ໜ້າຫຼັກ >> ຊີວິດວັດທະນະທໍາ >> ກອງປະຊຸມສະຫຼູບຖອດຖອນບົດຮຽນວຽກງານສະຖານີຂອງເມືອງນາກາຍ.
ກອງປະຊຸມສະຫຼູບຖອດຖອນບົດຮຽນວຽກງານສະຖານີຂອງເມືອງນາກາຍ.
ວັນທີ 19 ກໍລະກົດ 2013 - ເວລາ 10:45:51 ເບິ່ງ 1267 ຄຳເຫັນ 1

ໃນຕອນເຊົ້າຂອງວັນທີ 10 ກໍລະກົດ 2013 ຫ້ອງການຖະແຫຼງຂ່າວ ວັດທະນະທຳ ແລະ ທ່ອງທ່ຽວ ປະຈຳເມືອງນາກາຍ ໄດ້ເປີດກອງປະຊຸມສະຫລຸບລາຍງານ, ຖອດຖອນບົດຮຽນຂອງນັກຂ່າວ, ນັກຈັດລາຍການປະ ຈຳສະຖານີວິທະຍຸຂອງເມືອງທັງປຶກສາຫາລື ແລະ ວາງທິດທາງແຜນການໃນການຈັດຕັ້ງປະຕິບັດສະເພາະໜ້າໃຫ້ ປະກົດຜົນເປັນຈິງ, ເຊິ່ງພິທີດັ່ງກ່າວໄດ້ຈັດຂຶ້ນຢູ່ທີສະໂມສອນຫ້ອງວ່າການປົກຄອງເມືອງ ໂດຍພາຍໃຕ້ການເປັນປະ ທານ ຂອງ ທ່ານ ດຣ ບຸນມີ ທານຸວົງ ຄະນະປະຈຳພັກເມືອງ ຫົວໜ້າຫ້ອງການສາທາລະນະສຸກ ເມືອງນາກາຍ. ເປັນກຽດເຂົ້າຮ່ວມມີຄະນະຊີ້ນຳຂັ້ນເມືອງ ແລະ ບັນດາທ່ານກອງບັນນາທິການສະຖານນີວິທະຍຸກະຈາຍສຽງທ້ອງ ຖິ່ນ ແລະ ຫົວໜ້າຫ້ອງ ການອ້ອມຂ້າງທີກ່ຽວຂ້ອງ ພ້ອມດ້ວຍນັກຂ່າວ, ນັກຈັດລາຍການປະຈຳສະຖານີວິທະຍຸ ຂອງເມືອງລວມທັງໝົດ 29 ທ່ານ, ຍິງ 7 ທ່ານ. ຈຸດປະສົງກອງປະຊຸມໃນຄັ້ງນີ້ເພື່ອເປັນການປັບປຸງລະບົບສະຖາ ນີວິທະຍຸກະຈາຍສຽງທ້ອງຖິ່ນຂອງເມືອງໃຫ້ເປັນລະບົບໂດຍສະເພາະຮູບແບບການຊີ້ນຳ, ກອງບັນນາທິການ, ນັກ ຈັດລາຍການອອກອາກາດໃຫ້ມີຄວາມໜັກແໜ້ນຂຶ້ນຕື່ມ ແລະ ສະຫຼູບຖອດຖອນບົດຮຽນໃນໄລຍະ 3 ເດືອນຜ່ານ ມາພ້ອມທັງປຶກສາຫາລືວາງແຜນໃນການຈັດຕັ້ງປະຕິບັດ.  ໃນນັ້ນທ່ານ ຊ້ອນ ໄຊຊົມບັດ ກຳມະການພັກເມືອງຫົວ ໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວເມືອງໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າເມືອງສະບັບເລກ ທີ 0381 ວ່າດ້ວຍການແຕ່ງຕັ້ງຄະນະຊີ້ນຳ ແລະ ກອງບັນນາທິການສະຖານນີວິທະຍຸກະຈາຍສຽງທ້ອງຖິ່ນຕໍ່ຈາກ ນັ້ນທ່ານ ນາງ ກິນນະລອນ ເບນທອນທິລາດ ຮອງຫົວໜ້າຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວ ກໍ່ໄດ້ຂຶ້ນຜ່ານບົດສະຫຼູບລາຍງານຜົນການຈັດຕັ້ງປະຕິບັດ ແລະ ທິດທາງແຜນການໃນຕໍ່ໜ້າເຊິ່ງໃນນັ້ນມີນັກຈັດລາຍ ການປະຈຳສະຖານນີລວມທັງໝົດມີ 19 ສະຫາຍ, ຍິງ 5 ສະຫາຍ, ມີນັກຂ່າວ 2 ສະຫາຍ, ຍິງ 1 ສະຫາຍ ແລະ ພະນັກງານເຕັກນິກປະຈຳສະຖານນີ 2 ສະຫາຍ, ລະບົບການ ກະຈາຍອອກອາກາດທາງວິທະຍຸກະຈາຍສຽງທ້ອງ ຖິ່ນໃນໄລຍະ 3 ເດືອນຜ່ານມາລວມທັງໝົດມີ 134 ຊົ່ວໂມງ.  ຫຼັງຈາກນັ້ນກໍ່ໄດ້ໃຫ້ແຕ່ລະພາກສ່ວນ, ແຕ່ລະກົມ ກອງເພື່ອສະເໜີປະກອບຄຳຄິດຄຳເຫັນເຂົ້າໃນກອງປະຊຸມເພື່ອແກ້ໄຂປັບປຸງເໜັ້ນໃສ່ຄຸນນະພາບໃຫ້ດີຂຶ້ນ.

ໃນຕອນ ທ້າຍຂອງກອງປະຊຸມຍັງໄດ້ຮັບຟັງການໂອ້ລົມ ຂອງ ທ່ານ ດຣ ບຸນມີ ທານຸວົງ ຄະນະປະຈຳ ພັກເມືອງຫົວໜ້າຫ້ອງການສາທາລະນະສຸກເຊິ່ງທ່ານ ກໍ່ໄດ້ຮຽກຮ້ອງມາຍັງບັນດານັກຂ່າວ, ນັກຈັດລາຍການ, ປະ ຈຳສະຖານີວິທະຍຸກະຈາຍ ສຽງທ້ອງຖິ່ນໃຫ້ເອົາໃຈໃສ່ຂຶ້ນຕື່ມ, ກ່ຽວກັບແບບແຜນວິທີນຳພາ  ແລະ ແບບແຜນວິທີ ເຮັດວຽກວັດທະນະທຳສັງຄົມແມ່ນວຽກທີ່ສຳຄັນອັນໜຶ່ງທ່ີເປັນກະບອກສຽງໃຫ້ພັກ - ລັດຂອງພວກເຮົາສະນັ້ນທຸກ ໆ ທ່ານຕ້ອງເພີ້ມຄວາມຮັບຜິດຊອບ, ຕ້ອງຊອກຮູ້ບົດຮຽນອັນໃໝ່-ຊອກຫາຂ່າວຕື່ມເພື່ອສ້າງທັກສະໃນການຂຽນ, ການ ເວົ້າໃຫ້ສອດຂ້ອງ, ໃຫ້ໄດ້ຄຸນນະພາບດີຂຶ້ນໄປເລື້ອຍໆ.

 

ຂຽນໂດຍ: ພອນນະລົງ ໄຊຊະນະ

020 55057455

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?