ໜ້າຫຼັກ >> ຂ່າວຈາກຕ່າງເມືອງ >> ລະດູແລ້ງ 2012-2013 ເມືອງທ່າແຂກບໍ່ສາມາດບັນລຸຕາມແຜນ ຍ້ອນການສະໜອງນ້ຳບໍ່ພຽງພໍ
ລະດູແລ້ງ 2012-2013 ເມືອງທ່າແຂກບໍ່ສາມາດບັນລຸຕາມແຜນ ຍ້ອນການສະໜອງນ້ຳບໍ່ພຽງພໍ
ວັນທີ 20 ກຸມພາ 2013 - ເວລາ 16:18:58 ເບິ່ງ 1630 ຄຳເຫັນ 0

 

ການຜະລິດລະດູແລ້ງປີ 2012 – 2013 ນີ້ ການຜະລິດເຂົ້ານາແຊງຢູ່ເມືອງ ທ່າແຂກ ແຂວງຄຳມ່ວນ ບໍ່ໄດ້ຮັບຜົນສຳເລັດຕາມແຜນ ຍ້ອນການສະໜອງນ້ຳຂອງລະບົບຊົນລະປະທານບໍ່ໄດ້ຕາມແຜນ. ຕາມແຜນ ການແລ້ວການສະໜອງນ້ຳເຂົ້າໃນເນື້ອທີ່ຜະລິດເຂົ້ານາແຊງໃຫ້ໄດ້ 1.420 ເຮັກຕາ, ແຕ່ຕົວຈິງສາມາດສະໜອງ ໄດ້ແຕ່ 1.289 ເຮັກຕາ.

      ທ່ານ ສຸວັນນະຈັກ ແກ້ວຈັນທະລາ ຫົວໜ້າຫ້ອງການກະສິກຳ ແລະ ປ່າໄມ້ ເມືອງທ່າແຂກໄດ້ລາຍງານ ໃຫ້ຮູ້ໃນວັນທີ 20 ກຸມພາ 2013 ນີ້ວ່າ: ສາເຫດທີ່ການສະໜອງນ້ຳໃນລະບົບຊົນລະປະທານເຂົ້າຫົດເນື້ອທີ່ທຳ ການຜະລິດຂອງຊາວກະສິກອນບໍ່ໄດ້ຕາມແຜນເນື່ອງຈາກລະບົບຊົນລະປະທານບາງແຫ່ງມີການເປ່ເພ,ບາງບ່ອນແມ່ນ້ຳມີການບົກແຫ້ງ ຈຶ່ງເປັນສາເຫດເຮັດໃຫ້ນ້ຳໄຫຼເຂົ້າລະບົບຊົນລະປະທານບໍ່ພຽງພໍ, ຕໍ່ກັບສະພາບດັ່ງ ກ່າວ ຂະແໜງການກ່ຽວຂ້ອງ ໄດ້ຊຸກຍູ້ປະຊາຊົນໂດຍສະເພາະແມ່ນປະຊາຊົນທີ່ອາໃສຢູ່ຕາມແຄມແມ່ນ້ຳຂອງ ແລະ ແຄມແມ່ນ້ຳຕ່າງໆໃຫ້ຫັນມາປູກພືດທີ່ໃຊ້ນ້ຳໜ້ອຍເພື່ອເປັນການທົດແທນການປູກເຂົ້າ. ສຳລັບການປູກພືດລະດູ ແລ້ງຕາມແຜນແມ່ນຜະລິດໃຫ້ໄດ້ 2.250 ເຮັກຕາ, ປະຈຸບັນແມ່ນສາມາດຜະລິດໄດ້ 1.980 ເຮັກຕາ ເທົ່າກັບ 88%. ນອກຈາກນັ້ນກໍ່ຍັງໄດ້ຊຸກຍູ້ການລ້ຽງສັດເຊັ່ນ: ລ້ຽງງົວ, ໝູ ແລະ ປາ ໃຫ້ເປັນຂະບວນຟົດຟື້ນ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?