ໜ້າຫຼັກ >> ເພື່ອສຸຂະພາບ >> ອປສ ສື່ບຕໍ່ຮ່ວມມືການບໍລິການທາງດ້ານການແພດກັບໂຮງໝໍ 14 ແຫ່ງ ໃນທົ່ວປະເທດ.
ອປສ ສື່ບຕໍ່ຮ່ວມມືການບໍລິການທາງດ້ານການແພດກັບໂຮງໝໍ 14 ແຫ່ງ ໃນທົ່ວປະເທດ.
ວັນທີ 14 ມິຖຸນາ 2013 - ເວລາ 11:39:06 ເບິ່ງ 2115 ຄຳເຫັນ 1

ພິທີເຊັນສັນຍາບໍລິການທາງດ້ານການແພດລະຫວ່າງອົງການປະກັນສັງຄົມກັບບັນດາໂຮງໝໍ 14 ແຫ່ງ ໃນທົ່ວປະເທດແມ່ນໄດ້ຈັດຂຶ້ນໃນວັນທີ 13 ມີຖຸນາ 2013 ທີ່ສະໂມສອນບົດບາດຍິງ - ຊາຍ ແຂວງຄຳມ່ວນ, ໂດຍມີ ທ່ານ ປະສົງ ວົງຄຳຈັນ ຜູ້ອຳນວຍການອົງການປະກັນສັງຄົມ ( ອປສ ) ກັບ ທ່ານ ຜູ້ອຳນວຍການ ໂຮງໝໍມະໂຫສົດ, ໂຮງໝໍເສດຖາທິຣາດ, ໂຮງໝໍມິດຕະພາບ, ໂຮງໝໍມາເຣຍ ເຕເຣຊາ, ໂຮງໝໍເມືອງວັງວຽງ, ໂຮງໝໍໄຊຍະບູລີ, ໂຮງໝໍຊຽງຂວາງ, ໂຮງໝໍບໍ່ແກ້ວ, ໂຮງໝໍຫລວງພະບາງ, ໂຮງໝໍບໍລິຄຳໄຊ, ໂຮງໝໍ ຄຳມ່ວນ,  ໂຮງໝໍສະຫວັນນະເຂດ ແລະ ຜູ້ອຳນວຍການໂຮງໝໍສາລະວັນ, ໂດຍການເປັນສັກຂີພິຍານຂອງ ທ່ານ  ບຸນຄົງ ຫລ້າສຸກກັນ ປະທານສະພາບໍລິຫານ ອປສ, ທ່ານ ດຣ ຈັນພົມມາ ວົງສຳພັນ ປະທານສະພາ ການແພດ ອປສ, ຕະຫລອດຮອດພາກສ່ວນກຽ່ວຂ້ອງ ເຂົ້າຮ່ວມເປັນສັກຂີພິຍານ.

      ຈຸດປະສົງໃນການສືບຕໍ່ເຊັນສັນຍາໃນຄັ້ງນີ້ ກໍ່ເພື່ອເປັນບ່ອນອີງໃນການຈັດຕັ້ງປະຕິບັດລະບົບປະກັນສຸຂະ ພາບແບບມອບເໝົາ ອປສ, ການຈ່າຍເງິນມອບເໝົາການບໍລິການທາງດ້ານການແພດໃຫ້ແກ່ຜູ້ເກີດສິດ ທີ່ຢູ່ພາຍ ໃຕ້ການຄຸ້ມຄອງອົງການປະກັນສັງຄົມ,  ການຈ່າຍເງິນຂອງອົງການປະກັນສັງຄົມໃຫ້ໂຮງໝໍຄູ່ສັນຍາ ແລະ ດ້ານ ທາງການໃຫ້ການບໍລິການ.

      ປະຈຸບັນການປະຕິບັດວຽກງານປະກັນສຸຂະພາບ ອປສ, ອປລ, ປະກັນສຸຂະພາບຊຸມຊົນ ແລະ ກອງ ທຶນຊ່ວຍເຫລືອຜູ້ທຸກຍາກເຊີ່ງລະບົບດັ່ງກ່າວເຫລົ່ານີ້ໄດ້ລວມເຂົ້າເປັນລະບົບດຽວ ເພື່ອຄວາມເປັນເອກະພາບ ການປິ່ນປົວສຸຂະພາບໃນອານາຄົດ ໂດຍສະເພາະທາງລັດຖະບານແມ່ນໄດ້ໃຫ້ຄວາມສຳຄັນ ແລະ ໄດ້ເອົາໃຈໃສ່ ຊຶ່ງກຳນົດໄວ້ໃນມະຕິ 09 ກອງປະຊຸມໃຫ່ຍຂອງພັກ ແລະ ແຜນພັດທະນາເສດຖະກິດສັງຄົມແຫ່ງຊາດຄັ້ງທີ່ VII ເປົ້າຫມາຍເພື່ອສ້າງສິ່ງອຳນວຍຄວາມສະດວກໃຫ້ແກ່ປະຊາຊົນລາວບັນດາເຜົ່າໃນການເຂົ້າເຖິງການບໍລິການ ປິ່ນປົວ ແລະ ມີສຸຂະພາບແຂງແຮງ.

ຂ່າວ : ມະນີວັນ

ສະແດງຄຳຄິດເຫັນຂອງທ່ານ
ຊື່ ແລະ ນາມສະກຸນ
ອີເມວ
ຄຳເຫັນ
Captcha
ທ່ານຕ້ອງການລຶບແທ້ບໍ່​ ?