ ພໍ່ແມ່ປະຊາຊົນທັງ 3 ບ້ານ ເຂົ້າຮ່ວມ .

       ໃນພິທີທ່ານ ທອງລາ ແສງທອງ  ແລະ ທ່ານ ຊຽງພອນ ວໍລະຈິດ ນາຍບ້ານໆເວີນເຊິ່ງ​ໄດ້ຕາງໜ້າໃຫ້ແກ່ເມືອງ ແລະ ບ້ານທັງ 3 ບ້ານກໍ່ໄດ້ຜັດປ່ຽນກັນຂຶ້ນຜ່ານບົດປະ ເມີນຜົນ ແລະ ບົດສະຫຼຸບການສ້າງບ້ານເວີນ , ບ້ານນາທານ ແລະ ບ້ານອີ່ລານເປັນບ້ານວັດທະນະທຳ .

      ສຳລັບບ້ານເວີນ ,​ບ້ານນາທານ ແລະ ບ້ານອີ່ລານທັງ 3 ບ້ານນີ້ແມ່ນຂຶ້ນກັບເມືອງມະຫາໄຊ ໂດຍຫ່າງຈາກເທດສະ ບານເມືອງປະມານ 30 ກິໂລແມັດ ມີພົນລະເມືອງທັງ ໝົດ 1.636 ຄົນ , ຍິງ 800 ຄົນ , ມີ 295 ຄອບຄົວ  , ມີ 314 ຫຼັງຄາ ເຮືອນ , ທັງ 3 ບ້ານນີ້ປະກອບມີ  2 ເຜົ່າຄື : ເຜົ່າລາວລຸ່ມ ແລະ ເຜົ່າມະກອງ ປະກອບມີການຈັດ ຕັ້ງຄົບ ຊຸດ , ປະຊາຊົນ ດຳລົງຊີວິດຖືກຕ້ອງຕາມລະບຽບກົດໝາຍ , ມີຄວາມສາມັກຄີພາຍໃນຢ່າງໜັກແໜ້ນ ມີຄວາມສາມັກຄີພາຍນອກຢ່າງ ກ້ວາງຂວາງ , ເສັ້ນທາງຄົມມະນາ ຄົມ ສະດວກສະບາຍສາມາດທຽວໄດ້ສອງລະດູ , ມີລະບົບໄຟຟ້າ , ນ້ຳສະອາດ , ມີ ໂຮງຮຽນປະຖົມ , ມັດທະຍົມ ແລະ ມີສຸກສາລາ . ຄະນະພັກອຳນາດການປົກຄອງບ້ານໄດ້ສຶກ ສາອົບຮົມການເມືອງ ແນວຄິດໃຫ້ພໍ່ແມ່ປະຊາຊົນເຊື່ອໝັ້ນຕໍ່ແນວທາງນະໂຍບາຍຂອງພັກ , ລະບຽບກົດໝາຍຂອງລັດ ແລະ ພາລະກິດປ່ຽນ ແປງໃໝ່ເຮັດໃຫ້ປະ ຊາຊົນຮູ້ ຈຳແນກໄດ້ມິດ ແລະ ສັດຕູຢ່າງຈະແຈ້ງທັງ 3 ບ້ານມີໜ່ວຍພັກນຳພາບ້ານ 3 ໜ່ວຍ ມີສະ ມາຊັກພັກທັງໝົດ 53 ສະຫາຍ , ຍິງ 5 ສະຫາຍ , ປະເພດສະມາຊິພັກແຂງຮອບ ດ້ານມີ 28 ສະຫາຍ , ຍິງ 5 ສະຫາຍ , ແຂງດ້ານໃດດ້ານໜຶ່ງມີ 10 ສະຫາຍ , ປານກາງມີ 15 ສະຫາຍ ໄດ້ຮັບນາມມະຍົດເປັນໜ່ວຍພັກແຂງດ້ານໃດດ້ານໜຶ່ງ . ດ້ານວຽກ ງານປ້ອງກັນຊາດ - ປ້ອງກັນຄວາມສະຫງົບຄະນະພັກ - ອຳນາດການປົກຄອງບ້ານໄດ້ເອົາໃຈໃສ່ຊີ້ນຳໆພາ ວຽກງານ ປ.ກ.ສ - ປ.ກ.ຊ ຢ່າງແຂງແຮງມີຄວາມຕື່ນຕົວໃນ ການປະກອບສ່ວນເຂົ້າໃນວຽກງານດັ່ງກ່າວຢ່າງຕັ້ງໜ້າ ເປັນຕົ້ນແມ່ນທາງດ້ານວັດຖຸ ແລະ ຈິດໃຈ ສາມາດສະກັດກັ້ນປະກົດການຫຍໍ້ທໍ້ທີ່ເກີດຂຶ້ນຢູ່ພາຍໃນບ້ານໄດ້ເປັນ ຢ່າງດີ ນອກຈາກນັ້ນຍັງໄດ້ປະສານສົມທົບກັບໜ່ວຍ ໄກ່ເກັ້ຍຂັ້ນບ້ານເພື່ອສຶກສາອົບຮົມບຸກຄົນທີ່ຜ່າຜືນຕໍ່ລະບຽບກົດໝາຍ ຂອງບ້ານເມືອງວາງອອກ . ດ້ານເສດຖະກິດທັງ 3 ບ້ານມີທ່າແຮງທາງດ້ານການປູກຝັງ ແລະ ລ້ຽງສັດ ເຊິ່ງມີເນື້ອ ທີ່ນາປີທັງໝົດ  487,47 ເຮັກຕາ , ຜົນຜະລິດ 2,5 ໂຕນ / ເຮັກຕາ ນອກນັ້ນທັງ 3 ບ້ານຍັງປູກພືດສຳ ຮອງ ເປັນຕົ້ນແມ່ນ ໝາກຖົ່ວ , ສາລີ , ໝາກແຕງ ແລະ ພືດພັນຕ່າງໆພ້ອມກັນນັ້ນທັງ 3 ບ້ານຍັງມີງົວ 1.014 ໂຕ , ຄວາຍ 517 ໂຕ ແລະ ສັດປີກຈຳນວນ 2.450 ໂຕ . ມີຮ້ານ ຂາຍເຄື່ອງຍ່ອຍ ແລະ ຮ້ານກິນດື່ມຈຳນວນ 24 ຮ້ານ , ມີໂຮງສີເຂົ້າ 7 ໂຮງ , ລົດປັ້ນເຂົ້າ 10 ຄັນ ໄດ້ຊົມໃຊ້ໄຟຟ້າແລ້ວ 100​%  , ມີຜັງບ້ານ ແລະ ເສັ້ນທາງເລກທີ 12 ແລ່ນ ຜ່ານດ້ານພາ ຫະນະມີລົດ ຮຸນໄດ 8 ຄັນ , ລົດຕູ້ 7 ຄັນ , ລົດໄຖນາຍ່າງຕາມ 145 ຄັນ , ລົດຈັກ 214 ຄັນ ປະຊາຊົນສ່ວນໃຫຍ່ມີເຮືອນເຄິ່ງຖາວອນ ກວມເອົາ 95 % , ມີໂຮງ ຮຽນປະຖົມ 3 ແຫ່ງ , ມີ​ໂຮງຮຽນ​ມັດທະຍົມ​ຕອນ​ຕົ້ນ 01 ແຫ່ງ ມີນັກຮຽນທັງໝົດ 586 ຄົນ , ຍິງ 255 ຄົນ , ມີຄູສອນທັງໝົດ 28 ຄົນ , ຍິງ 11 ຄົນ , ປະຊາຊົນເກນອາຍຸ 15 - 45 ປີ ໄດ້ບຳລຸງຈົບຊັ້ນປະຖົມ 100 ​% ແລະ ເດັກເກນອາຍຸ 6 - 15 ປີ ໄດ້ເຂົ້າໂຮງຮຽນ  100 % . ດ້ານສາທາລະນະສຸກປະຈຸບັນທັງ 03 ບ້ານມີສຸກສາລາ 1 ແຫ່ງ ນຳໃຊ້ ວິດຖ່າຍແລ້ວກວມ 85 % ເດັກນ້ອຍອາຍຸ 1 - 5​ ປີ   ແລະ  ແມ່ຍິງເກນອາຍຸ 15 - 45 ປີ ໄດ້ຮັບການຢອດຢາ ແລະ ສັກຢາ 100​% ນອກນັ້ນທັງ 03 ດັ່ງກ່າວ ຍັງໄດ້ປະ ກາດ ເປັນບ້ານສາທາລະນະສຸກແບບຢ່າງ , ໄດ້ຮັບໃບຢັ້ງຢືນ ຄອບຄົວວັດທະນະທຳທັງໝົດ 225 ຄອບຄົວເທົ່າກັບ 76,27 % ຂອງຄອບຄົວທັງໝົດ .

    ພິທີດັ່ງກ່າວທ່ານ ສົມສີ ພົງອຸດົມ ເຈົ້າເມືອງໆມະຫາໄຊຍັງໄດ້ມອບໃບຢັ້ງຢືນບ້ານວັດທະນະທຳ ແລະ ມອບໃບຍ້ອງ ຍໍໃຫ້ແກ່ນາຍບ້ານທັງ 03 ບ້ານທີ່ໄດ້ປະ ກອບສ່ວນ ທາງດ້ານເຫື່ອແຮງ , ສະຕິປັນຍາ ແລະ ວັດຖຸເຂົ້າໃນການສ້າງຂົວ ຫ້ວຍອີ່ລານຈົນສຳເລັດຕາມວັດຖຸປະສົງໂດຍແມ່ນທ່ານ ຈັນ ບຸບຜາລີວັນ ຫົວໜ້າ ພະແນກໂຍທາທິການ ແລະ ຂົນສົ່ງ ແຂວງຄຳມ່ວນ  ພ້ອມນັ້ນຍັງໄດ້ທຳການເປີດປ້າຍ ແລະ ລັ່ນຄ້ອງ 09 ບາດເພື່ອຮັບຮອງເອົາ ທັງ 03 ບ້ານເປັນບ້ານວັດ ທະນະທຳຢ່າງເປັນທາງການ .

 ຂ່າວ - ພາບໂດຍ : ແດງສະຫວັດ ແສນພານິດ .

 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?