ໜ້າຫຼັກ >> ເພື່ອສຸຂະພາບ >> ເມືອງນາກາຍສະເຫຼີມສະຫຼອງວັນງົດສູບຢາໂລກ
ເມືອງນາກາຍສະເຫຼີມສະຫຼອງວັນງົດສູບຢາໂລກ
ວັນທີ 19 ມິຖຸນາ 2013 - ເວລາ 11:30:46 ເບິ່ງ 1413 ຄຳເຫັນ 0

ໃນ​ຕອນ​ເຊົ້າຂອງ​ວັນ​ທີ 11 ມິຖຸນາ 2013 ຫ້ອງການ​ສາທາລະນະ​ສຸກ​ເມືອງ​ນາກາຍ​ໄດ້ຈັດ ພິທີ​ສະເຫຼີມສະຫຼອງວັນ​ງົດ​ສູບຢາ​ໂລກໃຫ້ກຽດ​ເຂົ້າຮ່ວມ​ໃນ​ພິທີຄັ້ງນີ້​​ມີທ່ານ ລຽງຄຳ​ ແພງ​ອຸ​ໄທ ​ເລຂາ​ພັກ​ເມືອງ, ​ເຈົ້າ​ເມືອງ​ເມືອງ​ນາ​ກາຍ, ​ມີຫົວໜ້າຫ້ອງການ, ຮອງ​ຫົວໜ້າຫ້ອງການ ພ້ອມ​ດ້ວຍ​ພະ ນັກງານ​ວິຊາ​ການ​ແຕ່​ລະ​ຫ້ອງການ​ຕະຫລອດເຖິງແຂກຖືກເຊີນ​ແຂົ້າຮ່ວມ​ທັງໜົດ 70 ຄົນ.

ຈຸດປະສົງ​ຂອງ​ການ​ເຕົ້າລວມ​ໃນ​ຄັ້ງນີ້​ກໍ່​ເພື່ອ​ສະ​ເຫຼີມສະຫຼອງວັນ​ຕ້ານ​ຢາສູບ​ໂລກ​ເຊິ່ງເພິ່ນ​ໄດ້​ກຳນົດ​ເອົາ​ວັນ​ທີ 31 ພຶດສະພາ​ ຂອງ​ທຸກ​ໆປີ​ເປັນ​ວັນງົດ​ສູບຢາ​ໂລກ​.​​ ໃຫ້ກຽດຂຶ້ນຜ່ານ​ປະຫວັດ​ຄວາມ​ເປັນ​ມາ​ຂອງ​ວັນດັ່ງກ່າວໂດຍແມ່ນ​ທ່ານ ຄຳ​ພາ ​ໂປ້​ຈັນ​ດີ ຫົວໜ້າຫ້ອງການ​ສາທາລະນະ​ສຸກ​ເມືອງ​ນາ​ກາຍ​ເຊິ່ງ​ໃນ​ນັ້ນ​. ​ສ.ປ.ປລາວ ແມ່ນ​ໜຶ່ງ​ໃນຈຳນວນ 192 ປະ​ເທດທີ່​ໄດ້​ເຂົ້າ​ເປັນ​ສະມາຊິກ​ຂອງ​ອົງ ການ​ອະນາ​ໄມ​ໂລກ​ໄດ້​ດຳ​ເນີນ​ການ​ຄວບ​ຄຸມ​ຢາສູບ ​ແລະ ​ໄດ້​ລົງ​ນາມ​ຮັບຮອງ​ເອົາ​ສົນທິສັນຍາ​ຜົນ​ບັງຄັບ​ໃຊ້ຫຼັງຈາກ 40 ປະ​ເທ​​ດ​ໄດ້​ໃຫ້​ສັດຕະຍາບັນ​ໃນ​ເດືອນ​ທັນວາ 2004 ພ້ອມ​ກັນນັ້ນກໍ່​ໄດ້​ກຳນົດ​ເອົາ​ວັນ​ທີ 31 ພຶດສະພາ​ຂອງ​ທຸຸກໆປີ​ເປັນ​ວັນງົດສູບຢາ​ໂລກຢ່າງ​ເປັນ​ທາງ​ການ ແລະ ໃນ​ຄັ້ງວັນ​ທີ 29 ມິຖຸນາ 2004 ສ.ປ.ປ ລາວ ​ໄດ້​ໃຫ້​ສັດຕະຍາບັນ ​ແລະ ມີ​ຜົນ​ບັງຄັບ​ໃຊ້​ຕໍ່ອົງການ​ອາ​ນະ​ໄມ​ໂລກ ​ໃນ​ວັນ​ທີ 5 ກັນຍາ 2006 ຫຼັງຈາກນັ້ນ ສ.ປ.ປລາວ​ ເຮົາ​ກໍ່ໄດ້ນຳ​ເອົາ​ສົນ​ທິສັນຍາ​ດັ່ງກ່າວ​ເລີ້ມ ຈັດຕັ້ງປະຕິບັດ ​ແລະ ​ເຄື່ອນ​ໄຫວ​ໃຫ້​ເປັນຮູບ​ປະ​ທຳ​ໃນ​ປະ​ເທດ​ເຮົາ​ນັບ​ແຕ່​ວັນ​ທີ 5 ​​​​​ກັນຍາ 2006​ເປັນຕົ້ນ​ມາ. ສົນທິສັນຍາ​ໃນຄັ້ງນັ້ນໄດ້​ເປັນ​ຂີດໝາຍອັນ​ສຳຄັນ​ຂອງ​ປະຫວັດສາດ​ໂລກ​ໂດຍ​ກົດໝາຍ ສາກົນ​ໄດ້​ສຸມ​ໃສ່​ການ​ສົ່ງ​ເສີມ​ສຸຂະ​ພາບ​ຂອງ​ຄົນ​ໃນ​ທົ່ວໂລກ. ພາຍຫຼັງ ສ.ປ.ປລາວ​ ໄດ້​ຮັບ​ເອົາ​ສັດຕະຍາ​ບັນ​ຕໍ່ອົງການ​ອາ​ນະ​ໄມ​ໂລກ​​ແລ້ວ​ລັດຖະບານ​ລາວ​ກໍ່​ໄດ້​ນຳ​ເອົາ​ກົດໝາຍດັ່ງກ່າວ​ມາ​ຜັນ​ຂະ ຫຍາຍ​ພາຍ​ໃນ​ປະທດຂອງ​ຕົນຕະຫຼອດມາ. ​ທ່ານ ​ຄຳ​ດີ ສິງ​ພັນ​ເດດ ວິຊາການ-ການ​​ແພດ ຫ້ອງການ​ສາ​ທາລະນະສຸກເມືອງ​ຍັງໄດ້​ອະທິບາຍ​ກົນ​ໄກວຂອງ​ຢາສູບ, ຜົນ​ຮ້າຍຂອງ​ຢາສູບ ​ແລະ ສາຍ​ເຫດ​ຂອງ​ຜູ້ທີ່​ຕິດ​ຢາ​ສູບ​ໃຫ້​ບັນດາ​ແຂກ​ທີ່​ເຂົ້າຮ່ວມ​ໄດ້​ຮັບ​ຮູ້​ຜົນ​ຮ້າຍ​ຂອງ​ຢາສູບ​ອີກ​ດ້ວຍ.

      ຕອນ​ທ້າຍຂອງ​ພິທີ​ທ່ານ ລຽງຄຳ ​ແພງ​ອຸ​ໄທ ກໍ່​ໄດ້​ໂອ້​ລົມ​ກັບ​ແຂກ​ທີ່​ເຂົ້າຮ່ວມ ​ແລະ ສະ​ແດງຄວາມ​ຮັກ​ແພງ​ມາ​ຍັງ​ບັນດາ​ທ່ານ ເຊິ່ງທ່ານໄດ້​ໂອ້ລົມ​ກ່ຽວກັບ​ການຈັດຕັ້ງປະຕິບັດ​ກົດໝາຍວ່າ​ດ້ວຍ​ການ​ຄວບ​ຄຸມ​ຢາສູບ​ໃຫ້​ເຂົ້າ​ໄປ​ສູ່ກາ​ນດຳລົງ​ຊິວິດ​ປະຈຳ​ວັນ​ຂອງ​ປະຊາຊົນ ​ແລະ ການ​ກະກຽມ​ໃຫ້​ແກ່​ການ​ທີ່​ຈະ​ປະ​ກາດ​ໃຫ້​ເມືອງນາກາຍເປັນເມືອງປອດຄວັນ​ຢາສູບ​ນັ້ນໝາຍຄວາມ​ວ່າປອດ​ຄວັນ​ຢາສູບ​ບໍ່ໝາຍຄວາມ​ວ່າ​ບໍ່​ໃຫ້ມີ​ກາຄ້າຂາຍ​ຢາສູບ ​ແລະ ບໍ່​ໃຫ້​ມີ​ການ​ສູບຢາ​ແຕ່​ປະການ​ໃດ​ແຕ່​ມັນໝາຍ​ເຖິງ ການຈັດ​ລະບຽບ​ໃນ​ການ​ສູບຢາ​ໃຫ້​​ເປັນ​ບ່ອນ​ເປັນ​ທີ່. ທ້າຍ​ສຸດ​ນີ້ທ່ານ​ຍັງສະ​ແດງ​ຄວາມ​ຂອບ​ອົກ​ຂອບ​ໃຈ​ມາ​ຍັງ​ການ​ນຳ​ຂັ້ນ​ແຂວງ ​ແລະ ພະ​ແນ​ກສາທາລະນະ​ສຸກຂັ້ນ​ແຂວງ​, ຂັ້ນ​ເມືອງ​ທີ່​ໄດ້​ສະ​ໜັບ​ສະໜູນ ວຽກງານ​ປອດ​​ຄວັນ​ຢາສູບ.

ຂ່າວ:  ໃໝ່ ພົງສະທອນ

 

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?