ໜ້າຫຼັກ >> ສືບສານວັດທະນະທໍາ >> ພຸດທະສາສະນິກະຊົນຊາວແຂວງຄໍາມ່ວນຮ່ວມທໍາບຸນໃສ່ບາດ ເນື່ອງໃນໂອກາດບຸນເຂົ້າພັນສາ
ພຸດທະສາສະນິກະຊົນຊາວແຂວງຄໍາມ່ວນຮ່ວມທໍາບຸນໃສ່ບາດ ເນື່ອງໃນໂອກາດບຸນເຂົ້າພັນສາ
ວັນທີ 24 ກໍລະກົດ 2013 - ເວລາ 12:21:28 ເບິ່ງ 1333 ຄຳເຫັນ 1

 

        ປະເພນີບຸນເຂົ້າພັນສາເປັນປະເພນີດັ່ງເດີມທີ່ເຄີຍປະຕິບັດສືບທອດກັນມາໄດ້ຫຼາຍເຊັ່ນຄົນ  ແລະ ໄດ້ຈັດຂຶ້ນ ເປັນປະຈໍາທຸກໆປີ .ສໍາລັບປີນີ້ບັນຍາກາດງານບຸນກໍ່ ຄື ກັນກັບປີທີ່ຜ່ານມາເຊິ່ງບັນດາພຸດທະສາສະນິກະຊົນຈາກແຫ່ງ ຕ່າງໆໃນຂອບເຂດທົ່ວປະເທດເວົ້າລວມ  ,  ເວົ້າສະເພາະກໍ່ຄືແຂວງຄໍາມ່ວນແມ່ນໄດ້ພາກັນ ຫຼັ່ງໄຫຼໄປທໍາ ບຸນ ສິນກິນທານດ້ວຍຈິດໃຈອັນຊື່ນບານ  .  ການເຮັດບຸນເຂົ້າພັນສາເບື້ອງຕົ້ນແມ່ນເລີ້ມຈາກມື້ຫ່າງຫາກະກຽມຄືວັນອາທິດວັນ ທີ  21 ກໍລະກົດ 2013  ປະຊາຊົນໄດ້ໄປຈັບ ຈ່າຍຊື້ເຄື່ອງກິນຂອງທານຢູ່ຕາມທ້ອງຕະຫຼາດເຮັດໃຫ້ບັນຍາກາດການ ຊື້  - ຂາຍຟົດຟື້ນ ໂດຍໃນຊ່ວງຕອນເຊົ້າຂອງວັນຈັນວັນທີ 22 ກໍລະກົດ 2013 ເຊິ່ງກົງກັບມື້ຂຶ້ນ 15 ຄໍ່າ ເດືອນ 8 ພ.ສ 2556 ບັນດາພຸດທະສາສະນິກະຊົນພ້ອມດ້ວຍຄອບຄົວລູກເຕົ້າທີ່ມາຈາກແຫ່ງຕ່າງໆແມ່ນໄດ້ນໍາເອົາເຄື່ອງປັດ ໃຈໄຊຍະທານຂອງຕົນເປັນຕົ້ນແມ່ນຜ້າ ອາບນ້ຳຝົນ, ທຽນພັນສາ , ຄຸສັງຄະທານແລະ ປັດໃຈອື່ນໆນໍາມາຖວາຍແດ່ພຣະສົງສໍາມະເນນຕາມກໍາລັງສັດທາຂອງໃຜລາວດ້ວຍຈິດອັນຜ່ອງໃສເພື່ອລະນຶກເຖິງຄຸນພຣະ ຣັດຕະນະໄຕຣກໍ່ຄື ຄຸນແກ້ວ 3 ປະການຄື : ຄຸນພຣະພຸດ ,​ຄຸນພຣະທໍາ ແລະ ຄຸນພຣະສົງ ພ້ອມທັງອຸທິດສ່ວນບຸນກຸສົນໄປເຖິງດວງ ວິນຍານຂອງບັນພະບຸລຸດ , ຄຸນບິດາ - ມານດາ , ຄູອາຈານ ແລະ ບຸພະກາລີອື່ນໆທີ່ໄດ້ລ່ວງລັບໄປແລ້ວ .

  ງານບຸນເຂົ້າພັນສາປີນີ້ອອກຕົນຍາດໂຍມທີ່ມາຈາກພາກສ່ວນຕ່າງໆກໍ່ໄດ້ມີຈິດສັດທາອຸໂປໂມທະນາທາງດ້ານວັດຖຸ ແລະ ເງິນເພື່ອປະກອບສ່ວນເຂົ້າໃນການອຸປະ ຖໍາ ຄ້ຳຊູພ ຣະພຸດທະສາສະໜາເປັນຕົ້ນແມ່ນການກໍ່ສ້າງກຸດຕິວິຫານ , ສາລາໂຮງທໍາ ( ຫໍແຈກ ) ໃນນີ້ບັນດາວັດຢູ່ຕາມເທດສະບານເຊັ່ນ : ວັດຈອມທອງສີວິ ໄລພັດທະ ນາ ຣາມ , ວັດນັນ ທະຄາມ , ວັດນາໂບແມ່ນມີຄົນຫຼັ່ງໄຫຼໄປທໍາບຸນເປັນຈໍານວນຫຼາຍເຊັ່ນດຽວກັບວັດອື່ນໆ .

                                                                                                                                                        ຂ່າວ-ພາບໂດຍ : ແດງສະຫວັດ ແສນພານິດ.

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?