ໜ້າຫຼັກ >> ຊີວິດວັດທະນະທໍາ >> 4 ບ້ານຂອງເມືອງຫີນບູນຖຶກປະກາດຮັບຮອງເປັນບ້ານພັດທະນາ.
4 ບ້ານຂອງເມືອງຫີນບູນຖຶກປະກາດຮັບຮອງເປັນບ້ານພັດທະນາ.
ວັນທີ 19 ສິງຫາ 2013 - ເວລາ 10:21:43 ເບິ່ງ 1781 ຄຳເຫັນ 0

4 ບ້ານ​ຂອງ​ເມືອງ​ຫີນ​ບູນຖຶກປະກາດ​ຮັບຮອງ​ເປັນ​ບ້ານ​ພັດທະນາ.

----------------------

ໂດຍ : ມະນີວັນ 020 97661888

​     ໂດຍ​ປະຕິບັດ​ຕາມ​ຄຳ​ສັ່ງ​ແນະນຳ​ເລກທີ 03 /ກມສພ ວ່າ​ດ້ວຍ​ການ​ສ້າງ​ບ້ານ​ໃຫ້​ເປັນ​ຫົວໜ່ວຍພັດທະນາ ​ແລະ ສ້າງ​ບ້ານ​ໃຫ່ຍ​ໃຫ້​ກາຍ​ເປັນ​ບ້ານ​ນ້ອຍ​ໃນ​ຊົນນະບົດ ​ແລະ ດຳລັດ 201/ລບ ວ່າ​ດ້ວຍ​ມາດຖານ​ຄວາມທຸກ​ຍາກ ​ແລະ ມາດຕະຖານ​ການ​ພັດທະນາ​ດ ພາຍຫລັງ 4 ບ້ານ​ຂອງ​ເມືອງ​ຫີບ​ບູນຄື: ບ້ານ ​ໄຊ​ສົມບູນ, ບ້ານ​ໂຮມ, ບ້ານໜອງຜື ​ແລະ ບ້ານໜອງບົວ​ນ້ອຍ​ໄດ້​ຮັບຮອງ​ເປັນ​ບ້ານ​ວັດທະນະທຳ​ບ້ານ​ທີ 227, 228, 229 ​ແລະ 230 ຂອງ​ແຂວງ​ຄຳ​ມ່ວນ​ໃນ​ໄລຍະ​ຜ່ານ​ມາ​, ຜ່ານ​ການປະ​ເມີນຕິດຕາມ​ຂອງ​ຄະນະ​ກຳມະການ​ເຫັນ​ວ່າ​ທັງ 4 ບ້ານ​ແມ່ນມີ​ລະບົບ​ການຈັດຕັ້ງ​ເຄື່ອນ​ໄຫວ​ຄົບ​ຖ້ວນ, ມີ​ຄະນະ​ປົກຄອງ 12 ທ່ານ, ຮັບຜິ​ຊອບ​ຄຸ້ມ​ຄອງ​ລັດ, ຄຸ້ມ​ຄອງ​ສັງຄົມ, ຂະ​ແໜງການ​ຕ່າງ ໆ ຂອງ​ບ້ານ​ເປັນ​ຢ່າງ​ດີ, ມີໜ່ວຍພັກ​ນຳພາ​ບ້ານ​ໃນ​ການ​ປະຕິບັດ​ໂຄງການ, ​ແຜນ​ງານ ​ແລະ ​ແຜນ​ພັດທະນາ​ບ້ານ​ທີ່​ວາງ​ໄວ້ ມາ​ຮອດ​ປະຈຸ​ບັນປະກອບ​ມີ​ສະມາຊິກ​ພັກ 29 ສະຫາຍ, ຍິງ 7 ສະຫາຍ, ສົມບູນ 21 ສະຫາຍ, ຍິງ 6 ສະຫາຍ ​ແລະ ​ໄດ້​ຮັບ​ນາມມະຍົດ​ເປັນໜ່ວຍພັກ​ແຂງ​ຮູ້​ນຳພາ​ຮອບດ້ານ, ອຳນາດ​ການ​ປົກຄອງ​ບ້ານ​ທຸກຂະ​ແໜງການ​ ​ມີ​ແບບ​ແຜນການ​ເຄື່ນ​ໄຫວ​ວຽກງານ​ເປັນ​ຢ່າງ​ດີ ສາມາດ​ເວົ້າ​ໄດ້​ວ່າ​ລະບົບ​ການຈັດຕັ້ງທັງ 4 ບ້ານ​ມີ​ຄວາມໜັກ​ແໜ້ນ ​ແລະ ​ເຂັ້ມ​ແຂງ, ປະຊາຊົນ​ມີ​ຄວາມ​ຕື່ນ​ຕົວ​ປະຕິບັດ​ແນວທາງ​ປ່ຽນ​ແປງ​ໃໝ່ຂອງ​ພັກ - ລັດ, ມີ​ຄວາມ​ສາມັກຄີ​ຊ່ວຍ​ເຫລືອ​ເຊີ່ງ​ກັນ ​ແລະ ກັນ, ດັ່ງນັ້ນ​ໃນ​ວັນ​ທີ 16 ສິງຫາ 2013 ທີ່​ສະ​ໂມ​ສອນ​ກອງພັນ​ທີ່ 6 ( ຫ້ວຍ​ແອັກ ) ຄະນະ​ພັກ, ຄະນະອຳນາດ​ການ​ປົກຄອງຂອງ​ແຂວງ ​ແລະ ​ເມືອງ​ຫີນ​ບູນຈິ່ງ​ໄດ້​ປະກາດ​ທັງ 4 ບ້ານ​ດັ່ງກ່າວ​ເປັນ​ບ້ານ​ພັດທະນາ​​ແຫ່ງ​ທີ່ 39,40,41 ​ແລະ 42 ຂອງ​ເມືອງ. ປະຊາຊົນ​ພາຍ​ໃນ​ ບ້ານ​ ໄຊ​ສົມບູນ, ບ້ານ​ໂຮມ, ບ້ານໜອງຜື ​ແລະ ບ້ານໜອງບົວ​ນ້ອຍ ​ແມ່ນ​ມີ​ມູນ​ເຊຶ້ອດຸໜັ່ນຂະຫຍັນ​ພຽນ​ໃນ​ການ​ອອກ​ແຮງ​ງານ ປູກຝັງ - ລ້ຽງສັດ, 4 ບ້ານ​ມີ​ເນື້ອທີ​ທັງໝົດ 194,78 ​ເຮັກຕາ, ​ຫ່າງ​ຈາກ​ເທດສະບານ​ເມືອງ​ປະມານ 6 – 14 ກິ​ໂລ​ແມັດ, ຕາມ​ເສັ້ນທາງ​ເລກທີ 13 ໃຕ້, ມີ​ລະບົບ​ເສັ້ນທາງ​ຄົມມະນາຄົມ​​ເຂົ້າສູ່​ບ້ານ​ສະດວກ, ປະກອບ​ມີ 253 ຫລັງຄາ​ເຮືອນ, ມີ 258 ຄອບຄົວ, ມີ​ປະຊາກອນ​ທັງໝົດ 915 ຄົນ, ຍິງ 441 ຄົນ, ອາຊີບ​ຕົ້ນຕໍ​ຂອງ​ປະຊາຊົນ​ແມ່ນ​ເຮັດ​ນາ, ຖື​ການລຽ້ງສັດ, ປູກ​ພືດ​ຕ່າງ ໆ​ ​ແລະ ຂ້າ​ຂາຍ​ເປັນ​ສຳຮອງ, ທັງ 4 ບ້ານ​ແມ່ນ​ມີ​ທ່າ​ແຮງ​ທາງ​ດ້ານ​ການ​ປູກຝັງ ​ແລະ  ລຽ້ງສັດ, ມີ​ເນື້ອທີ່​ນາປີ 115,02 ​ເຮັກຕາ, ຜົນ​ການ​ຜະລິດ​ໄດ້ 355,35 ​ໂຕນ/ປີ, ສະມັດ​ຕະພາບ​ຜົນ​ຜະລິດ 3 ​ໂຕນຕໍ່​ເຮັກຕາ, ສະ​ເລ່ຍຫົວ​ຄົນໜຶ່ງ​ໄດ້ 388 ກິ​ໂລ​ເຂົ້າ​ເປືອກ​ຕໍ່​ຄົນ​ຕໍ່​ປີ, ນອກຈາກ​ປູກ​ເຂົ້າ​ແລ້ວ​ຍັງ​ໄດ້​ປູກ​ພືດ​ອຸດ​ສະຫະ​ກຳ​ເຊັ່ນ : ສວນ​ຢາງພາລາ 305 ​ເຮັກຕາ, ມີຕົ້ນຢາງ​ຂີດ​ແລ້ວ​ເປັນ​ຈຳນວນ​ເງິນ 13,500,000 ກີບ ​ແລະ ລາຍ​ຮັບ​ຈາກ​ການ​ປູກ​ພືດ​ສຳຮອງ​ເປັນຕົ້ນ​ແມ່ນ​ສາລີ, ມັນ​ດ້າງ, ຖົ່ວດິນ, ໜາກ​ແຕງ, ໜາກຖົ່ວ ​ແລະ ພືດ​ອື່ນ ໆ ປະ​ເພດ​ສັດລ້ຽງ 4 ບ້ານ​ແມ່ນ​ມີ​ຄວາຍ 81 ​ໂຕ, ງົວ 800 ​ໂຕ, ໝູ 205 ​ໂຕ, ສັປີກ 1,948 ​ໂຕ, ລາຍ​ຮັບ​ທັງໝົດພາຍ​ໃນ 4 ບ້ານປະມານ 2,287,500,000ກີບ/ປີ, ສະ​ເລ່ຍລາຍ​ຮັບ 2,500,000 ກີບ/ຄົນ/ປີ, ບ້ານ​ປະກອບ​ມີ​ກອງ​ທຶນ​ພັດທະນາ​ບ້ານ 1 ກອງ, ມີ​ສະມາຊິກ​ທັງໝົດ 116 ຄອບຄົວ, ມີ​ທຶນໜູນວຽນທັງໝົດ 146,400,000 ກີບ, ມີໂຮງຮຽນມັດທະຍົມຕອນຕົ້ນ ມີນັກຮຽນທັງໝົດ 151 ຄົນ, ຍິງ 54 ຄົນ, ມີໂຮງຮຽນປະຖົມ 3 ແຫ່ງ, ມີນັກຮຽນ 193 ຄົນ, ຍິງ 92 ຄົນ, ໃນນັ້ນເດັກນ້ອຍອາຍຸ 6 ຫາ 10 ປີ ໄດ້ເຂົ້າຮຽນ 100 % , ປະຊາຊົນພາຍໃນບ້ານເກນອາຍຸ 15 ຫາ 45 ປີ, ຈົບຂັ້ນປະຖົມ 100%, ລະດັບການສຶກສາຈົບມັດທະຍົມຕົ້ນແລ້ວ 75%, ພິເສດ​ໃນ 4 ບ້ານ​ມີສະມາຄົມພໍແມ່ນັກຮຽນ ແລະ ສະມາຄົມອຸດໜູນການສຶກສາໄດ້ສ້ອມແປງໂຮງຮຽນ ແລະ ສະໜອງອຸປະກອນການສຶກສາ, ການຮຽນໃຫ້ຄູອາຈານ ແລະ ພະນັກງານຢ່າງພຽງພໍເຊັ່ນ : ໂຕະ, ຕັ່ງ, ອື່ນ ໆ ປະຈຸບັນປະຊາຊົນມີວິດຖ່າຍ​ແລ້ວກວມ 100% , ດື່ມນ້ຳສະອາດ 100%, ຍ້າຍຄອກສັດອອກຈາກຄອກຕາລ່າງໄດ້ 100 % ເດັກອາຍຸ 1 ຫາ 5 ປີ ແລະ ແມ່ຍິງເກນອາຍຸ 15 ຫາ 45 ປີ ໄດ້ຮັບການຢອດຢາ ແລະ ສັກຢາກັນພະຍາດ 100 % , ນອກນັ້ນຄະນະພັກ, ​ອຳນາດການປົກຄອງໃນ 4 ບ້ານໄດ້ຊຸກຍູ້ອອກແຮງງານໂຄສະນາສຸຂະສຶກສາ ທາງດ້ານອານາໄມສາມສະອາດໃຫ້ປະ ຊາຊົນຮັບຮູ້ເຂົ້າໃຈແຈ້ງ ສາມາດປະກາດເປັນບ້ານແບບຢ່າງສາທາລະນະສຸກສຳເລັດ, ທາງ​ດ້ານຂໍ້ມູນຂ່າວສານປະຊາຊົນສາມາດຮັບຮູ້ຢ່າງສະດວກສະບາຍ, ໂດຍຜ່ານທາງໂທລະພາບ, ວິທະຍຸ ແລະ ໂທລະໂຄງພາຍໃນບ້ານ. ເປັນກຽດເຂົ້າຮ່ວມພິທີເປີດປ້າຍ ແລະ ລັ່ນຄ້ອງ ປະກາດຮັບຮອງທັງ 4 ບ້ານດັ່ງກ່າວ ເປັນບ້ານພັດທະນາໃນຄັ້ງນີ້ໂດຍແມ່ນ ທ່ານ ອວນມາ ຂັນຕິຍະວົງ ກຳມະການພັກແຂວງ, ເລຂາພັກເມືອງ ເຈົ້າເມືອງ ໆ ຫີນບູນ, ທ່ານ ​ໄພ​ວັນ ໜຸ່ນຄຳ​ໄຊ ຮອງ​ຫົວໜ້າຫ້ອງການ​ພັດທະນາ​ຊົນນະບົດ ​ແລະ ລຶບລ້າງ​ຄວາມທຸກ​ຍາກ​ແຂວງ ມີພະແນກການ, ບັນດາຄະນະອຳນາດການປົກຄອງ, ຕະຫລອດຮອດແຂກຖຶກເຊີນ ແລະ ພໍ່ແມ່ປະຊາຊົນພາຍໃນບ້ານດັ່ງກ່າວທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?